Abakuk 2:19 - WẼNNAAM SEBRE 2014

¹⁹ Toog bee ned ning sẽn gomd-a ne ra-giig n yetẽ: «Yik n yalse!» La a yet kugr sẽn ka gomdã: «Nek n yiki!» Rẽ yĩnga, yẽnda tõe n kõo ned bãngr sɩda? B bolg-a-la ne sãnem la wanzuri bala, la vɩɩm yaool n ka be a pʋgẽ ye.

SEBR SÕNGO

¹⁹ Bʋk ne bʋko! Gomda ne m ba ra-pɛɛsa! Fo yeta ra-giiga: «Yik yĩngri,» ka rẽ bɩ f yet kugri sẽn ka tʋba: «Nek f gõeem la yik n togse tɩ bũmb la f wat n na n wilgi.» Bũmb togsend la d sɩd ne, yãgda ne sãnem la wanzurfu, la ka vʋʋsd wa nin-vɩɩg ye.

Abakuk 2:19 Iomraidhean Croise

Yɩɩn‑sõamyã 135:15

Bu-zẽmsã wẽn-naands maana ne wanzuri la sãnem, bãmb yaa ninsaalb nus tʋʋmã.

Yɩɩn‑sõamyã 135:17

Bãmb tara tʋb la b ka wʋmd ye. Pemsem buud ka tol n yit b noorẽ wã ye.

Yɩɩn‑sõamyã 97:7

Wẽn-naands pʋʋsdbã fãa na n dɩɩ yãnde, yaa neb nins sẽn pẽgd b mens zĩrẽ wẽnnaam-dãmbã yĩngã. Wẽnnaam-dãmbã fãa wõgemdeda Zu-soabã taoore.

A Ezayi 26:14

Zu-soben-bãmb kiime n ka na n leb n vʋʋg ye. Bãmb lebga wa maasem bala, b ka na n leb n yik ye. Sɩda, yãmb kẽesa y toog n sãam bãmba, yãmb menesa bũmb ning sẽn tõe n kɩt tɩ b tẽeg b yellã!

A Ezayi 40:19

Tʋʋm-mit n maand bõn-naandga, tɩ yõak bolg-a ne sãnem n bao wanzuri yãmd n ning-a.

A Ezayi 41:26

Ãnda n togs-a hal sɩngr wẽndẽ tɩ tõnd bãng tɩ ket n zãra? Ãnda n togs bõn-kãng tɩ tõnd bãng n yeel tɩ yaa tɩrga? Ned ba a yembr ka togs-a ye, ned ka maan tɩ d wʋm ye, la ned ka wʋmd yãmb goam ye.»

A Ezayi 44:17

La a rɩk sẽn ketã n maan wẽnnaam sẽn yaa bõn-naandga, n wõgemded yẽnda taoor n waoogd-a, yẽnda wõgemdeda a taoor n pʋʋsd-a,› yẽnda pʋʋsd-a lame n yetẽ: ‹Bɩ f fãag maam, bala, fo yaa mam Wẽnnaam!›

A Ezayi 46:6

Nebã zukda b kordã pʋg sãnemã, la b magd wanzuri ne zɩslem magdga. Bãmb yaooda yõak t'a rõog sãnem ne wanzuri wẽn-naandg n kõ-ba, la bãmb wõgemdeda wẽn-naandgã taoor n pʋʋsd-a.

A Ezayi 57:6

Yãmb pʋɩɩrã bee ko-soogã kug-saalã sʋka, yãmb pʋɩɩr la rẽndã. Yãmb daagda maand koom bãmb yĩnga, la y kõt bãmb maand sẽn yõogd bugum kũuni. Sẽn-Ka-Saab sokdame yaa: «Bõn-kãensã fãa tõe n belsa mam sũur sɩda?»

Zeremi 10:14

Nebã fãa lebga zɩtba, n ka tar bãngr ye. Yõak bõn-naandg yãnd tar-a lame. Bala, bãmb yaa zĩrẽ bõn-naandse, la vɩɩm ka be bãmb pʋgẽ ye.

Zeremi 10:3

Bala, bu-bãmb minindã yaa zaalem. B kɛɛgda raoog kãgrẽ tɩ tʋʋm-mit rɩk a lar n pees-a.

Zeremi 10:4

B nagsd-a-la ne wanzuri la ne sãnem n bao zãar ne kaadg n ka-a t'a ra lʋɩ ye.»

Zeremi 10:9

Wanzuri yita Tarsɩɩse, la sãnem yita Ufaaze. Tʋʋm-mitbã rɩkd-b lame, la yõak bond-b lame, la b yeelgd-b-la fu-moaama ne fu-miidu. Bõn-kãens fãa yaa ninsaalb minim tʋʋm bala.

Zeremi 2:27

Bãmb boonda raoog tɩ b ba, la b yeel kugr tɩ yaa yẽnda n dog-ba. Bãmb wẽnemda b nense, la b tud maam b kudg n ka get maam ye. La toogã sã n yaool n paam bãmba, bãmb yetame: «Yik-y n fãag-y-do!»

Zeremi 2:28

Zʋʋda nebã, y wẽnnaam-dãmb nins y sẽn dag n maan n kõ y mensã bee yɛɛnẽ? Bãmb sã n tõe n fãag yãmb toog wakate, bɩ b yik n fãag-yã! Bala, yãmb wẽnnaam-dãmbã sõor zema y tẽmsã sõore!

Zeremi 51:17

Nebã fãa lebga zɩtba, n ka tar bãngr ye. Yõak bõn-naandg yãnd tar-a lame. Bala, bãmb yaa zĩrẽ bõn-naandse, la vɩɩm ka be bãmb pʋgẽ ye.

Zeremi 51:47

Woto yĩnga, ade, wakat n wate, tɩ mam na n sɩbg Babilond bõn-naandsã. La tẽngã nebã fãa na n paama yãnde. Sẽn ki-bã fãa kũumã na n pida tẽngã.

A Dãniyɛlle 3:1

Rĩm a Nebukatnedzaar kɩtame tɩ b naan sãnem bõn-naandga, la a woglmã taa kãntɩɩg pis-yoobe, t'a yalmã yaa kãntɩɩg a yoobe. A Nebukatnedzaar kɩtame tɩ b tɩ lugl-a Dura tẽn-nabdrẽ wã, Babilond soolmã pʋga.

A Dãniyɛlle 3:18

N-na! Baa tõnd Wẽnnaamã sã n ka fãag tõndo, tõnd ka na n wõgemd n waoog yãmb wẽnnaam-dãmbã ne y sãnem bõn-naandgã y sẽn luglã ye!»

A Dãniyɛlle 3:29

Moasã, ad noor ning mam sẽn kõte: Ned ning fãa, ba a sẽn yaa buud ning neda, wall a sẽn gomd buud goam ninga, a soabã sã n paoog a Sadrak ne a Mesak la a Abednego Wẽnnaamã, b na n bees-a lame, la b wã a zakã n kɩt t'a lebg raboogo. Bala, Wẽnnaam a to ka be n tõe n fãag ned wa Wẽnnaam-kãngã sẽn maanã ye.»

A Dãniyɛlle 3:7

Dẽ, tẽms toay-toayã ne buud toay-toayã, la buud goam toay-toayã nebã fãa sẽn wʋm baorgã ne wɩɩgã peebgã, la koalã ne pendsã, la ruudsã wẽebã, la tãntãadã peebgã, ne yʋʋm-teed buud toay-toayã rãamdã, b wõgemdame n waoog sãnem bõn-naandgã a Nebukatnedzaar sẽn luglã.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Dãniyɛlle 5:4

Bãmb yũu reezẽ rãamã, la b waoog sãnem ne wanzuri, la zũudu, ne kut la raad ne kug wẽn-naandsã.

A Zonaase 1:5

Dẽ, rabeem yõka kogl-rugsdbã, tɩ ned kam fãa kelemd n boond a wẽnde. La bãmb wʋka koglgã pʋgẽ teedã n lobd koomẽ wã, sẽn na n yɩlẽ tɩ koglgã lebg faasga. La rẽ t'a Zonaas ra yikame n sig koglgã tẽngr doogã n gãe n gõe n wẽed gũsum.

Tʋʋma 17:29

Rẽ wã yĩnga, tõnd sẽn yaa Wẽnnaam kambã, d ka tog n tags tɩ Wẽnnaam wẽnda sãnem, wala wanzuri, wala kugr sẽn peese wa sẽn zems ninsaalb minim la b tagsg ye.

Vẽnegre 17:4

Pagã ra yera fuug sẽn yaa miu-kẽega, la miuug mas n nags a meng ne sãnem la kug‑neeba, la pɛrl‑dãmba. Pagã rag n zãada sãnem laag a nugẽ, la laagã rag n pida ne tʋʋm-wẽnse, la ne pagã yoobã rẽgdo.