Abakuk 3:4 - WẼNNAAM SEBRE 2014

⁴ Bãmb yaa wa vẽenem sẽn yãgde. Vẽenem sẽn yãgd n yit bãmb nugẽ wã, la bãmb pãngã solga beenẽ.

SEBR SÕNGO

⁴ Soaala watame n yãgd ne vẽenem. Wĩnto-kãn a yiibu n tond b nugẽ, b pãnga la b mum b nugẽ.

Abakuk 3:4 Iomraidhean Croise

A Neemi 9:12

La wĩndga, yãmb tɛta y nebã ne sawaodgo, la yʋngo, yãmb tɛt-b-la ne bug-witim sẽn vẽnegd bãmb sorã.

A. Zoobe 26:14

Bõn-bãmba wiligda bãmb pãng tʋʋmã bilf bala, tɩ tõnd wʋmd a rãamdã wa waleng bala, dẽ, ãndã n tõe n wʋm b tʋʋm-kãsengã sa-tãs võore?»

Yɩɩn‑sõamyã 104:2

Bãmb yera vẽenem wa fuugu. Bãmb yɛdgda sa-gãongã wa fu-roogo.

Yɩɩn‑sõamyã 18:12

Bãmb solga b meng lik pʋgẽ, n kɩt t'a lebg roog n gũbg bãmb wa koom sẽn be sawad-lik pʋga.

Yikri 13:21

Sẽn-Ka-Saab rag lʋɩta bãmb taoor sawad-taok pʋgẽ wĩntoogo, n yãagd bãmb sorã zugu. La yʋngo, sawad-taokã lebgda bugum n kõt bãmb vẽenem, tɩ b tõe n kẽnd wĩntoog ne yʋngo.

Yikri 14:20

la a yalsa Ezɩpt nebã ne Israyɛll nebã sʋka. Sawaodgã lebga libsg yʋngã tɛka. La yʋngã tɛka, Ezɩpt rãmbã ne Israyɛll dãmbã ka tõe n kolg taab ye.

Yelbũna 18:10

Sẽn-Ka-Saab yʋʋrã yaa gãsg sẽn tar pãnga, nin-tɩrg sã n zoe n tɩ kẽ be, yell kõn paam-a ye.

Ezekiyɛl 1:27

Mam leb n yãnda bũmb sẽn wẽnd bug-pãrse, n yaa wa bugum n pɩnd zĩigã fãa, sẽn sɩng ne yẽnda sɛɛgã sẽnẽ n tãag yĩngri, la sẽn sɩng ne yẽnda sɛɛgã sẽnẽ n tãag tẽngre. Mam leb n yãnda bũmb sẽn wẽnd bugum vẽenem sẽn gũbg yẽnda.

Ezekiyɛl 43:2

La ade, mam yãnda Israyɛll Wẽnnaamã ziir sẽn puk yaang sẽnẽ n watẽ. Bãmb koɛɛgã rãamd dag n wẽnda ko-kãsemsã rãamde. La dũniyã rag n yãgda ne bãmb ziirã.

A Matiye Sõng 17:2

A Zeezi tedga bãmb taoore: bãmb nengã rag n yãgda wa wĩntoogo, la b futã lebga peels wa vẽenem.

1 Tɩmote 6:16

Yaa bãmb bal n ka kiida, n vɩ vẽenem ned sẽn ka tõe n ta pʋgẽ. Ned nan ka yãnd bãmb ye, la ned ka tõe n yãnd bãmb me ye. Yaa bãmb n so waoogre, la pãng sẽn paad wakat sẽn kõn sa. Ãmina!

Vẽnegre 21:23

Tẽngã ka baood tɩ wĩntoog bɩ kiuug yãg beenẽ ye. Bala, Wẽnnaam ziirã kõt-a-la vẽenem, la pe-bilã yaa a fɩtla.

Vẽnegre 22:5

Yʋng kõn leb n zĩnd ye, la nebã kõn dat fɩtl vẽenem wall wĩntoog vẽenem ye. Bala, Zu-soab a Wẽnnaam n na n yɩ bãmb vẽenem. La bãmb na n dɩɩ naam zamaan woo zamaana.