Abakuk 2:5 - WẼNNAAM SEBRE 2014

⁵ Hakɩɩka, reezẽ rãam belgda neda, wuk-m-meng soab ka zĩ sɩɩ ye. Bãmb yaaga b noy wa kɩɩm-kulgu, bãmb yaa wa kũum sẽn ka tɩgdã. B kãaga bu-zẽmsã fãa n naag b menga, bãmb tigma buud toay-toayã fãa b nengẽ.»

SEBR SÕNGO

⁵ Rãam sã n tar pãnga a tõe n zãmb-f lame la sẽn teeg-a a meng pãng ka paad a zĩigẽ ye. A sẽn mi yaa a yaag a noor wala bʋg-tẽnga, la wala kũum, bũmb pa sekd-a ye. A woonda buuda toor-toore n kẽesd a soolme, wolgda a ye rũnna n wolg a to beoogo.

Abakuk 2:5 Iomraidhean Croise

2 Rĩm-dãmba 14:10

Fo zabame n tõog Edom nebã tɩ f pẽgd f menga. Kell n pa pẽg-m-men-kãng pʋga, la f kell n pa f tẽngẽ. Bõe yĩng tɩ f na n yik n bao yell n kõ f menga? Fo na n sãamame, la Zʋʋda nebã me na n naaga foom n sãame!› »

Yɩɩn‑sõamyã 138:6

Sẽn-Ka-Saab bee hal yĩngri, la b nee sik-m-mens rãmbã. Bãmb bee yɩɩga, la b mii wuk-m-mens rãmbã n bake.

Yelbũna 20:1

Reezẽ rãam yũub wata ne paoogr goamã, rã-toos yũub wata ne rãmbgo, la sẽn basd-a tɩ rãam soog-a ka na n tol n paam yam ye.

Yelbũna 21:24

B boonda ned sẽn yaa tɩta-ned la wuk-m-meng soaba, tɩ nin-paoogda. Yẽnda tʋʋmã fãa pida ne tɩtaam.

Yelbũna 27:20

Wa kɩɩm-kulg ne a zĩ-zulumsã sẽn ka tõe n pidã, woto me, ninsaal zɩ n yeel t'a raab pidame ye.

Kowelɛt 5:10

Paoong sã n paasdẽ, a rɩtbã me sõor paasdame. Paoong yõod yaa bõe ne a soaadbã, sã n ka bãmb ninã sẽn getã bala?

A Ezayi 14:6

B menesa sẽn dag n pãbd-a nebã ne sũ-kãbr n ka basdẽ wã. B menesa sẽn dag n so-a buud a taabã ne sũ-yikr tɩ vʋʋsg ka beẽ wã.

A Ezayi 16:6

Tõnd wʋma Moaab nebã wuk-m-mengã kibare. Bãmb wuk-m-mengã yaa n looga nugu. Tõnd wʋma bãmb sek-m-mengã ne b wuk-m-mengã, la b tɩtaamã ne b pẽg-m-mengã sẽn ka yõodã.

A Ezayi 2:17

Woto, b na n sika ninsaalbã tɩtaamã, la zẽk-m-mens rãmbã na n paama paoogre. Badaare, yaa Sẽn-Ka-Saab bal n na n paam waoogre.

A Ezayi 21:5

B waa ne rɩɩbo, gũudbã gũudame, lebga rɩɩbo, la yũubu. Nanambse, yik-y-yã! Sõog-y gãndã kaam!

A Ezayi 5:14

Rẽ n kɩte, tɩ kɩɩm-kulg pak a kokoayã wʋsgo, n yaag a noorã yaolengo, tɩ tẽngã nanambsã ne b neb kʋʋngã na n sig beenẽ ne b bʋrgã la ne b sũ-noog kaasgã.

A Ezayi 5:8

Tood bee neb nins sẽn baood rot n paasd b rotã, la sẽn baood pʋt n paasd b rẽndã, hal tɩ zĩig ka leb n beẽ wã zugu. Zĩig ka leb n be tẽngã pʋgẽ neb a taab yĩng tɩ ka yãmb bal ye!

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 50:29

Bool-y tãb-tãoodbã tɩ b wa zab ne Babilonde! Bool-y neb nins fãa sẽn mi tãp tãoobã tɩ b wa zab ne-a! Tilg-y y tãb-sikã n gũbg-a, n da bas ned ba a yembr t'a põs ye! Yao-y-yã-a wa sẽn zems a tʋʋmã, maan-y-yã-a wa a sẽn dag n maanã, bala, yẽnda wuka a meng ne Sẽn-Ka-Saab sẽn yaa Israyɛll Pʋ-Peelem-Soabã.

Zeremi 51:39

Yão-beed sã n wa tar bãmba, mam na n maana tigr b yĩnga, n kɩt tɩ b yũ rãam tɩ b nens yilim tɩ b maan sũ-noogo, n gũs wakat fãa gõeem n ka leb n nek abada. Sẽn-Ka-Saab n yeele.

Abakuk 1:15

Babilond nebã yõgda bãmb fãa wa b sẽn yõgd zĩm ne lɛooga. B vuuga bãmb ne gãmbr n yiisi, n yãgsd bãmb n ningd zũnunsẽ, n maand sũ-noog n kɩdemdẽ.

Abakuk 1:17

Rẽ yĩnga, b na n tara b gãmba wã zukri, la b tar buud a taabã n sãamdẽ tɩ nimbãan-zoeer ka beẽ?

Abakuk 2:4

«Gese, bãmb wukda b mense, n ka maand sẽn yaa tɩrg ye, la nin-tɩrg na n vɩɩmda a tẽebã yĩnga.

1Tesalonik Rãmba 4:11

la y vɩ ne taab ne laafɩ, la y ges y mens tʋʋmã yelle, la y tʋm ne y nus wa tõnd sẽn dag n yeel yãmbã, tɩ rẽnda na n yɩɩ yãmb waoogre.

Zake 4:6

La bãmb kõta bark sẽn yɩɩda, bala b gʋls-sõamyã yetame yaa: Wẽnnaam kɩɩsda tɩtaam-dãmbã la b ningda sik-m-mens-rãmbã zut barka.