1 Tɩmote 4:2 - WẼNNAAM SEBRE 2014

² La yaa bɛlgdb sẽn yaa zãmb dãmba, la b sũ-bãngrã sẽn wʋm ne kut sẽn moogã goam n na n kɩt tɩ yɩ a woto.

SEBR SÕNGO

² B basame tɩ neb tudg-ba, la nin-bãmb dãmb sũur duuga ne kud moomde, tɩ lebg makr sẽn kõt kaset vẽenega tɩ b yaa zirẽ-be-rãmba, ninsaan-kazukma.

KÃAB-PAALGÃ KOE-NOOGO

² La yaa bɛlgdb sẽn ya zãmb dãmba, la b sũ-bãngrã sẽn wʋm ne kut sẽn moogã goam n na n kɩt tɩ yɩ a woto.

1 Tɩmote 4:2 Iomraidhean Croise

1 Rĩm-dãmbã 13:18

Wẽnnaam no-rɛɛs-kʋdrã yeela yẽnda yaa: «Mam me yaa Wẽnnaam no-rɛɛs wa foom. La malɛɛk n wa n togs maam Zu-soabã koɛɛg n yeele: Kẽng n tɩ peeg Wẽnnaam daoã n kuil f yir t'a tɩ rɩ la a yũ.» Wẽnnaam no-rɛɛs-kʋdrã yaool n dag n yagda zĩrẽ.

1 Rĩm-dãmbã 22:22

Sɩɩgã leokame: «Mam na n kẽngame n tɩ kɩt tɩ no-rɛɛsdb nins sẽn be ne yẽnda wã togs-a zĩrẽ.» Dẽ, Sẽn-Ka-Saab yeelame: «Fo sã n sɩd maan a woto, fo na n belg-a lame n tõoge. Dẽ wã, bɩ f kẽng n tɩ maan a woto!»

A Ezayi 9:15

Nin-bãmbã taoor-dãmbã kẽesd-b-la moogo, la neb nins bãmb sẽn tɛtã menemame.

Zeremi 23:14

La Zeruzalɛm no-rɛɛsdbã nengẽ, mam yãnda yɛl sẽn yaa wẽng n yɩɩda: Bãmb yaa yoaadba, bãmb pʋgda zĩrẽ-beedo. Bãmb paasda nin-wẽns pãnga, hal tɩ ned ka be n dat n bas wẽngã maaneg ye. Mam geta bãmb fãa wa Sodom nebã, la Zeruzalɛm nebã yaa wa Gomoor nebã.

Zeremi 23:26

Zãmb na n zĩnda no-rɛɛsdbã sũy pʋsẽ tɩ b togsd zĩrẽ pĩnd-n-bãngr goam hal tɩ ta dabʋre?

Zeremi 23:32

Sẽn-Ka-Saab yetame: «Mam na n zaba ne no-rɛɛsdb nins sẽn togsd zĩrẽ zãmsdo, n tudgd mam nebã ne b zĩrẽ wã, la ne b gom-vɩɩdã, tɩ yaool n ka maam n tʋm-ba, la m ka kõ-b noor me ye. Bãmb ka tar yõod ne m nebã ye.»

Zeremi 5:21

«Kelg-y-yã! Yalemb sẽn ka tar bãngre, yãmb tara nini, la y ka ne ye. Yãmb tara tʋba, la y ka wʋmd ye.»

A Matiye Sõng 24:24

Bala, belgr kiris-rãmb la belgr no-rɛɛsdb n na n puki. B na n maana bõn-kãsemse, la bõn-yɛɛsdse, hal tɩ b sã n tõe menga, b na n tudga nin-tũusdsã mense.

A Matiye Sõng 7:15

Gũus-y yãmb mens ne zĩrẽ no‑rɛɛsdbã sẽn wat yãmb sʋk wa piis tɩ b pʋsẽ wã, b yaa digd-n-yĩid-toosã.

Tʋʋma 20:30

La neb n na n yik yãmb sʋkã n zãmsd nebã sẽn ka sɩda, n maan a woto n belg tẽedbã tɩ b tũ-ba.

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye.

Rom Dãmba 16:18

Bala, neb a woto ka tʋmd tõnd Zu-soabã, Kiris yĩng ye, yaa b mens pʋs yĩnga. B belsda neb nins sẽn ka yamã ne gom-noodo la ne pẽgre.

Efɛɛz Rãmba 4:14

Woto, tõnd kõn leb n yɩ wa kamb sẽn lengde, tɩ zãmsg buud fãa rɩkd-d n loogdẽ, tɩ ninsaalbã zãmbã ne b belgr tʋʋmã tar tõnd n leebdẽ ye.

Efɛɛz Rãmba 4:19

Yel-wẽnã maaneg yãnd ka leb n tar-b baa bilfu. B basame tɩ raglem soog-ba, tɩ b maand tʋʋm dẽgd buud fãa la rat-wʋsgo.

2 Tɩmote 3:5

B na n maanda wa b sakda Wẽnnaam, la b yaool n na n kɩɩsa sakrã pãnga. Zãag f meng ne nin-bãmbã.

Vẽnegre 16:14

Bãmb yaa sɩɩse, zĩn-dãmb sẽn maand bõn-yɛɛsdse, la sẽn kẽngd dũni gill fãa rĩm-dãmbã nengẽ n na n tɩ tigs-b Wẽnnaam sẽn tõe fãa ra-kãsenga sẽn yaa zabr daarã yĩnga.