Abakuk 2:18 - WẼNNAAM SEBRE 2014

¹⁸ Wẽn-naandgã yõak sẽn yõgdã yõod bee yɛɛnẽ? Yẽnda yaa kut b sẽn yẽneg bala, la a yaa belgr bũmb bala. Yõak na n maana a wãn n leb n dɩk a teegr n teeg yẽnda, tɩ yaool n yaa wẽn-naands sẽn yaa mugsi?

SEBR SÕNGO

¹⁸ Wẽn-naandsa yõod la bʋgo? Yaa kut bala la belgem-belgem. Yõaka belgdame tɩ bũmb la a teeg yã, la yaool n yaa bõn-muk la a rõog yã.

Abakuk 2:18 Iomraidhean Croise

Yɩɩn‑sõamyã 97:7

Wẽn-naands pʋʋsdbã fãa na n dɩɩ yãnde, yaa neb nins sẽn pẽgd b mens zĩrẽ wẽnnaam-dãmbã yĩngã. Wẽnnaam-dãmbã fãa wõgemdeda Zu-soabã taoore.

A Ezayi 1:31

Sẽn tar-a pãngã na n yɩɩ wa gʋmdo, la a tʋʋmã na n yɩɩ wa bug-pãrga. Bãmb b yiibã fãa na n naaga taab n dɩ bugum tɩ ned ka be n na n kiis-a ye.

A Ezayi 37:38

La yẽnda sẽn wa n be a wẽn-naandg a Nisrok pʋʋsg roogẽ wã, yẽnda kambã, a Adarmelɛk ne a Sarɛtsɛɛr kẽng n tɩ kʋ-a-la ne zabr sʋʋga, la b bas n zoe n kẽng Araara tẽnga. La a biig a Asaradon n led yẽnda zĩigẽ n lebg rĩma.

A Ezayi 40:19

Tʋʋm-mit n maand bõn-naandga, tɩ yõak bolg-a ne sãnem n bao wanzuri yãmd n ning-a.

A Ezayi 41:26

Ãnda n togs-a hal sɩngr wẽndẽ tɩ tõnd bãng tɩ ket n zãra? Ãnda n togs bõn-kãng tɩ tõnd bãng n yeel tɩ yaa tɩrga? Ned ba a yembr ka togs-a ye, ned ka maan tɩ d wʋm ye, la ned ka wʋmd yãmb goam ye.»

A Ezayi 42:17

Neb nins sẽn dɩk b teegr n teeg bõn-naandsã, ne neb nins sẽn get wẽn-naandsã b sẽn naan ne kutã n yetẽ tɩ bãmb n yaa b wẽnnaam-dãmbã na n targame n paam yãnde.»

A Ezayi 44:12

Sãy sẽn kut lar to-to wã, a rɩkda yẽnda n ning bug-saal sẽn moog pʋgẽ, n yiis-a n dɩk zãar n kud-a, la yaa ne yẽnda kangã pãng la a tʋmda. Kom sã n yõk sãyã, a ka tar pãng ye. La a sã n ka yũ koom, a pãngã sɛtame.

A Ezayi 45:16

Sẽn peesd-b wẽn-naandsã rɩɩ yãnde, bãmb fãa paama paoogre. Bãmb fãa loogda ne yãnde.

A Ezayi 45:20

Bɩ yãmb dãmb fãa sẽn põs n yi bu-zẽmsã sʋkã tigim taab n wa! Naag-y taab n kolge! Neb nins sẽn zãad bõn-naands sẽn yaa raad sẽn peesã ka tar bãngr ye. Bãmb pʋʋsda wẽnnaam sẽn ka tõe n fãag-b ye.

Zeremi 10:8

Bãmb fãa yaa yalemb la zɩtba. Bãmb bõn-naandsã yaa raad bala, b ka tõe n wilg ned bũmb ye!

Zeremi 16:19

Sẽn-Ka-Saabo, yãmb yaa mam pãnga, la m pãng zĩiga, la m zĩ-soalgdg yel-pakr wakate! Buud toay-toay na n yii dũniyã kɩremsã fãa n wa yãmb nengẽ, la b na n yeelame: Tõnd yaab-rãmbã reega zĩrẽ tɩ yaa b pʋɩɩre, la a yaa bũmb sẽn ka yõodo.

Zeremi 2:8

Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 50:2

Togs-y buud toay-toayã koe-kãngã! Kɩt-y tɩ b wʋm-a, zẽk-y tãb-kaoore! Kɩt-y tɩ b wʋm-a, la y ra solg-a ye! Yeel-y tɩ b reega Babilonde! Yãnd tara a Bɛlle! A Merodak pɛleng yɩkame! N-yẽe, yãnd tara yẽnda bõn-naandsã, b pɛleng yɩkame!

Zeremi 51:17

Nebã fãa lebga zɩtba, n ka tar bãngr ye. Yõak bõn-naandg yãnd tar-a lame. Bala, bãmb yaa zĩrẽ bõn-naandse, la vɩɩm ka be bãmb pʋgẽ ye.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Amoose 2:4

Ade, Sẽn-Ka-Saab yetame: Zʋʋda nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bala, bãmb zãgsa Sẽn-Ka-Saab tõodã, la b ka sak n deeg bãmb noyã ye. Zʋʋda nebã basame tɩ wẽn-naandsã kẽes-b moogo, yaa wẽn-naands nins bãmb yaab-rãmbã sẽn dag n pʋʋsdã.

A Zonaase 2:8

La mam vɩɩmã sẽn wa n dat n sɛ wã wakate, mam pʋʋsa yãmb a Sẽn-Ka-Saabo, la mam pʋʋsgã zẽk n taa yãmb nengẽ, A ta y ro-sõngã pʋga.

Zakari 10:2

Bala, bõn-naandsã sẽn yetã yaa wẽnse. La bagbã vẽnegr yaa zĩrẽ-beed bala. Bãmb zãmsdã yaa belgr zãmsdo, bãmb belsg goamã yaa zaalem. Yaa rẽ n kɩt tɩ nebã yeebd wa piisi. Bãmb sũyã sãamame, b sẽn ka tar pe-kɩɩmã yĩnga.

Rom Dãmba 6:21

Bi-bõe la yãmb dag n womd wakat-kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

1 Korẽnt rãmba 12:2

Yãmb mii yãmb sẽn dag n ket n yaa nin-zaalse, tɩ yãmb sũyã loe ne wẽn-naands sẽn yaa mugsi, tɩ y ka tõe n lak ne-bã.

Vẽnegre 19:20

La b yõka rũngã ne zãmb no-rɛɛs ning sẽn dag n maan bõn-yɛɛsds rũngã taoor n belg neb nins sẽn deeg rũngã bãndã la b wõgemded yẽnda bõn-naandgã taoorã. B loba bãmb b yiibã fãa vɩɩs bugum mogr pʋgẽ zĩig ning kidbr sẽn dɩtã.

Bʋ-kaoodba 17:4

La biigã lebg n dɩka wanzuri wã n lebs a ma. A ma wã yãka wanzuri ligd koeems kobs-yi n kɩs yõaka, la yõakã rɩk-a lame n yẽneg n dõog wẽn-naandga. La b rɩka wẽn-naandgã n ning a Mika roogẽ wã.

1 Sãmwɛlle 12:21

Da bʋdg-y n bas-y bãmba, n tɩ tũ bõn-zaals sẽn ka nafde, la sẽn ka fãagd ye. Bala, b yaa bõn-zaals sẽn ka tar yõodo.