Abakuk 1:16 - WẼNNAAM SEBRE 2014

¹⁶ Rẽ kɩtame, tɩ b maand maand b gãmba wã yĩnga, la b yõogd wisd n kõt b zũnunsã. B yetame tɩ yaa bãmb yĩng la b paam naare, bãmb yĩng la b paam rɩ-nood n dɩtẽ.

SEBR SÕNGO

¹⁶ B lɛɛgd n kʋʋda b zulumsa maando, n yõogd tɩdare b yĩnga. B yetame tɩ yaa bãmb maasem yĩng la b paamd b rɩ-bɛda la b rɩ-noodo.

Abakuk 1:16 Iomraidhean Croise

Yɩɩn‑sõamyã 22:29

Bala, yaa Sẽn-Ka-Saab n dɩt naam. Bãmb yaa bu-zẽmsã fãa soaala!

A Ezayi 37:24

Fo tũnuga f tʋmtʋmdbã n paoog Sẽn-Ka-Saab n yeele: Mam sẽn tar saar-dãmb wʋsgã yĩnga, mam tõog n dʋʋ tãms sẽn lug zutu, n tõog n ta hal Libã yaangã. Mam kɛɛ yẽnda sɛɛdr tɩ-wogdã, ne a sɩprɛs tɩɩs nins sẽn yaa neeb n yɩɩdã, mam tãaga a yaoolem tʋg-bɛdã sẽn be tãmsã zutã.

Zeremi 44:17

Tõnd dat n maana bũmb nins tõnd sẽn dag n yeelã: d na n yõoga wisd n kõ saasẽ dĩm-poakã, la d kõ-a bõn-yũudl kũuni, wa tõnd mensã ne d yaab-rãmbã, la d rĩm-dãmbã ne d nanambsã sẽn dag n maan Zʋʋda soolem tẽmsã pʋs ne Zeruzalɛm soayã zutã. Wakat-kãnga, tõnd dag n dɩtame n tɩgda, d sũy rag n yaa noogo, la toog ka tol n paam tõnd ye.

Zeremi 44:8

Yãmb nusã tʋʋm yikda mam sũuri, y sẽn yõogd wisd n waoogd Ezɩpt wẽnnaam-dãmbã yĩnga. Yãmb yaool n yaa sãamb tẽn-kãng pʋgẽ. Yãmb maana y mens tɩ b na n kʋ-yã, la y lebga kãab-beed ne paoogr bũmb dũniyã soolem-dãmbã fãa sʋka.

Ezekiyɛl 28:3

Ade, fo tara yam n yɩɩd a Dãniyɛlle, la bũmb ba a yembr ka solg ne foom ye.

Ezekiyɛl 29:3

Yeel tɩ maam a Zu-soab a Sẽn-Ka-Saab yetame: ‹Foom a Faarõ sẽn yaa Ezɩpt rĩmã, mam zabda ne foom! Bala, fo yaa wag-bɛ-kẽeng n gãe fo Nill kʋɩlgã ko-soay sʋk n yetẽ: Nill kʋɩl-kãngã yaa maam n so, maam n maan-a m mengã yĩnga!

A Dãniyɛlle 4:30

La zĩig pʋgẽ bala, gomdã paama pidsg rĩm a Nebukatnedzaar zugu. B rig a Nebukatnedzaar n yiis ninsaalbã sʋka, t'a tɩ wãbd yamd wa niigã. La meenem dʋʋga a Nebukatnedzaare. La a zoobdã yiime hal n lebg wa sɩlg kõbdo, t'a nug-yẽesã ne a nao-yẽesã lebg wa liuul nao-yẽese.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

Abakuk 1:11

Bãmb pɩʋʋgd n loogda wa sob-raoogo, b maanda wẽnga, la bãmb pãngã n yaa b Wẽnnaam!»

Yaoolem 8:17

Ra wa n yeel-y tɩ yaa y pãngã ne y nus tʋʋm yĩng la y paam arzegs a woto ye.