Abakuk 1:12 - WẼNNAAM SEBRE 2014

¹² Mam Wẽnnaam Sẽn-Ka-Saabo, m Pʋ-Peelem-Soaba, ka yãmb n sɩng n be hal kʋdem-wẽndẽ la? Tõnd ka na n ki ye! Sẽn-Ka-Saabo, yãmb n yãk Babilond nebã tɩ b kao tõnd bʋʋdo. Sẽn-Ka-Saab sẽn yaa m Pĩig Kugri, yãmb n yãk bãmb tɩ b sɩbg tõndo.

SEBR SÕNGO

¹² Al yʋʋm sẽn zãre ka yãmb la Soaala Pãng soaba, mam Wẽnnaama, mam nin-sõngã sẽn ka kiida bi? Yãmb zĩndiga buud kãngã, t'a kao d bʋʋdo, Soaala, Pãng soaba, m soondg pĩiga.

Abakuk 1:12 Iomraidhean Croise

Sɩngrẽ 21:33

A Abrahaam sela tɩɩg sẽn boond tɩ Tamariis beenẽ, la a pʋʋs ne Wẽnnaam Sẽn-Ka-Saab yʋʋre.

2 Rĩm-dãmba 19:25

Fo ka bãng tɩ yaa hal daar zãr la mam segl bõn-kãense, tɩ mam maana bãmb hal kʋdem-wẽndẽ? Moasã, mam kɩtdame tɩ b paamd pidsgu, fo tʋʋmd yaa f kɩt tɩ tẽms nins sẽn tar pãngã lebg raboodo.

Yɩɩn‑sõamyã 102:24

Sẽn-Ka-Saab booga mam pãngã m vɩɩmã wakate, bãmb kʋʋga mam yʋʋmã sõore.

Yɩɩn‑sõamyã 118:17

Mam ka na n ki ye. Mam na n vɩɩmdame, mam na n moona Sẽn-Ka-Saab tʋʋm-sõmyã.

Yɩɩn‑sõamyã 149:2

Bɩ Israyɛll nebã maan sũ-noog b naandã yĩnga! Bɩ Sɩyõ kom-dibli wã kɩdem b rĩmã yĩnga!

Yɩɩn‑sõamyã 17:13

Sẽn-Ka-Saabo, yik-y-yã! Yik-y n seg-y-b n gãneg-b tẽnga. Rɩk-y y zabr sʋʋgã n fãag-m nin-wẽnsã nugẽ.

Yɩɩn‑sõamyã 18:1

Yɩɩlã naab yĩnga. Yaa Sẽn-Ka-Saab tʋmtʋmd a Davɩɩd yɩɩlle. A Davɩɩd yɩɩndame n pẽgd Sẽn-Ka-Saabo, daar ning Sẽn-Ka-Saab sẽn fãag yẽnda ne a bɛɛbã fãa wã, la b fãag-a a Sayull nugẽ wã.

Yɩɩn‑sõamyã 74:12

Wẽnnaam yaa mam dĩm hal kʋdem-wẽndẽ. Bãmb n wat ne tõogr tẽngã pʋgẽ.

Yɩɩn‑sõamyã 90:1

Wẽnnaam dao a Moyiis pʋʋsgo. Zu-soaba, yãmb n yɩ tõnd zĩ-soalgdg zamaan woo zamaane.

Yɩɩn‑sõamyã 90:2

Sẽn deng tãmsã sẽn na n zĩndi, la sẽn deng yãmb sẽn na n naan tẽn-gãongã ne dũniyã, yãmb dag n sɩng n yaa Wẽnnaam zamaan woo zamaane.

Yɩɩn‑sõamyã 93:2

Yãmb naam geerã vigla hal kʋdem-wẽndẽ. Yãmb paada zamaan woo zamaane.

A Ezayi 31:1

Toog bee neb nins sẽn kẽnd Ezɩpt n baood sõngrã zutu. Bãmb dɩka b teegrã n teeg wiidi, b teega b saar-dãmba sẽn yaa wʋsgã, la b teeg b wed-rʋʋdbã sẽn tar pãngã, n ka wẽnemded n get Israyɛll Pʋ-Peelem-Soabã, la b ka baood Sẽn-Ka-Saab ye!

A Ezayi 37:23

Yaa ãnda la fo sẽn tʋʋs la f paoogã? Yaa ne ãnda la fo sẽn zẽk f koɛɛgã? Fo zẽka f neng yĩngr n zabd ne Israyɛll Pʋ-Peelem-Soabã!

A Ezayi 37:26

Fo ka bãng tɩ yaa hal daar zãr la mam segl bõn-kãensã, la mam maana bãmb hal kʋdem-wẽndẽ? Moasã, mam kɩtdame tɩ b paamd pidsgu, fo tʋʋmd yaa f kɩt tɩ tẽms nins sẽn tar pãngã lebg raboodo.

A Ezayi 40:28

Fo ka mi bõn-kãng la? Fo ka wʋm bõn-kãng la? Sẽn-Ka-Saab sẽn yaa Wẽnnaamã sẽn paad wakat fãa wã n naan dũniyã ween-vɩɩsã fãa. Bãmb pãng ka sɛta, la b ka yɛɛd me ye. Ned ka tõe n bãng bãmb yamã tɛk ye.

A Ezayi 43:15

Mam yaa Sẽn-Ka-Saab sẽn yaa yãmb Pʋ-Peelem-Soabã, yaa Israyɛll naandã n yaa yãmb dĩma.»

A Ezayi 49:7

Ade, Sẽn-Ka-Saab sẽn yaa fãagdã, n yaa Israyɛll Pʋ-Peelem-Soabã yeta soab ning sẽn paam paoogrã, soab ning nebã sẽn get wa yel-beedã, soab ning sẽn yaa nanambsã yambã, rĩm-dãmbã na n yãnd-a lame n yik yĩngri, nanambs na n yãnda yẽnda n wõgemde, Sẽn-Ka-Saab sẽn zems teegrã yĩnga, Israyɛll Pʋ-Peelem-Soabã sẽn yãk foomã yĩnga.

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

Zeremi 30:11

Bala, mam bee ne yãmba, n na n fãag-yã. Mam na n sãama buud nins fãa mam sẽn dig yãmb tɩ y sãeeg n be b sʋkã, la m ka na n sãam yãmb ye. M na n demsa yãmb ne tɩrlem, m ka na n bas-y taal n ka sɩbg-y ye. Maam a Sẽn-Ka-Saab n yeele.»

Zeremi 4:27

Ade, Sẽn-Ka-Saab yetame yaa: «Tẽngã fãa na n lebga raboogo, la m yaool n ka na n sãam-a zãng ye.

Zeremi 46:28

Foom a Zakoob sẽn yaa mam tʋmtʋmdã, da zoe rabeem ye! Bala, mam bee ne foom. Mam na n menesa buud nins fãa mam sẽn dag n dig yãmb tɩ y tɩ zĩnd b sʋkã, la sã n yaa ne foom, mam ka na n sãam-f ye. La baoosgo, mam n na n demsa foom wa sẽn zemse. Mam ka na n bas foom taal ye. Maam a Sẽn-Ka-Saab n yeele

Zeremi 5:18

La maam a Sẽn-Ka-Saab yetame tɩ baa ne wakat-kãnga, m ka na n sãam-y zãng ye.

Kʋʋr yɩɩla 5:19

La yãmba, Sẽn-Ka-Saabo, yãmb paada wakat sẽn ka sɛta. Yãmb naam geerã na n paa zamaan fãa.

Ezekiyɛl 30:25

Mam na n paasa Babilond dĩmã kams pãnga, la Ezɩpt rĩm a Faarõ kamsã pãng na n sɛɛme.

A Miise 5:2

Yaa rẽ n kɩt tɩ Sẽn-Ka-Saab na n bas Israyɛll nebã, hal tɩ pag ning sẽn na n dog-a wã roge. Dẽ poore, yẽnda saam-biisã sẽn kellã, na n lebg n leba Israyɛll nebã nengẽ.

Abakuk 3:2

Sẽn-Ka-Saabo, mam dag n wʋmame tɩ b gomd yãmb tʋʋm-kãsemsã yelle. Yãmb tʋʋm-kãsemsã kẽesa maam dabeem. Maan-y tʋʋm-kãens tõnd zamaanẽ wã. Kɩt-y tɩ tõnd zamaanẽ nebã bãng y tʋʋm-kãsemsã! La y sũ-yikrã pʋga, tẽeg-y y nimbãan-zoeerã yelle!

Abakuk 3:6

Bãmb yalsame n mag tẽngã, bãmb gesame n kɩt tɩ ninsaalb pɛleng yɩke. Pĩnd zamaanẽ tãmsã miimame. Tɩ kʋdem-wẽndẽ zamaanẽ kunkubã sirgdẽ, zĩ-kãens rag n yaa bãmb so-tũudsi.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

Malasi 3:6

Bala, maam a Sẽn-Ka-Saab ka tek ye. La yãmb dãmb sẽn yaa a Zakoob yagense, b ka menes yãmb ye.»

Tʋʋma 3:14

Yãmb tõdga sõmblem la tɩrlem soabã, n kos tɩ b bas nin-kʋʋdã n kõ-yã.

Yaoolem 32:4

Bãmb yaa Pĩiga! Bãmb tʋʋmã zemsa zãnga! Bãmb soayã fãa yaa tɩrse! Bãmb tʋʋmã zemsa zãnga! Bãmb yaa sɩd soab wakatã fãa! Zãmb ka be bãmb pʋgẽ ye. Bãmb yaa sɩda, la tɩrga.

Yaoolem 33:27

Hal kʋdem-wẽndẽ, Wẽnnaam yaa yãmb zĩ-soalgdga, bãmb n dig y bɛɛbã n yetẽ: ‹Sãam-y-a.›

1 Tɩmote 1:17

Bɩ rĩm ning sẽn be-a wakat sẽn kõn sa, n ka tõe n ki, la ned nin sẽn ka tõe n yã, n yaa b yembr tãa n yaa Wẽnnaamã soog waoogre, la ziiri, wakat sẽn ka sɛt ye. Ãmina!

1 Tɩmote 6:16

Yaa bãmb bal n ka kiida, n vɩ vẽenem ned sẽn ka tõe n ta pʋgẽ. Ned nan ka yãnd bãmb ye, la ned ka tõe n yãnd bãmb me ye. Yaa bãmb n so waoogre, la pãng sẽn paad wakat sẽn kõn sa. Ãmina!

Ebre rãmba 13:8

A Zeezi Kiris yaa yembr zaamẽ la rũndã la wakat sẽn kõn sa.

Vẽnegre 1:11

A da yetame yaa: Gʋls bũmb nins fo sẽn ne wã sebr zug n tʋm wẽnd-dot a yopoe wã sẽn be Efɛɛse, la Ismirn, la Pɛrgam, la Tɩyatɩɩr, la Sard, la Filadɛlfi ne Laodiise.

Vẽnegre 1:8

Zu-soab a Wẽnnaam yetame yaa: Maam la Alfa la Omega, soab ning sẽn be moasã, la sẽn dag n be, la sẽn watã, soab ning sẽn Tõeyã fãa wã.

1 Sãmwɛlle 2:2

Ned ka be n yaa pʋ-peelem soab wa Sẽn-Ka-Saab ye. Ned a to ka be tɩ sã n ka yãmb ye. Ned ka be t'a pãng zem Wẽnnaam ye.