Abakuk 3:13 - WẼNNAAM SEBRE 2014

¹³ Yãmb yiime n na n fãag y nebã, Yãmb yi n na n fãaga y nin-tũusdgã. Yãmb sãamda nin-wẽng roog sugri, y sãamd-a-la zãng tɩ bũmb ka kell ye.

SEBR SÕNGO

¹³ Y yi-la y buuda fãagr yĩnga y yi-la y dĩma fãagr yĩnga. Y fõka nin-wẽnga roog sugri, y sarma a rota lals zãnga.

Abakuk 3:13 Iomraidhean Croise

2 Sãmwɛlle 5:20

A Davɩɩd kẽnga Baall-Peratsim n tɩ zab n tõog Filistẽ-dãmbã, n bas n yeele: «Sẽn-Ka-Saab larga mam bɛɛbã m taoore, wa koom sẽn pãrg bɛoongo.» Yaa rẽ n kɩt tɩ b pʋd zĩ-kãng yʋʋre, tɩ Baall-Peratsim, rat n yeel tɩ Sẽn-Ka-Saab pãrgda sore.

Yɩɩn‑sõamyã 105:15

«Da saag-y n sɩɩs-y mam nin-tũusdsã ye, la y ra maan mam no-rɛɛsdbã wẽng ye!»

Yɩɩn‑sõamyã 105:26

Sẽn-Ka-Saab tʋma bãmb tʋmtʋmd a Moyiis ne a Aarõ bãmb sẽn yãkã,

Yɩɩn‑sõamyã 110:6

Bãmb kaooda bu-zẽmsã bʋʋdo, la zĩigã fãa pida ne kũum. Bãmb neema tẽn-bedr naaba.

Yɩɩn‑sõamyã 137:7

Sẽn-Ka-Saabo, tẽeg-y Edom nebã yelle, bala, Zeruzalɛm sãoongã daare, bãmb dag n yetame: «Kõog-y-yã-a, kõog-y tẽngã ne a yẽbgrã zãnga!

Yɩɩn‑sõamyã 20:6

Tõnd na n kaasa ne sũ-noogo, yãmb fãagrã yĩnga. Tõnd na n zẽka d tãb-kaoor tõnd Wẽnnaamã yʋʋr pẽgr yĩnga. Sẽn-Ka-Saab na n leoka f kosdã fãa.

Yɩɩn‑sõamyã 28:8

Sẽn-Ka-Saab yaa b nebã pãnga. Bãmb yaa pãng zĩig b nin-tũusdgã fãagr yĩnga.

Yɩɩn‑sõamyã 68:7

Wẽnnaam n kɩtd tɩ sẽn ka tar-a ned paam buudu, la b tõe tɩ bi-bees paam lohorem sũ-noogo. La b kɩtdame tɩ kɩɩsdbã zĩnd tẽn-koɛɛng pʋga.

Yɩɩn‑sõamyã 77:20

Yãmb sorã ra bee ko-kãsengã pʋga, yãmb so-bukã bee ko-zulumsã pʋse, la ned ka yã yãmb nao-bogd ye.

Yɩɩn‑sõamyã 99:6

A Moyiis ne a Aarõ sẽn dag n be Sẽn-Ka-Saab maan-kʋʋdbã sʋkã, ne a Samwɛll sẽn dag n be sẽn boond-b bãmb yʋʋrã sʋkã, b fãa boola Sẽn-Ka-Saabo, la b leoka bãmba.

A Ezayi 63:11

Woto, bãmb nebã tẽega wakat sẽn loogã yelle, bãmb tẽega a Moyiis wakatẽ wã yell n sokdẽ yaa: «Soab ning sẽn kɩt-a tɩ bãmb pe-kɩɩmbã ne bãmb piisã pɩʋʋg ko-kãsengã n loogã bee yɛɛnẽ? Soab ning sẽn dag n kɩt-a tɩ b Sɩɩgã be bãmb pʋsã bee yɛɛnẽ?

A Ezayi 64:1

Bugum sẽn wit boaag pʋgẽ to-to wã, la koom sẽn kɛɛd t'a walem zẽkdẽ wã, yãmb bɛɛbã na n bãnga yãmb yʋʋrã, la bu-zẽmsã na n diga yãmb taoore.

Ezekiyɛl 13:14

Mam na n pãba lalg ning yãmb sẽn dag n bol ne goorã n wã, mam na n lub-a-la tẽnga, t'a yẽbgrã puki. La a n na n lʋɩɩme n zãb yãmb n menes-y zãnga. Woto la yãmb na n bãng tɩ mam yaa Sẽn-Ka-Saabo.»

A Amoose 9:1

Mam yãnda Zu-soabã sẽn yas tẽn-kugrã taoor n yetẽ: Wẽ ra-lugdsã tɩ roogã miime, n lʋɩ n zãb nebã fãa! Mam na n kʋʋ bãmb yagensã ne zabr sʋʋga. Bãmb sʋkã ned ba a yembr ka na n paam n zoe, la sẽn zoet-bã ba a yembr ka na n tõog n põs ye.

Zozuwe 10:11

Israyɛll nebã sẽn wa n digd Amoor-dãmbã tɩ b zoetẽ wã, b sẽn wa n ta Bɛt-Horon tãngã sigdgã, Sẽn-Ka-Saab kɩtame tɩ sapɩlem bɛd-bɛd yi yĩngr n lʋɩ n pãb bãmb n tɩ tãag Azɛka, la b kiime. Neb nins sapɩlmã sẽn kʋ wã sõor yɩɩda Israyɛll nebã sẽn kʋ-b rãmb ne zabr sʋʋgã.

Zozuwe 10:24

La b sẽn yiis rĩm-dãmb a nu wã n tall-b n kẽngã, yẽnda boola Israyɛll nebã fãa, n yeel tãb-biis nanambs nins sẽn dag n tũ yẽnda wã yaa: «Kolg-y-yã! Tabg-y nanambs a nu wã yubli ne y naoore.» B kolgame n tabg b yubli wã.

Zozuwe 10:42

A Zozoe tõoga rĩm-dãmb-kãens ne b tẽmsã wakat a ye pʋgẽ. Bala, Sẽn-Ka-Saab sẽn yaa Israyɛll Wẽnnaamã rag n zabd n sõngda Israyɛlle.

Zozuwe 11:12

A Zozoe tõoga tẽn-bãmb fãa ne b rĩm-dãmbã n kʋ ne zabr sʋʋga. Yẽnda sãama b fãa wa Sẽn-Ka-Saab tʋmtʋmd a Moyiis sẽn dag n yeel yẽnda wã.

Zozuwe 11:8

Sẽn-Ka-Saab kɩtame tɩ Israyɛll nebã tõog-ba. B kʋ-b lame n dig-b n tɩ ta Sɩdõ kãsengẽ wã, hal n tɩ tãag Misrefot-mayim, n tɩ tãag Mispa longã sẽn dabd yaangã sẽnẽ. Israyɛll nebã kʋʋ bãmb n ka bas tɩ ned ba a yembr põs ye.