Abakuk 2:3 - WẼNNAAM SEBRE 2014

³ Bala, yaa vẽnegr sẽn na n wa paam pidsgu, a wakatã sã n ta, ka na n yɩ belgr ye, la a ka na n vaal n ka pids ye. Ba a sã n kaoosdẽ, bɩ f kell n gũ-a, bala, a ka na n pa n ka paam pidsg ye.»

SEBR SÕNGO

³ F sẽn ne wã na n wa-la a wakato, ba sã n wẽnd a na n kaoosame, a na n wa-la a wakato. Gũ ne saagre; yaa tɩlɛ t'a wa la pʋs n ka na n le kaoos ye.

Abakuk 2:3 Iomraidhean Croise

2 Rĩm-dãmba 6:33

A Eliize sẽn nan ket n gomd ne kãsem-dãmbã bal yee, la rĩmã sẽn be waoongẽ, n ta n yeel a Eliize yaa: «Sã n yaa Sẽn-Ka-Saab n bas tɩ to-kãensã fãa paamd tõndo, mam na n leb n teega bãmb n maan bõe?»

Yɩɩn‑sõamyã 102:13

La yãmb a Sẽn-Ka-Saab rɩta naam wakat sẽn kõn sa, la b na n tẽra yãmb yell zamaan woo zamaane.

Yɩɩn‑sõamyã 27:14

Maan tẽeb ne Sẽn-Ka-Saabo! Paam daoodo, la f keng f menga! Maan tẽeb ne Sẽn-Ka-Saabo!

Yikri 12:41

La yʋʋm kobs-naas la pis-tã wã zugẽ, Sẽn-Ka-Saab nebã fãa yii Ezɩpt tẽngã.

A Ezayi 30:18

Rẽ kɩtame tɩ Sẽn-Ka-Saab gũud wakat n na n ning yãmb barka, rẽ n kɩte, tɩ b na n yik n zoe yãmb nimbãanega. Bala, Sẽn-Ka-Saab yaa Wẽnnaam sẽn yaa bʋ-tɩrg soaba. Bark bee neb nins fãa sẽn tẽed bãmbã zugu!

A Ezayi 7:4

Yeel-a yaa: ‹Gãneg f yam, da zoe rabeem ye. Ra bas tɩ f sũur kiuus nin-bãmbã b yiibã sẽn yaa ra-giis sẽn nukd bug-zõosã yĩng ye. Ra bas tɩ f sũur kiuus Siiri rĩm a Retsin ne a Remaliya biigã sũ-puugrã yĩng ye!

A Ezayi 8:17

Mam gũuda Sẽn-Ka-Saabo, bãmb wẽnemd n basa a Zakoob buudã. Mam maanda tẽeb ne bãmba.

Zeremi 27:7

Buud toay-toayã fãa na n saka yẽnda ne a biigã la a yagengã, hal n tãag wakat ning yẽnda me tẽngã sẽn na n sak buud a taab sẽn tar pãng ne rĩm-kãsemsã.

Ezekiyɛl 12:25

Bala, mam yaa Sẽn-Ka-Saabo, la mam sẽn na n yeel bũmb ningã, m na n yeel-a lame. Yaa gomd sẽn na n paam pidsg yãmb zamaanã pʋga, n ka leb n kaoos ye. Buud sẽn yaa tõata, mam sẽn na n yeel bũmb ningã, m na n pids-a lame. Maam a Zu-soab a Sẽn-Ka-Saab n yeele.»

Ezekiyɛl 30:9

Badaare, koe-toagsdb na n yii mam nengẽ ne koom kogend n tɩ kɩt tɩ Kuus tẽngã sẽn gãe bãanã rigimdi. Ezɩpt sãoongã daare, bãmb neb kẽer na n zĩi ne yɩɩre. Ad a sẽn wate!

A Dãniyɛlle 10:14

Moasã, mam waame n na n wilg foom bũmb ning sẽn na n wa n paam fo nebã yaoolem wakatã. Bala, vẽnegr a yembr n ket wakat-kãng wɛɛngẽ.»

A Dãniyɛlle 11:27

Rĩm-dãmb a yiibã na n zĩnd n dɩɩ ne taaba, la ned kam fãa sẽn baood a to ne wẽngã yĩnga, b na n goma zĩrẽ goam ne taaba. La b sẽn dag n dat n maanã ka na n tõoge, tɩ sã n ka wakat ning b sẽn yãkã n ta ye.

A Dãniyɛlle 11:35

B na n kʋʋ yam dãmbã sʋk neb kẽere, la rẽ na n waa ne nebã yɩlgre, la b pekre, tɩ b lebg sõama, hal tɩ sɛɛbã wakat Wẽnnaam sẽn yãkã ta, bala rag n nan ka sɛɛbã wakat nand ye.

A Dãniyɛlle 8:17

Dẽ, malɛɛk a Gabriyɛll kẽngame n kolg zĩig ning mam sẽn dag n be wã, la mam yɛɛsame, n lʋɩ n fõgen m neng tẽnga. La a yeela maam yaa: Ninsaal biiga, bãng tɩ vẽnegrã wilgda yɛlã sẽn na n yɩ to-to yaoolem wakate.»

A Dãniyɛlle 8:19

La malɛɛk a Gabriyɛll yeela maam yaa: Mam na n vẽnega foom bũmb ning sẽn na n zĩnd sũ-puugrã loogr zugẽ, bala, b yãka wakatã sɛɛb daare.

A Dãniyɛlle 9:24

Ade, b yãka yʋʋm a yopoe naoor pis-yopoe, fo nebã ne tẽn-sõngã yĩnga, n na n kɩt tɩ tʋʋm-beedã ne kongrã sɛ, tɩ yel-wẽnã me tõe n paam pekre, sẽn na n yɩlẽ tɩ tɩrlem puk wakat fãa, tɩ vẽnegrã ne pĩnd-n-bãngr goamã paam pidsgu, la b welg zĩig sẽn welg toor n yɩɩdã toore.

A Miise 7:7

La sã n yaa ne maam, mam na n gũu Sẽn-Ka-Saabo, mam na n yals n gũu Wẽnnaam sẽn yaa mam fãagrã. Mam Wẽnnaamã na n kelga maam.

Sofoni 3:8

Dẽ wã, Sẽn-Ka-Saab yetame: «Beneere, gũ-y daar ning mam sẽn na n yik n bʋ ne yãmbã, bala, mam yãka yam n na n tigim bu-zẽmsã, la m tigim soolem toay-toayã, n dok m sũur ne-ba, tɩ m sũ-kãbrã rɩ-ba. Bala, mam sũ-puugrã bugum na n dɩɩ dũniyã zãnga.»

Sõadga 23:19

Wẽnnaam ka ninsaal n yagd zĩrẽ ye, La bãmb leb n ka ninsaal n tekd yam ye! Bãmb sã n yeel bũmbu, b pidsd-a lame.

A Luk Sõng 2:25

La mik rao a yembr n dag n be Zeruzalɛm n boond t'a Sɩmyõ. Rao-kãng dag n yaa nin-tɩrga, la a sakda Wẽnnaam. Yẽnda dag n gũuda Israyɛll belsgo, la Sɩɩg-sõng dag n bee a zugu.

Tʋʋma 1:7

A Zeezi leok-b lame yaa: Ka be ne yãmb tɩ y bãng wakate la sasa ning m ba sẽn yãk ne noor ning b sẽn tarã ye.

Tʋʋma 17:26

Wẽnnaam talla nin-yend n kɩt tɩ ninsaalbã buud fãa zĩnd dũni zug tɛk fãa, la b welga wakat n kõ ninsaalbã, la b ning b soolmã tods n kõ-ba.

Galat Rãmba 4:2

Ba-wubdsi la tʋʋm-gɛtb n so yẽnda hal tɩ ta wakat ning ba wã sẽn yãkã.

2 Pɩyɛɛr 2:3

Bãmb rat-wʋsgã yĩnga, b na n belga yãmb ne sɩlem goam n fã yãmba. La bãmb sɩbgrã sɩnga hal daar zãr n watẽ, la bãmb sãoongã ka na n vaal ye.

2 Pɩyɛɛr 3:9

Wẽnnaam ka basd tɩ bãmb sẽn kãabã kaoos n pids wa neb kẽer sẽn tagsdã ye. La yaa tɩ bãmb maanda sũ-mar ne yãmba, b sẽn ka rat tɩ ned baa a yembr sãama yĩnga. Bãmb ratem yaa tɩ yãmb fãa tek yam n kos sugri.