Abakuk 2:15 - WẼNNAAM SEBRE 2014

¹⁵ «Toog bee ned ning sẽn yũnugd a taab rãam, la a yũnugd-b zẽnem tɩ b nens yilimdẽ, t'a tõe n yãnd b yãndã zugu.

SEBR SÕNGO

¹⁵ Bʋko ne bʋko! Gomda ne m ba Rã-yũuda! A yũnugda a tũud-n-taaga rãama kalemame t'a wa tõe n lub neda t'a wa tõe tɩ f fʋk f zãnde.

Abakuk 2:15 Iomraidhean Croise

Sɩngrẽ 9:22

A Kam sẽn yaa Kana nebã yaabã yãnda a ba a Nowe zaalã, n dɩk n yi yɩng n togs a ba-biis a yiibã.

2 Sãmwɛlle 11:13

La a Davɩɩd boola a Uuri t'a wa naag-a n dɩ. Dẽ, a Davɩɩd kɩtame tɩ b kõ a Uuri rãam t'a yũ wʋsg t'a neng yilimdẽ. La ne rẽ fãa, a Uuri ka kuil ye, a yi n dɩgla a pĩir n yegl rĩmã na-yir gũudbã n gãand badaar yʋngo.

Yikri 32:25

La a Moyiis sẽn yãnd tɩ nebã wegmame t'a Aarõ me kell n bas bãmb b wegengã pʋgẽ tɩ b lebg nin-faad b bɛɛbã sʋkã.

A Ezayi 28:7

Bãmb me yũu reezẽ rãam n zʋbsdẽ, rã-toosã kɩtame tɩ bãmb nens yilimdẽ. Maan-kʋʋdbã ne sẽn yãt-b vẽnegrã yũu reezẽ rãam n zʋbsdẽ, rãamã sooga bãmb zãnga, rã-toosã kɩtame tɩ bãmb nens yilimdẽ. Bãmb yãabã kɩtame tɩ b zʋbsdẽ, b yamã yuusda b yam-yãkrã pʋga.

A Ezayi 28:8

Bãmb taabl-dãmbã fãa pida ne b wʋbdã, la b rẽgdã, tɩ vɩʋʋg ka leb n beẽ ye.

A Ezayi 5:22

Toog bee neb nins sẽn yaa gãndaad ne reezẽ rãam yũubã, la neb nins sẽn mi rãam kaolengã zutu.

Zeremi 25:15

Bala, Sẽn-Ka-Saab sẽn yaa Israyɛll Wẽnnaamã yeela maam yaa: Reeg reezẽ rãam wam-kãngã sẽn be mam nugẽ, n pid ne sũ-puugr dãamã, n tɩ yũnug buud nins fãa mam sẽn tʋmd foom b nengẽ wã.

Zeremi 51:7

Babilond dag n yaa wa sãnem wamd sẽn pid ne rãam n be Sẽn-Ka-Saab nugẽ, tɩ dũniyã nebã fãa yũ tɩ b nens yilimdẽ. Bu-zẽmsã yũu wamdã pʋg reezẽ rãamã, tɩ rẽ kɩt tɩ b zʋbsdẽ.

A Ooze 7:5

Tõnd dĩmã tigr daare, nanambsã yũu divẽ tɩ b nens yilme, la rĩmã rɩka a meng n kõ nin-yaalse.

Abakuk 2:14

Bala, dũni wã na n pida ne Sẽn-Ka-Saab ziirã bãngre, wa ko-kãsengã koom sẽn pid n saalã.»

Abakuk 2:16

Yãmb ka waoogd y mens ye, yãmb paoogda y mense. Bɩ yãmb me yũ n fʋgs y bɛɛla! Sẽn-Ka-Saab na n yũnuga yãmb b sũ-puugrã rãam, tɩ yãmb waoogrã lebg paoogre!

Vẽnegre 17:2

Yaa ne yẽnda la dũniyã rĩm-dãmbã maan yoobo, la dũni nebã ra yũu yẽnda yoobã reezẽ rãam tɩ b nens yilim.

Vẽnegre 17:6

Mam yãame tɩ neb nins sẽn welg toorã, ne a Zeezi kaset dãmbã zɩɩm yilimd pagã nenga. Mam sẽn yãnd-a wã, linga maam wʋsgo.

Vẽnegre 18:3

Soolem dãmba fãa sẽn yũ Wẽnnaam sũ-puugr wa reezẽ rãam yẽnda yoobã yĩnga, tɩ dũni rĩm-dãmb maan yoob ne yẽnda, la tɩ dũni lɛɛbdb tũnug yẽnda nag-teedã pãng n lebg arzegs rãmba.