Abakuk 1:6 - WẼNNAAM SEBRE 2014

⁶ Ade, mam na n kɩtame tɩ Kalde rãmbã sẽn yaa nin-toose, la nin-wẽnsã paam pãnga. Bãmb pɩʋʋgda soolem-kãsemse, n deesd zĩis n soogdẽ, tɩ yaool n ka bãmb dẽnd ye.

SEBR SÕNGO

⁶ N-yẽe! M na n waa ne Kalde rãmba, sũ-to-neba, neb zɩɩm sẽn tʋʋle, neb sẽn saad zĩis fãa, n zɛɛd b taab tẽnse!

Abakuk 1:6 Iomraidhean Croise

2 Rĩm-dãmba 24:1

Yaa a Yoyakim zamaanẽ la Babilond dĩm a Nebukatnedzaar wa n na n zab ne Zʋʋda nebã. Naab a Nebukatnedzaar sooga a Yoyakim ne a nebã yʋʋm a tãabo, t'a Yoyakim yaool n na n yik n yeel t'a ka sak ye.

2 Rĩm-dãmba 24:2

Dẽ, Sẽn-Ka-Saab kɩtame tɩ Kalde ne Siiri la Moaab ne Amo nin-fãadbã na n wa zab ne a Yoyakim. Sẽn-Ka-Saab tʋma bãmb tɩ b kẽng n tɩ zab ne Zʋʋda nebã n sãam b tẽngã wa Sẽn-Ka-Saab sẽn dag n kɩt tɩ bãmb no-rɛɛsdbã togsã.

2 Kibayã 36:17

Woto, Sẽn-Ka-Saab kɩtame tɩ Kalde naabã wa zab ne bãmba, n kʋ b kom-bɩɩsã ne zabr sʋʋs b Wẽnd doogẽ wã, bãmb ka bas bi-ribl bɩ bi-pugla, wall nin-kẽem bɩ ned sẽn tar zoob peend ye. A bas-b-la fãa a nugẽ.

2 Kibayã 36:6

Babilond dĩm a Nebukatnedzaar wa n na n zab ne a Yoyakim, la a yõk-a lame n balg ne zũud sogl a yiib n tall-a n kẽng Babilonde.

A Ezayi 23:13

Ad Kalde rãmbã tẽnga, ned ka leb n ket beenẽ ye. Asiiri nebã kɩtame tɩ tẽngã lebg we-rũms zĩiga. Bãmb mee gũudb gãsd zabr yĩnga, bãmb sarma Tɩɩr tẽngã na-yiyã, n kɩt t'a lebg tom-dʋya.

Zeremi 13:20

Zeruzalɛm nebã, zẽk-y y neng n gese. Ges-y neb nins sẽn yi tẽng ning sẽn be wĩndg sẽn lʋɩtẽ nug-rɩtg n watẽ wã. Neb nins mam sẽn kõ yãmb tɩ y gʋʋl wa piis tɩ rag n yaa y waoogrã bee yɛ?

Zeremi 21:4

«Sẽn-Ka-Saab sẽn yaa Israyɛll Wẽnnaamã yetame: ‹Mam na n kɩtame tɩ tãb-biisã ra leb n zab ne Babilond dĩmã, la Kalde nebã sẽn gũbg yãmbã ye. Mam na n tigim-b-la tẽngã pʋga.

Zeremi 21:7

Sẽn-Ka-Saab yetame: «Dẽ poore, mam na n basa Zʋʋda rĩm a Sedesiyaas ne a tʋmtʋmdbã, la neb nins sẽn põs bã-longdsã ne komã la zabr sʋʋgã, Babilond dĩm a Nebukatnedzaar ne bãmb bɛɛb nins sẽn baood bãmb n dat n kʋ wã nugẽ. Babilond dĩmã na n kʋʋ bãmb ne sʋʋs n ka bas bãmb tɩ b põse, wall b zoe b nimbãaneg ye.»

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 30:5

Sẽn-Ka-Saab yetame: Tõnd wʋmda bʋrg sẽn wat ne yɛɛsgo. Yaa rabeem bala, vɩ-bãan ka leb n be ye.

Zeremi 4:11

Wakat-kãnga, b na n yeela Zeruzalɛm nebã yaa: «Sob-tʋʋlg yita we-raoogã pʋg ne tãn-bɛɛlã zutu, n wat b nin-nongdsã zutu. A ka wat n na n yelg-ba, a ka wat n na n kãag-ba.

Zeremi 4:6

Zẽk-y tãb-kaoor n tees Sɩyõ sẽnẽ! Zoe-y la y ra yals ye! Bala, mam kɩtame tɩ toog ne sãan-kãseng yi wĩndg sẽn lʋɩtẽ dɩtg tẽngã n watẽ.

Zeremi 4:8

Woto yĩnga, bɩ y sẽgen bot n yãb n wiisi! Bala, Sẽn-Ka-Saab sũur ket n puuda ne tõnd n ka basdẽ ye.

Zeremi 5:15

Maam a Sẽn-Ka-Saab yetame: «Israyɛll nebã, ade, mam na n kɩtame tɩ buud sẽn yit zĩ-zãrgẽ wa zab ne-yã. Yaa buud sẽn tar pãng hal kʋdem-wẽndẽ. Yãmb ka mi b buudã sẽn gomd gomd ning ye, yãmb ka na n wʋm b sẽn gomdã võor me ye.

Zeremi 8:10

Yaa woto yĩnga, tɩ mam na n dɩk b pagbã n kõ neb a taaba, la neb a taab na n deega bãmb pʋto. Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Ezekiyɛl 16:40

Bãmb na n pirsa neb kʋʋng tɩ b lob foom kuga, la b bees foom ne zabr sʋʋga.

Ezekiyɛl 21:31

Zu-soab a Sẽn-Ka-Saab yetame: «Yãk a zug peen-vindgã, fõk a naam maanfã. Bũmbã fãa na n tekame! Sẽn zẽkã na n paama sikri, la sẽn sikã na n paama zẽkre.

Ezekiyɛl 28:7

mam na n kɩtame tɩ nin-sãams wa zab ne foom. Bãmb yaa nin-toos bu-zẽmsã sʋka. Bãmb na n wõ b zabr sʋʋse, n sãam fo yamã sẽn tar ra-sãndã, la b rẽgem f ziirã.

Ezekiyɛl 31:12

Sãamb sẽn yaa buud toay-toayã nin-toosã, wa n kɛ-a lame n bas-a beenẽ, la a wilã kaoome n dʋʋg tãmsã zutu, la tãn-londã fãa pʋse, t'a wil-bãoonegã kao n dʋʋg tẽngã ko-soayã fãa pʋse. Dũniyã nebã buud fãa sẽn dag n vɩ a maasmẽ wã loogame n bas-a.

A Zowɛlle 2:3

Bu-kãng na n waa wa bugum sẽn dɩta, a taoor yaa bug-witim n dɩtẽ, t'a poorẽ yaa bugum n dɩtẽ. Sẽn deng a waoongã, tẽngã rag n yaa wa Edɛn zẽedã zĩiga, la a loogrã poore, tẽngã sãama zãnga, n lebg we-raoogo. Bũmb ka tõe n zoe n põs-a ye.