Abakuk 3:18 - WẼNNAAM SEBRE 2014

¹⁸ La baa ne rẽ fãa, mam na n maana sũ-noog ne Sẽn-Ka-Saabo. Mam na n kɩdma ne Wẽnnaam sẽn yaa mam fãagdã.

SEBR SÕNGO

¹⁸ Ne rẽ fãa yaa Soaala la m sũ-noogo, yaa bãmb la m Fãagda.

Abakuk 3:18 Iomraidhean Croise

2 Sãmwɛlle 6:15

A Davɩɩd ne Israyɛll buudã fãa kɩtame tɩ b tall Sẽn-Ka-Saab kaoolã koglgã n kaasdẽ la b peebd bard n watẽ.

A. Zoobe 13:15

B rat bɩ b kʋ maam! Mam ka leb n tar tẽeb ye. Mam na n goma m yell bãmb taoore.

Yɩɩn‑sõamyã 104:34

Bɩ mam kosgã ta bãmb yam! Mam na n maana sũ-noog Sẽn-Ka-Saab pʋgẽ!

Yɩɩn‑sõamyã 149:2

Bɩ Israyɛll nebã maan sũ-noog b naandã yĩnga! Bɩ Sɩyõ kom-dibli wã kɩdem b rĩmã yĩnga!

Yɩɩn‑sõamyã 25:5

Kɩt-y tɩ m kẽn yãmb sɩdã pʋga, la y zãms-b maam. Bala, yaa yãmb la Wẽnnaam sẽn fãagd maam. Mam maanda tẽeb ne yãmb wakat fãa.

Yɩɩn‑sõamyã 27:1

A Davɩɩd yɩɩlle. Sẽn-Ka-Saab yaa mam vẽenem, la mam fãagda. Ãnda la mam na n zoe? Sẽn-Ka-Saab yaa mam vɩɩmã gũuda, ãndã n tõe n kẽes maam dabeem?

Yɩɩn‑sõamyã 33:1

Nin-tɩrse, kaas-y ne sũ-noog Sẽn-Ka-Saab yĩnga! Zemsame tɩ nin-tɩrsã pẽg Sẽn-Ka-Saabo.

Yɩɩn‑sõamyã 85:6

Yãmb sũur na n yika ne tõnd n ka basdẽ? Yãmb sũ-puugrã na n yɩɩ zamaan woo zamaan yĩng bɩ?

Yɩɩn‑sõamyã 97:12

Nin-tɩrse, kɩdm-y Sẽn-Ka-Saab pʋga, la y pʋʋs bãmb bark n tẽeg bãmb sõmblmã yelle!

Yikri 15:1

Dẽ, a Moyiis ne Israyɛll nebã yɩɩla yɩɩn-kãngã n waoog Sẽn-Ka-Saab n yeele: «Mam na n yɩɩlame n waoog Sẽn-Ka-Saabo. Bala, bãmb naamã yaa kãsenga. Bãmb luba wiid ne b wed-rʋʋdb ko-kãsengã pʋgẽ.

Yikri 15:2

Sẽn-Ka-Saab yaa mam pãnga, la b yaa mam pãn-kãsenga, n yaa mam pẽgr yɩɩlle. Bãmb yaa mam fãagda. Bãmb yaa mam Wẽnnaam, la mam na n waooga bãmba. Bãmb yaa mam ba wã Wẽnnaam, la mam na n pẽga bãmba.

A Ezayi 12:2

Gese, Wẽnnaam yaa mam fãagda, mam maanda tẽebo, la m kõn zoe rabeem ye. Bala, Sẽn-Ka-Saab yaa mam pãnga, la b yaa mam pãn-kãsenga. Bãmb yaa mam fãagda.»

A Ezayi 25:9

Badaare, b na n yeelame yaa: «Yaa bãmb la tõnd Wẽnnaam! Tõnd dɩka d teegrã n teeg bãmba, la bãmb fãaga tõndo. Bãmb yaa Sẽn-Ka-Saabo, tõnd sẽn teeg a soabã, wa-y tɩ d maan sũ-noogo, d kɩdem bãmb fãagrã yĩnga!

A Ezayi 41:16

Fo na n yelga bãmb tɩ sobg rɩk n looge, sob-kãseng na n sãeega bãmba. La sã n yaa ne foom, fo na n maana sũ-noog Sẽn-Ka-Saab yĩnga. Fo na n kɩdma Israyɛll Pʋ-Peelem-Soabã yĩnga.

A Ezayi 61:10

Mam paamda m sũ-noogã Sẽn-Ka-Saab nengẽ, mam na n kɩdma wʋsg mam Wẽnnaamã yĩnga. Bala, bãmb yeelga maam fãagr fuugu, la b yeelg maam tɩrlem kobre, wa pʋg-paal sɩd sẽn fõgend a maanfo, wa maan-kʋʋd sẽn fõgen a pugl-neere, la wa pʋg-paal sẽn ning a fan-teedo.

A Zowɛlle 2:23

Sɩyõ nebã, kɩdm-y-yã, la y maan sũ-noog ne Sẽn-Ka-Saab sẽn yaa yãmb Wẽnnaamã, bala, bãmb kɩtame tɩ dẽenem saag ni wa sẽn zems a wakate, bãmb sika sa-kẽeng yãmb yĩnga, bãmb kɩtame tɩ dẽenem ne yaoolem saag ni wa pĩndã.

A Miise 7:7

La sã n yaa ne maam, mam na n gũu Sẽn-Ka-Saabo, mam na n yals n gũu Wẽnnaam sẽn yaa mam fãagrã. Mam Wẽnnaamã na n kelga maam.

Zakari 10:7

Efrayiim buudã neb na n paama raood wa gãndaoogo. Bãmb na n paama sũ-noog wa b yũu reezẽ rãam. Bãmb kambã sã n yãnd bãmba, b na n kɩdmame, n maan sũ-noog Sẽn-Ka-Saab yĩnga.

A Luk Sõng 2:30

mam nin yãnda fãagr ning yãmb sẽn kõ tõndã,

Yaoolem 12:18

La yaa Sẽn-Ka-Saab sẽn yaa yãmb Wẽnnaamã taoor bala, zĩig ning Sẽn-Ka-Saab sẽn yaa yãmb Wẽnnaamã sẽn yãkã, la yãmb ne y bi-ribla, la y bi-pugla, ne y yem-daadã, la y yem-pogsã, ne Leevi buudã ned sẽn be yãmb tẽmsã pʋsã na n dɩ Sẽn-Ka-Saab sẽn yaa yãmb Wẽnnaamã taoore, n maan sũ-noog ne bũmb ning yãmb sẽn tarã.

Filip rãmba 4:4

Maan-y sũ-noog daar fãa Zu-soabã tũudum pʋgẽ. Mam leb n yetame, maan-y sũ-noogo.

Zake 1:2

M ba-biisi, makr buud toay-toay sẽn tõe n paam yãmbã, ges-y-b wa bũmb sẽn wat ne yãmb sũ-noog zãnga,

1 Pɩyɛɛr 1:8

Baa ne yãmb sẽn nan ka yã a Zeezi Kirisã, yãmb nonga bãmba. Baa yãmb sẽn nan ka yã bãmbã, yãmb tẽeda bãmba, n maand sũ-noog noor sẽn ka tõe n togse, la sẽn tar ziiri.

1 Sãmwɛlle 2:1

A Ãnd pʋʋsame n yeele: «Mam kɩdemda ne sũ-noog Sẽn-Ka-Saab pʋgẽ. Sẽn-Ka-Saab paasa maam pãnga, la mam tõe n la m bɛɛbã. Mam sũur yaa noogo, y sẽn fãag-ma yĩnga.