2 Tɩmote 1:3 - WẼNNAAM SEBRE 2014

³ Mam pʋʋsda Wẽnnaam ning mam yaab-rãmbã sẽn dag n sakdã, la mam me sẽn sakd ne sũur kaset sẽn yaa yɩlemdã barka. La mam ka basd tɩ pʋd fo yell m pʋʋsg pʋgẽ, wĩntoog ne yʋng ye.

SEBR SÕNGO

³ M pʋʋsda m Wẽnda barka, Wẽnd ning m sẽn tũud wala m saam-dãmba, ne pʋ-peelem zãnga. M pʋʋsd-b la barka wakat ning fãa m sẽn tẽegd f yelle, m pʋʋsg pʋgẽ, yʋngo wala wĩntoogo.

KÃAB-PAALGÃ KOE-NOOGO

³ Mam pʋʋsda Wẽnnaam ning mam yaab-rãmbã sẽn dag n sakdã, la mam me sẽn sakd ne sũur kaset sẽn ya yolemdã barka. La mam ka basd tɩ pʋd fo yell m pʋʋsg pʋgẽ, wĩntoog ne yʋng ye.

2 Tɩmote 1:3 Iomraidhean Croise

A Luk Sõng 2:37

n lebg pʋg‑kõore, n kell n paa a woto. La baa ne a sẽn tar yʋʋm pis-nii la a naasã, a dag n ka yit wẽnd doogẽ wã ye. A dag n maanda Wẽnnaam tʋʋmd wĩntoog ne yʋngo, ne no-loeer la pʋʋsgo.

Tʋʋma 22:3

Mam yaa Zʋɩf sẽn dog Tars sẽn be Silisi soolem. La b wuba maam Zeruzalɛm ka la mam zĩnda a Gamalyɛll taoor tɩ b zãms maam tɩ m bãng tõnd yaab-rãmbã tõod neere. Mam me rag n wɩngda ne Wẽnnaam tʋʋmdã wala yãmb fãa sẽn yaa to-to rũndã wã.

Tʋʋma 23:1

A Poll gesa kaoreng yɛl-bʋ-bʋʋdbã n yeel yaa: M saam-biisi, mam kẽna Wẽnnaam taoor ne sũur kaset sẽn yaa sõama hal tɩ ta rũndã.

Tʋʋma 24:14

Baoosgo, mam togsda bõn-kãngã y taoore. Mam pʋʋsda m yaab-rãmbã Wẽnnaam n tũud so-paalg ningã bãmb sẽn boond tɩ yaa kaoreng a to wã. La mam tẽeda bũmb nins fãa sẽn gʋls tõogã sɛb pʋse, la Wẽnnaam no-rɛɛsdbã sɛbã pʋsã.

Tʋʋma 24:16

Yaa woto yĩnga, tɩ mam me maood n dat n paam sũur kaset sẽn yaa sõama Wẽnnaam la ninsaalb taoor daar fãa.

Tʋʋma 26:4

Zʋɩf-rãmbã fãa mii mam vɩɩmã sẽn yɩ bũmb ninga, hal mam sẽn yaa bi-bilf wakate, b mii mam sẽn zĩnd m nebã sʋka, la Zeruzalɛm hal sɩngrẽ wã sẽn yɩ to-to.

Tʋʋma 27:23

Bala, Wẽnnaam ning sẽn so maam tɩ mam sakd-a wã malɛɛk waa mam nengẽ yʋngẽ,

Rom Dãmba 9:1

Mam yeta sɩd Kiris pʋgẽ, mam ka yagd zĩrẽ ye. Mam sũ-bãngrã kɩta maam bõn-kãng kaseto, Sɩɩg-sõng maasem yĩnga.

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

Galat Rãmba 1:14

Zʋɩf‑rãmbã kaoreng pʋgẽ, mam dag n yɩɩda m rog-taasã wʋsg m buudã pʋga. Bala, mam dag n wɩngda ne m ba-rãmbã minindã sakr hal tɩ looge.

Efɛɛz Rãmba 1:16

mam pʋʋsda Wẽnnaam bark yãmb yĩng n ka basdẽ ye. Mam tẽegda yãmb yell m pʋʋsg pʋgẽ.

1Tesalonik Rãmba 3:10

Yʋng ne wĩndga, tõnd bõosda Wẽnnaam ne d sũyã fãa tɩ d tõe n yãnd yãmb nengã, la d kɩt tɩ y paam bũmb ning sẽn paoog yãmb tẽebẽ wã.

1 Tɩmote 1:19

la f kell n tall tẽeb ne sũur kaset-sõngo. Neb kẽer basa sũur kaset‑kãnga, la ne tẽebã yelle, b yaa wa neb koom sẽn dɩ.

1 Tɩmote 1:5

Sagl-kãng võor yaa nonglem sẽn yit sũ-yolgemd pʋgẽ, la sũ-bãngr sẽn yaa sõama pʋgẽ, la tẽeb sɩd-sɩd pʋgẽ.

1 Tɩmote 5:5

La pʋg‑kõor ning sẽn yaa-a pʋg‑kõor meng-menga, n vɩ a yembre, a teegrã fãa bee ne Wẽnnaam, n modgd ne bõosg la pʋʋsgo, yʋng la wĩntoog fãa.

2 Tɩmote 1:5

Mam ket n tẽra tẽeb ning fo sẽn tara, sẽn ka kalem ne zãmbã yelle. Tẽ-kãng dag n zĩnda ne f yaab a Loyiisi, la ne f ma a Eniisi, la mam mii m sũurẽ t'a bee ne foom me.

2 Tɩmote 3:15

Hal f yãadem wakate, fo bãnga Wẽnnaam sebrã. B tõe n kõo foom yam tɩ f tõog n paam fãagre, fo sẽn tẽed a Zeezi Kirisã.

Ebre rãmba 13:8

A Zeezi Kiris yaa yembr zaamẽ la rũndã la wakat sẽn kõn sa.

1 Sãmwɛlle 12:23

Mam kõn tol n bas n ka pʋʋs Sẽn-Ka-Saab yãmb yĩnga, n wa beeg bãmb ye. Mam na n zãmsa yãmb sor sẽn yaa sõama, la tɩrga.