A Aaze 1:1 - WẼNNAAM SEBRE 2014

¹ Rĩm a Daryʋʋs sẽn deeg naam tɩ yʋʋm yiiblẽ, kiuug a yoob soabã pipi daare, Sẽn-Ka-Saab tũnuga b no-rɛɛs a Aaze n gom ne a Saltiyɛll biig a Zorobabɛll sẽn dag n yaa Zʋʋda soolem gʋvɛrneerã, ne a Yehosadak biig a Zozoe sẽn dag n yaa maan-kʋʋr kãsmã. B yeela bãmb yaa:

SEBR SÕNGO

¹ Dĩm a Dariyus naam yʋʋmd a yiib soaba, kiuug a yoob soaba, kiuuga pipi daare, Soaala-Wẽnd goma ne bãngd a Aze. Soaala yeel-a lame t'a taas b koɛɛg a Zorobabɛl, a Sealtiyɛl biiga, Zɩɩda kombere, n paas maan-kʋʋd kãsenga a Zosadak biiga a Zozuwe:

A Aaze 1:1 Iomraidhean Croise

1 Rĩm-dãmbã 10:15

n paas ne yaood nins yẽnda sẽn deegd toandbã ne lɛɛbdbã nengẽ wã, la ne soolem-dãmb a taabã rĩm-dãmba, wall tẽngã kombɛɛmbã sẽn wat n yaood yaood ninsã.

1 Rĩm-dãmbã 14:18

Dẽ, b muma biigã, la Israyɛll nebã fãa yãba a kʋʋre, wa Sẽn-Ka-Saab sẽn dag n kɩt tɩ b no-rɛɛs a Akiya togsã.

2 Rĩm-dãmba 14:25

Yẽnda lebs n deega Israyɛll tẽmsã sẽn sɩng ne Lebo-Hamat sẽn be nug-rɩtgã, n tɩ tãag yamsem ko-kãsengã sẽn be Araba tẽn-nabdrã sẽn be nug goabgã. Dẽ, kell n yɩɩ wa sẽn zems Sẽn-Ka-Saab sẽn yaa Israyɛll Wẽnnaamã sẽn dag n kɩt tɩ Gat-Hefɛɛr dao a Amitayi biig a Zonaas sẽn yaa bãmb no-rɛɛsã togsã.

1 Kibayã 3:17

Yamb a Yekoniya kom-dibli yaa a Seyaltiyɛlle,

1 Kibayã 3:19

A Pedaya kom-dibli yaa a Zorobabɛll ne a Simeyi. A Zorobabɛll kom-dibli yaa a Mesulam ne a Hananiya, la bãmb dag n tara tão-poak t'a yʋʋr boondẽ t'a Selomiti.

Esdras 1:8

Pɛrs-rãmbã rĩm a Siruus kɩtame tɩ laogã gũud a Mitredat yiis teedã n sõd n kɩs Zʋʋda tẽng na-biig a Sesbatsaare.

Esdras 10:18

Ad Maan-kʋʋdbã neb nins sẽn peeg bu-zẽmsã kamb n maan b pagbã: A Yotsadak biig a Zozoe ne a saam-biisã kamb sʋka, yaa a Maaseza, a Eliyezɛɛre, a Yariibi, ne a Gedaliya.

Esdras 2:2

Yaa a Zorobabɛlle, a Zozoe, a Neemi, a Seraya, a Relaya, a Mardoose, a Bilesã, a Mispaare, a Bigvayi, a Rehum ne a Baana, n lʋɩ nebã taoor n tall-b n lebg n lebe.

Esdras 2:63

La gʋvɛrneerã meng gɩdga bãmb tɩ b ra rɩ kũunã b sẽn kõ Wẽnnaamã rɩɩb ye. Hal tɩ maan-kʋʋdã wa n sok Wẽnnaam ne Urim la Tumim n ges sã n zemsame tɩ b rɩ.

Esdras 3:2

La maan-kʋʋd a Yosadak biig a Zozoe ne a saam-biisã sẽn yaa maan-kʋʋdbã, ne a Seyaltiyɛll biig a Zorobabɛll ne a saam-biisã yikame n lebs n me Israyɛll Wẽnnaamã tẽn-kugrã, n na n maan maoong sẽn yõogd bugum beenẽ, wa sẽn gʋls Wẽnnaam dao a Moyiis tõogã pʋgẽ wã.

Esdras 3:8

Bãmb sẽn yi yembdã pʋg n wa Wẽnnaam doogã sẽn be Zeruzalɛm pugẽ wã tɩ yʋʋm yiiblẽ, kiuug a yiibẽ soabã pʋgẽ, a Seyaltiyɛll biig a Zorobabɛll ne a Yosadak biig a Zozoe, ne b saam-biisã sẽn ketã sẽn yaa maan-kʋʋdbã, la Leevi buudã, ne neb nins fãa sẽn yi yembdã weoog n wa wã yikame n sɩng tʋʋmã. Bãmb tũusa Leevi buudã neb nins sẽn tar yʋʋm pisi, la sẽn yɩɩd woto wã, n yeel-b tɩ b ges Sẽn-Ka-Saab roogã meeb yelle.

Esdras 4:2

bãmb kẽnga a Zorobabɛll ne buudã kãsem-dãmb nengẽ n tɩ yeel-b yaa: «Tõnd dat n sõnga yãmb n me Wẽnnaam doogã. Bala, tõnd pʋʋsda Wẽnnaam ning yãmb sẽn pʋʋsdã. La hal sẽn sɩng ne daar ning Asiiri rĩm a Asaradon sẽn wa ne tõnd ka wã tɛka, tõnd maanda maand ka bãmb waoogr yĩnga.»

Esdras 4:24

Woto, b kɩtame tɩ Wẽnnaam doogã sẽn be Zeruzalɛmã tʋʋmd yalse. La tʋʋmdã kell n yalsame hal n tãag Pɛrs-rãmbã rĩm a Daryuus sẽn deeg a naamã tɩ yʋʋm yiiblẽ.

Esdras 5:1

Daar a yembre, Wẽnnaam no-rɛɛsdb a yiibu, a Aaze, ne a Ido biig a Zakari togsa pĩnd-n-bãngr gomde, Zʋɩf-rãmb nins sẽn be Zeruzalɛmã ne Zʋʋda pʋgẽ wã wɛɛngẽ, ne Israyɛll Wẽnnaamã sẽn be ne bãmbã yʋʋre.

Esdras 5:3

La Wakat-kãng bala, gʋvɛrneer a Tatnayi sẽn so Efrat kʋɩlgã rʋʋndã, ne a Setaar-Boznayi, ne b tʋmd-n-taasã kẽnga bãmb nengẽ n tɩ sok-b yaa: «Yaa ãnda soab n kõ yãmb noor tɩ y lebs n me Wẽnnaam doogã, la y yik a lalsã?»

Esdras 6:14

Zʋʋda kãsem-dãmbã kẽnga taoor n me roogã ne tõogre, wa Wẽnnaam no-rɛɛsdb a Aaze ne a Ido biig a Zakari sẽn dag n yeelã. Bãmb mee roogã n sɛ wa Israyɛll Wẽnnaamã sẽn yeelã, la a yɩɩ wa rĩm a Siruus ne rĩm a Daryuus la rĩm a Artagzɛrzɛɛs sẽn yaa Pɛrs-rãmbã rĩm-dãmbã sẽn dag n kõ noorã to-to wã.

A Neemi 12:1

Maan-kʋʋdb nins ne Leevi buudã neb nins sẽn tũ a Seyaltiyɛll biig a Zorobabɛll ne a Zozoe n wa wã yʋy la woto: Yaa a Seraya, a Zeremi, a Ezra,

A Neemi 12:10

A Zozoe n dog a Yoyakim, t'a Yoyakim dog a Eliyasɩɩbe, t'a Eliyasɩɩb dog a Yoyada,

A Neemi 5:14

Daar ning rĩmã sẽn yãk maam tɩ m lebg Zʋʋda tẽng gʋvɛrneer n soog Zʋɩf-rãmbã tɛka, sẽn sɩng ne rĩm a Artagzɛrzɛɛs sẽn deeg a naamã tɩ yʋʋm pis-yiiblẽ n tɩ tãag a yʋʋm pis-tã la a yiiblẽ wã, maam ne m saam-biisã maana yʋʋm piig la a yiibu, n ka tol n deeg yaood wa gʋvɛrneer sẽn segd n deegã ye.

A Neemi 7:7

Ad neb nins sẽn tall bãmb n wa wã yʋya: Yaa a Zorobabɛlle, a Zozoe, a Neemi, a Azariya, a Raamiya, a Nahamani, a Mordokayi, a Bilsãn, a Misperɛte, a Bigvayi ne a Nehum la a Baana. Ad Israyɛll neb nins sẽn tũ bãmb n wa wã sõore.

A Neemi 8:9

Dẽ, gʋvɛrneer a Neemi, ne maan-kʋʋd a Ɛsdraas sẽn yaa gʋlsdã, ne Leevi buudã neb nins sẽn dag n bilgd tõodã võorã yeela nebã fãa yaa: «Rũndã daarã yaa daar sẽn welg toor Sẽn-Ka-Saab yĩnga. Rẽ wã, ka neer tɩ y sãam y sũyã, n yãb ye.» Bala nebã fãa sẽn wʋm kaorengã b yãbame.

Yikri 4:13

La a Moyiis leokame: «Y kabre, m Soaala! M kotame tɩ y tʋm yãmb sẽn dat-a soaba!»

A Aaze 1:12

A Saltiyɛll biig a Zorobabɛlle, ne a Yehosadak biig a Zozoe sẽn yaa maan-kʋʋr kãsmã, la neb a taabã fãa kelga Sẽn-Ka-Saab sẽn yaa bãmb Wẽnnaamã koɛɛga, wa sẽn zems no-rɛɛs a Aaze sẽn togsã, la wa sẽn zems Sẽn-Ka-Saab sẽn yaa bãmb Wẽnnaamã sẽn tʋm-a t'a togsã. La rabeem yõka nebã Sẽn-Ka-Saab taoore.

A Aaze 1:14

Sẽn-Ka-Saab neka a Saltiyɛll biig a Zorobabɛll sẽn yaa Zʋʋda gʋvɛrneerã yam, la b nek a Yehosadak biig a Zozoe sẽn yaa maan-kʋʋr kãsmã yam, ne neb a taabã fãa. Bãmb wa n sɩnga Saasẽ-Pãng-Soabã sẽn yaa bãmb Wẽnnaamã roog meeb tʋʋmde.

A Aaze 1:15

Yaa rĩm a Daryʋʋs sẽn deeg a naamã tɩ yʋʋm yiiblẽ, kiuug a yoob soabã rasem pisi la a naas daare.

A Aaze 1:2

«Saasẽ-Pãng-Soabã yetame: ‹Nin-bãmbã yetame: Wakatã nan ka ta ye. Wakat ning b sẽn segd n lebs n me Sẽn-Ka-Saab roogã nan ka ta ye.› »

A Aaze 1:3

Rẽ n kɩte, tɩ Sẽn-Ka-Saab tũnug b no-rɛɛs a Aaze n gom ne bãmb n yeele:

A Aaze 2:10

Rĩm a Daryʋʋs sẽn deeg a naamã tɩ yʋʋm yiiblẽ, kiuug a wɛ wã rasem pisi la a naasã daare, Sẽn-Ka-Saab goma ne no-rɛɛs a Aaze n yeele:

A Aaze 2:20

Kiuugã rasem pisi la a naasã daare, Sẽn-Ka-Saab leb n goma ne a Aaze naoor a yiibẽ soab n yeele:

A Aaze 2:21

«Togs Zʋʋda gʋvɛrneer a Zorobabɛll tɩ mam na n kɩtame tɩ saasẽ la tẽng rigimdi.

A Aaze 2:4

Moasã, maam a Sẽn-Ka-Saab yetame: «Zorobabɛlle, paam daoodo! A Yehosadak biig a Zozoe sẽn yaa maan-kʋʋr kãsmã, paam daoodo! Yãmb a tẽngã gill fãa nebã, paam-y raoodo! Yaa maam a Sẽn-Ka-Saab n yeele. Tʋm-y-yã! Bala, mam bee ne yãmba, yaa maam a Saasẽ-Pãng-Soabã n yeele.

Zakari 1:1

Dĩm a Daryʋʋs naamã yʋʋm a yiibẽ soabã kiuug a nii soabã pʋga, Sẽn-Ka-Saab goma ne b no-rɛɛs a Zakari. A Zakari yaa a Berekɩya biiga, t'a Berekɩya yaa no-rɛɛs a Ido biiga. Sẽn-Ka-Saab yeelame tɩ b yeel Israyɛll nebã yaa:

Zakari 3:1

Sẽn-Ka-Saab wilga maam maan-kʋʋr kãsem a Zozoe sẽn yas Sẽn-Ka-Saab malɛɛkã taoore. La a Sʋtãan dag n yasa malɛɛkã nug-rɩtg n na n dõd-a.

Malasi 1:8

Yãmb sẽn talld rũng sẽn yaa zoang n wat n na n maan maoongã, ka bõn-wẽng sɩda? Yãmb sẽn talld rũng sẽn yaa woabg bɩ bãad n wat tẽn-kugrẽ wã, ka bõn-wẽng sɩda? Mam kotame tɩ y rɩk rũng a woto buud n tɩ kõ y tẽngã gʋvɛrneer n gese, a sũur na yɩ noog ne yãmba? Yãmb tẽedame t'a na n deeg-y-la sõama sɩda? Maam a Saasẽ-Pãng-Soab n yeele.

A Luk Sõng 3:27

sẽn yaa a Zoaana biiga, sẽn yaa a Reeza biiga, sẽn yaa a Zorobabɛll biiga, sẽn yaa a Salatiyɛll biiga, sẽn yaa a Neeri biiga,