Abakuk 3:2 - WẼNNAAM SEBRE 2014

² Sẽn-Ka-Saabo, mam dag n wʋmame tɩ b gomd yãmb tʋʋm-kãsemsã yelle. Yãmb tʋʋm-kãsemsã kẽesa maam dabeem. Maan-y tʋʋm-kãens tõnd zamaanẽ wã. Kɩt-y tɩ tõnd zamaanẽ nebã bãng y tʋʋm-kãsemsã! La y sũ-yikrã pʋga, tẽeg-y y nimbãan-zoeerã yelle!

SEBR SÕNGO

² Soaala, Soaala, m wʋma y noora sẽn togsã, la rabeem bal n tar-ma, Soaala paam pẽgr yʋʋma sẽn tong taabã y tʋʋm sõma wã y sẽn tʋma yĩnga! Yʋʋma sẽn watã le berg-y y tʋʋm bãna tõnd ninsaalba nifẽ. Ba y sã n be bʋʋm n yikd y sũur ne-do, baasgo wilg-y tõnd y nimbãan-zoeere.

Abakuk 3:2 Iomraidhean Croise

Esdras 9:8

La baoosgo, sẽn nan ka kaoose, yãmb a Sẽn-Ka-Saab sẽn yaa tõnd Wẽnnaamã, wilga tõnd y nimbãan-zoeere, n kɩt tɩ tõnd buudã neb nins sẽn põsã lebg n wa zĩnd yãmb a Wẽnnaam soolmã sẽn yaa zĩ-sõngã pʋga. Tõnd Wẽnnaam, yãmb maana woto n kɩt tɩ tõnd nin puki, yãmb leb n kõ-d-la vɩɩm bilf d yembdã pʋga.

A. Zoobe 42:5

Mam tʋbr dag n wʋmdame tɩ b gomd yãmb yelle. La moasã, mam nif yãnda yãmba.

Yɩɩn‑sõamyã 119:120

Mam sẽn zoet yãmbã yĩng kɩtame tɩ mam digda. Yãmb bʋ-kaoorã kẽesda maam dabeem.

Yɩɩn‑sõamyã 25:6

Sẽn-Ka-Saabo, tẽeg-y yãmb nimbãan-zoeerã ne y nonglmã sẽn sɩng n be hal wakat fãa wã yelle.

Yɩɩn‑sõamyã 38:1

A Davɩɩd yɩɩlle, tẽegr yĩnga.

Yɩɩn‑sõamyã 44:1

A Koore yagensã yɩɩlle, yɩɩlã naab yĩnga.

Yɩɩn‑sõamyã 71:20

Yãmb kɩtame tɩ yel-pakr ne tood wʋsg paam tõndo. La yãmb n na n leb n kõ maam vɩɩm, yãmb n na n leb n yiis maam bog-zulungã pʋga.

Yɩɩn‑sõamyã 78:38

La Wẽnnaam sẽn yaa nimbãan-zoɛtã yĩnga, b kõo bãmb b yel-wẽnã sugri, n ka sãam bãmb ye. Naoor wʋsgo, bãmb tõoga b sũuri, n ka bas tɩ b sũ-puugrã fudg ye.

Yɩɩn‑sõamyã 85:6

Yãmb sũur na n yika ne tõnd n ka basdẽ? Yãmb sũ-puugrã na n yɩɩ zamaan woo zamaan yĩng bɩ?

A Ezayi 53:1

Ãnda soab n tẽ bũmb ning b sẽn dag n togs tõndã? Sẽn-Ka-Saab wilga ãnda soab b pãngã?

A Ezayi 54:8

Mam sũur dag n puuga wʋsg ne foom, tɩ mam dag n wẽnemd n bas foom wakat bilf pʋgẽ, la ne nonglem sẽn ka sɛta, mam na n zoee fo nimbãanega. Yaa Sẽn-Ka-Saab sẽn yaa fo fãagdã n yeele.

A Ezayi 63:15

Zĩnd-y yĩngr saasẽ, zĩnd-y y yi-sõngã sẽn tar ziirã pʋga, n sulg n gese. Yãmb nonglem-kãsengã ne y pãngã bee yɛɛnẽ? Bɩ y ra mong maam y nimbãan-zoeerã ne y sõmblem-kãsengã ye.

A Ezayi 66:2

Bõn-kãensã fãa yaa mam nug n maane, yaa woto la bũmb fãa wa n beẽ. Maam a Sẽn-Ka-Saab n yeele. Ad mam sẽn na n wẽnemd m neng n ges a soaba: yaa sik-m-meng soab sẽn be sũ-sãang pʋga, n zoet mam goamã rabeem n digda.

Zeremi 10:24

Sẽn-Ka-Saabo, rems-y tõnd wa sẽn zems y tɩrlmã, la y ra rems tõnd wa sẽn zems y sũ-yikrã ye. Sã n ka rẽ, tõnd na n menema zãnga.

Zeremi 10:7

Buudã fãa rĩmã, ãnda soab n ka na n zoe yãmba? Yãmb seka zoeese. Bala, buud toay-toayã fãa yam dãmbã sʋka, ne b soolem-dãmbã fãa pʋse, yãmb ka tar to ye.

Zeremi 29:10

Maam a Sẽn-Ka-Saab yetame: «Yãmb sẽn na n zĩnd Babilondã sã n wa pid yʋʋm pis-yopoe, mam na n sõnga yãmba, n pids kãab-noog ning m sẽn dag n kãab yãmbã, n kɩt tɩ y lebg n wa zĩ-kãngã.

Zeremi 46:28

Foom a Zakoob sẽn yaa mam tʋmtʋmdã, da zoe rabeem ye! Bala, mam bee ne foom. Mam na n menesa buud nins fãa mam sẽn dag n dig yãmb tɩ y tɩ zĩnd b sʋkã, la sã n yaa ne foom, mam ka na n sãam-f ye. La baoosgo, mam n na n demsa foom wa sẽn zemse. Mam ka na n bas foom taal ye. Maam a Sẽn-Ka-Saab n yeele

Kʋʋr yɩɩla 3:32

Bãmb sã n kõ ned sũ-sãanga, bãmb zoeta a soab nimbãaneg wa sẽn zems bãmb nonglem-kãsengã.

A Dãniyɛlle 8:17

Dẽ, malɛɛk a Gabriyɛll kẽngame n kolg zĩig ning mam sẽn dag n be wã, la mam yɛɛsame, n lʋɩ n fõgen m neng tẽnga. La a yeela maam yaa: Ninsaal biiga, bãng tɩ vẽnegrã wilgda yɛlã sẽn na n yɩ to-to yaoolem wakate.»

Abakuk 3:1

Wẽnnaam no-rɛɛs a Habakuk pʋʋsgo, a yẽgengã wɛɛngẽ:

Abakuk 3:16

Mam sẽn wʋm bʋrgã, mam põaagã bendgame. Bʋrgã kɩtame tɩ m no-bɩmsã rigda, tɩ mam kõabã wãgda, tɩ m naoã gĩin maage. La m dag n yasa sɩɩ n gũudẽ, m dag n gũuda sũ-sãangã daare, m dag n gũuda daar ning tõnd sẽn na n tɩ zab ne sẽn zabd-b ne tõndã.

Zakari 1:12

Sẽn-Ka-Saab malɛɛkã leb n yeelame yaa: «Saasẽ-Pãng-Soaba, yãmb na n basame n ka zoe Zeruzalɛm ne Zʋʋda tẽmsã nimbãaneg hal tɩ ta dabʋre? Bala, yãmb sũurã rag n yika ne bãmb hal yʋʋm pis-yopoe sẽn looge.»

A Zã Sõng 10:10

Wagdr sã n wa n watẽ, yaa tɩ zu, n kʋ, la a sãame. La mam waame tɩ piisã na paam vɩɩm, la tɩ b na paam-a sõama.

Rom Dãmba 10:16

La ka nebã fãa n sak koe-noogã ye. Dẽ n kɩt t'a Ezayi yeel yaa: Zu-soaba, ãnda n tẽ tõnd sẽn togsã?

Filip rãmba 1:6

Mam mii hakɩɩk tɩ Wẽnnaam sẽn sɩng tʋʋm sõng-kãng yãmb sũyã pʋsã na n kell n maan-a lame n baase, hal tɩ ta a Zeezi Kiris daarã.

Ebre rãmba 11:7

Yaa ne tẽeb la a Nowe, wakat ning Wẽnnaam sẽn wilg-a bũmb nins neb sẽn dag n nan zɩ n yã wã, a zoee Wẽnnaam dabeem, n ka koom-kogl-bedre, n na n fãag a yirã rãmba. Yaa tẽebã yĩng la a wilg tɩ dũni ka bʋʋm ye, la a paam tɩrlem sẽn paamd ne tẽebã.

Ebre rãmba 12:21

Bũmb nins sẽn maanã da wata ne rabeem wʋsgo, hal t'a Moyiis yeel tɩ yɛɛsg n tar yẽnda t'a rigda.

Vẽnegre 15:4

Zu-soaba, ãndã n ka na n zoe yãmba, la a ka na n waoog yãmb yʋʋrã? Bala, yãmb y yembr tãa n welg toore. La soolem dãmbã fãa na n wa wõgemda yãmb taoore, yãmb tɩrlmã sẽn pukã yĩnga.