1 Tɩmote 5:4 - WẼNNAAM SEBRE 2014

⁴ Pʋg‑kõor sã n tar kamb bɩ yagense, bɩ kom-kãens zãms tɩ reng n zoe b meng yirã rãmb nimbãanega, n lebs bãmb bũmb nins b sẽn dag n ges bãmb yell ne wã, bala, manesem-kãng nooma Wẽnnaam.

SEBR SÕNGO

⁴ B sã n tar kamb bɩ yagense, b zãms-b b roagdba waoogre, la b sõm dolbo. Dẽ n noom Wẽnde.

KÃAB-PAALGÃ KOE-NOOGO

⁴ Pʋgkõor sã n tar kamb bɩ yagense, bɩ kom-kãens zãms tɩ reng n zoe b meng yirã rãmb nimbãanega, n lebs bãmb bũmb nins b sẽn dag n ges bãmb yell ne wã, bala, maan-kãng nooma Wẽnnaam.

1 Tɩmote 5:4 Iomraidhean Croise

Sɩngrẽ 47:12

A Zozɛf gesa a ba wã ne ba-biisã rɩɩb yelle, la ne a ba wã zak rãmb fãa yelle, wa sẽn zems a kambã sõore.

1 Tɩmote 2:3

Yaa woto n be neer Wẽnnaam nifẽ, la a noom bãmb sẽn yaa tõnd fãagdã.

A Luk Sõng 2:51

Dẽ poore, a Zeezi tũu bãmb n leb Nazarɛte, la b saka bãmb noore. Bãmb ma wã dag n bĩngda bõn-kãens fãa a sũurẽ.

Yelbũna 31:28

A kambã gomda a yelle, n yetẽ t'a tara barka, la a sɩdã pẽgd-a lame n yetẽ:

A Ruti 2:18

Woto, a Rut tʋka koodã a sẽn yiisã, n kuil n tɩ wilg a sɩd-ma wã, la a rɩk ka-sẽedmã yẽnda sẽn dag n wãb n kellã kõ a sɩd-ma wã.

A Ruti 2:2

Dẽ, daar a yembre, Moaab bi-pugl a Rut yeela a Naoomi yaa: «M kota sor n na n kẽng pʋtẽ wã, tɩ ned ning sẽn na n sak-a, bɩ m kẽ a pʋʋgẽ wã n yiis bɩle.» La a Naoomi yeel-a lame t'a kẽnge.

A Ezayi 14:22

Maam a Saasẽ-Pãng-Soabã yetame: «Mam na n yik n zaba ne bãmba, mam na n menesa Babilond yʋʋrã, ne a nebã sẽn kellã ne a kambã la a yagensã. Maam a Sẽn-Ka-Saab n yeele.

A. Zoobe 18:19

Yẽnda ka tar doog bɩ yagens a nebã sʋk ye. Nin-vɩɩg ka kell zĩig ning yẽnda sẽn dag n yaa sãan a pʋgẽ wã ye.

Bʋ-kaoodba 12:14

A Abdõ paama kom-dibli pis-naase la yagens pis-tã, la bãmb zaoo bõens pis-yopoe n kẽnda. A Abdõ yɩɩ Israyɛll bʋ-kaood yʋʋm a nii.

Sɩngrẽ 47:28

A Zakoob zĩnda Ezɩpt soolmã pʋg yʋʋm piig la a yopoe. A Zakoob vɩɩmda yʋʋm koabg la pis-naas la a yopoe.

1 Tɩmote 5:16

Tẽed sã n tar pʋg‑kõor a zakẽ, bɩ a ges a yelle, tɩ da yɩ tɩlɛ tɩ wẽnd doogã tʋk a zɩɩb ye. Woto, b na tõog n ges b rãmb sẽn yaa pʋg‑kõap sɩd-sɩdã yelle.

A Titi 1:11

F tog n kɩtame tɩ b sĩndi. Bãmb lubda zags zãnga n zãmsd nebã bũmb sẽn ka zems ye, n baood paoong ne zãmbo.