1 Tɩmote 5:1 - WẼNNAAM SEBRE 2014

¹ Da leng nin-kẽem ne pãng ye, sagl-a wa a yaa f ba. Maan kom-bɩɩsã wa f ba-biisi,

SEBR SÕNGO

¹ Da saag n tãs nin-kẽem ye, maag f yĩng n sagl-a wala f ba menga; ges kom-bɩɩba wala f yaopa,

KÃAB-PAALGÃ KOE-NOOGO

¹ Da leng nin-kẽem ne pãng ye, sagl-a wa a yaa f ba. Maan kom-bɩɩsã wa f ba-biisi,

1 Tɩmote 5:1 Iomraidhean Croise

Maan‑kʋʋre 19:32

Bɩ y põond n waoog zoob-peend soaba, la y waoog nin-kẽema. Bɩ f zoe Wẽnnaam. Mam yaa Sẽn-Ka-Saabo.

A Matiye Sõng 23:8

La yãmba, ra kɩt-y tɩ nebã boond yãmb tɩ karen-saamb ye. Bala, yãmb karen-saamb yaa a yembr tãa, la yãmb fãa yaa ba-biisi.

Tʋʋma 14:23

A Zeezi tẽedbã sẽn be zĩig ninsã fãa, a Poll dãmb yãka kãsem-dãmb n kõ-ba. La bãmb loee noor n pʋʋs n dɩk-b n bas Zu-soab ningã bãmb sẽn tẽ a soabã nugẽ.

Tʋʋma 15:4

La a Poll dãmb sẽn ta Zeruzalɛm, a Zeezi tẽedbã ne tẽn-tʋmdbã ne kãsem-dãmbã reeg-b lame. La a Poll dãmb togs-b‑la bũmb nins fãa Wẽnnaam sẽn tall bãmb n maanã.

Tʋʋma 15:6

Tẽn-tʋmdbã ne kãsem-dãmbã tigma taab n na n ges yel-kãng yelle.

Tʋʋma 20:17

A Poll zĩnda Mile n tʋm koɛɛg tɩ b tɩ bool a Zeezi Kiris tẽedbã kãsem-dãmbã sẽn be Efɛɛsã tɩ b wa.

Rom Dãmba 13:7

Kɩs-y ned fãa bũmb ning y sẽn tog n kɩs-a: Kɩs-y sẽn tog n deeg-a yaoodã yaoodo, la y kɩs sẽn tog n deeg-a yõor yaoodã yõor yaoodo, la y zoe ned ning y sẽn tog n zoe wã, la y waoog ned ning y sẽn tog n waooge.

Galat Rãmba 6:1

M ba-biisi, yãmb sã n ling ned t'a beegdẽ, Wẽnnaam Sɩɩgã sẽn be ne yãmbã yĩnga, bɩ y sagl a soab ne sũ-bʋgsem, t'a tõe n leb n dɩk so-tɩrgã. Gũus f menga, tɩ fo me ra wa n paam makr ye.

Yaoolem 33:9

A Leevi goma a ba wã ne a ma wã wɛɛngẽ n yeele: «Mam ka get bãmb ye!» Yẽnda ka leb n mi a ba-biiga, a ka leb n mi a kamb ye. Bala, bãmb sakda yãmb goamã n zãad yãmb kaoolã.

1 Tɩmote 5:17

Taoor dãmb nins sẽn get wẽnd doogã tʋʋm yell neerã tog n paama waoogr n yɩɩda, la sẽn yɩɩd fãa, yaa neb nins sẽn wɩngd ne koe-moonego la ne zãmsgã.

1 Tɩmote 5:2

la f maan pʋg-yãansã wa f ma-rãmba, la ges pʋg-sadbã wa f tão‑pogse, ne sõmblem zãnga.

A Titi 2:2

Zãms nin-kẽembã tɩ b yɩ yõk-m-mens-rãmba, la b yɩ neb sẽn tar waoogre, la b yɩ mi-m-mens-rãmba, la b yɩ sõama tẽebã pʋga la nonglem pʋga, la b yɩ sũ-maasem-dãmba.

A Titi 2:6

Sagl kom-bɩɩsã tɩ b yɩ mi-m-nems-rãmb bũmba fãa pʋgẽ.

Zake 3:17

Yam sẽn yit yĩngrã yaa sõama zãnga, la sẽn paase, a baooda laafɩ, a wata ne sũ-bʋgsem, la sugri, la a pida ne nimbãan-zoeere la bi-sõamyã fãa, la a ka be bakre, la zãmb ye.

Zake 5:14

Ned n be yãmb sʋkã n ka keeme? Bɩ a bool Wẽnnaam nin-tũusdsã kãsem-dãmbã, la bɩ bãmb tik-a ne kaam ne Zu-soabã yʋʋre, n pʋʋs a yĩnga.

1 Pɩyɛɛr 5:1

Dẽ, mam sagenda kãsem-dãmbã sẽn be yãmb sʋkã, mam me sẽn yaa kãsem wa bãmbã, la m ya Kiris namsgã kaset soabã, la m ya pʋɩt-n-taag ne Kiris ziirã sẽn na n wa pukã yĩnga.

2 Zã 1:1

Kãsmã n tʋmd seb-kãngã pag a Kirya sẽn ya Wẽnnaam nin-tũusdgã ne a kambã mam sẽn nong sɩdã pʋgẽ wã. La ka maam m ye n nong-b ye, neb nins fãa sẽn bãng sɩdã me nong-b lame,

3 Zã 1:1

Kãsmã n tʋmd seb-kãngã ba-bi-nongr a Gayuus sẽn ya ned mam sẽn nong sɩdã pʋgẽ wã.

Vẽnegre 4:4

La gɛy pisi la a naas n dag n gilg ge-kãsengã, la kãsem-dãmb pisi la a naas n zao b zutu, n yer fu-peelse, la b fõg sãnem maanf-rãmba.