Abakuk 1:10 - WẼNNAAM SEBRE 2014

¹⁰ Bu-kãng toog ka be ne rĩm-dãmba, la b laada nanambse. Bãmb ka yɛɛsd tẽms sẽn gũbg ne lals ye. Bãmb zamda tãnd n dʋʋd n deesd tẽn-bãmba.

SEBR SÕNGO

¹⁰ Buud kãnga toog ka be ne naab ye. A laada tẽnga soaalba. Tãnsoben-dota ka yɛɛsd-b ye. A samda tãndo lalsa sɛɛga, n paam n kẽ.

Abakuk 1:10 Iomraidhean Croise

2 Rĩm-dãmba 24:12

Dẽ, Zʋʋda rĩm a Yoyakẽ yii ne a ma, la a tʋmtʋmdbã ne a kug-zĩidbã la a sõgen-kambã n kõ b mens Babilond rĩmã. Dẽ, Babilond rĩm a Nebukatnedzaar kẽesa yẽnda yembdo, la rẽ tɩ yaa Babilond rĩmã sẽn deeg naam tɩ yʋʋm niinẽ.

2 Kibayã 36:10

Yʋʋmdã sẽn wa n na n baasã, a Nebukatnedzaar kɩtame tɩ b tall a Zozakẽ ne Sẽn-Ka-Saab roogã te-sõamy wã fãa n kẽng Babilonde. La a kɩt t'a Sedesiyaas lebg rĩm n soog Zʋʋda ne Zeruzalɛm.

2 Kibayã 36:6

Babilond dĩm a Nebukatnedzaar wa n na n zab ne a Yoyakim, la a yõk-a lame n balg ne zũud sogl a yiib n tall-a n kẽng Babilonde.

A Ezayi 10:9

Bũmb ning sẽn paam Kalno tẽngã ka paam Karkemiis tẽngã la? Bɩ sẽn paam Hamat tẽngã ka paam Arpaad tẽngã? Bɩ sẽn paam Samaari tẽngã ka paam Damaas tẽngã?

A Ezayi 14:16

Neb nins sẽn na n yãnd foom na n yonga b nin n get foom. B na n maaga b meng n ges foom n yeele: «Rẽ yĩnga, ka rao-kãngã n dag n kɩtd tɩ dũniyã miimdẽ, la a kɩtdẽ tɩ soolem-dãmbã rigd ne rabeemã la?

A Ezayi 37:13

Hamat rĩmã ne Arpaad rĩmã la Sefarvayim tẽng rĩmã ne Hena rĩma la Iva rĩmã bee yɛɛnẽ?

Zeremi 30:5

Sẽn-Ka-Saab yetame: Tõnd wʋmda bʋrg sẽn wat ne yɛɛsgo. Yaa rabeem bala, vɩ-bãan ka leb n be ye.

Zeremi 32:24

B zamda tom-dʋy n na n deeg tẽngã. B na n basa tẽngã Kalde rãmbã sẽn zabd ne-a wã nugẽ. B na n tõog-a-la ne zabr sʋʋga, la ne kom la bã-longdse. Yãmb meng neeme tɩ y sẽn dag n gom bũmb ning yellã pidsg wakat taame.

Zeremi 33:4

Bala, maam a Sẽn-Ka-Saab sẽn yaa Israyɛll Wẽnnaamã gomda tẽn-kãngã nebã roto, ne Zʋʋda rĩm-dãmbã yiy b sẽn sãam tɩ lebg tom-dʋy zabr yĩngã wɛɛngẽ n yetẽ:

Ezekiyɛl 21:31

Zu-soab a Sẽn-Ka-Saab yetame: «Yãk a zug peen-vindgã, fõk a naam maanfã. Bũmbã fãa na n tekame! Sẽn zẽkã na n paama sikri, la sẽn sikã na n paama zẽkre.

Ezekiyɛl 26:8

La yẽnda na n sãama fo kom-pugli nins sẽn be-b wetẽ wã ne zabr sʋʋga. Bãmb na n tuu bogd n zam tom-dʋy n gilg foom. La b na n tilga gãn wa lalg n kogl b meng n zab ne foom.

Sofoni 1:8

Sẽn-Ka-Saab yeelame: Mam maoongã daare, mam na n sɩbga nanambsã, ne na-biisã, la neb nins fãa sẽn yer bu-zẽms futã.