1 Tɩmote 4:10 - WẼNNAAM SEBRE 2014

¹⁰ Tõnd tʋmdame, la d maoodẽ, bala, tõnd saagr bee ne Wẽnnaam sẽn vɩ la sẽn yaa nebã fãa fãagda, la Kiris tẽedbã fãagd n yɩɩda.

SEBR SÕNGO

¹⁰ Tõnd sã n namsdẽ, tõnd sã n bob zabre, yaa d saagr sẽn be Wẽnd vɩɩga nengẽ, sẽn fãaga ninsaalba, sẽn fãaga tẽedbã n yɩɩda.

KÃAB-PAALGÃ KOE-NOOGO

¹⁰ Tõnd tʋmdame, la d maoodẽ, tɩ bõe, tõnd saagr bee ne Wẽnnaam sẽn vɩ la sẽn ya neba fãa fãagda, la tẽedbã fãagd n yɩɩda.

1 Tɩmote 4:10 Iomraidhean Croise

Yɩɩn‑sõamyã 107:2

Bɩ Sẽn-Ka-Saab sẽn fãag-b rãmbã yeel a woto. Bɩ Sẽn-Ka-Saab sẽn fãag neb nins b zabd-n-taasã nugẽ wã yeel a woto.

Yɩɩn‑sõamyã 118:8

Fo sẽn na n teeg Sẽn-Ka-Saabo, n são f sẽn na n teeg ninsaalbã.

Yɩɩn‑sõamyã 36:6

Sẽn-Ka-Saabo, yãmb nonglmã bee hal saasẽ, la yãmb pʋ-peelmã tata hal sawatẽ.

Yɩɩn‑sõamyã 37:40

Sẽn-Ka-Saab sõngd-b lame tɩ b põse. Bãmb na n sõng-b lame n kɩt tɩ b põs nin-wẽnse, n fãag-ba, bãmb sẽn baood zĩ-soalgdg bãmb nengẽ wã yĩnga.

Yɩɩn‑sõamyã 52:8

Dẽ, nin-tɩrsã na n yãnda rẽndã, n zoe rabeem, la b na n laa yẽnda n yeele:

Yɩɩn‑sõamyã 84:12

Bala, Sẽn-Ka-Saab sẽn yaa Wẽnnaamã yaa tõnd wĩntoogo, la b yaa tõnd gãongo. Sẽn-Ka-Saab n kõt neb nins sẽn kẽnd ne burkĩndã bark ne ziiri, n ka mongd-b bõn-sõng ba a yembr ye.

A Ezayi 12:2

Gese, Wẽnnaam yaa mam fãagda, mam maanda tẽebo, la m kõn zoe rabeem ye. Bala, Sẽn-Ka-Saab yaa mam pãnga, la b yaa mam pãn-kãsenga. Bãmb yaa mam fãagda.»

A Ezayi 50:10

Ãnda soab n be yãmb sʋkã n zoet Sẽn-Ka-Saabo, n na n kelg bãmb tʋmtʋmdã koɛɛgã? Ned ning sẽn kẽnd lik bida pʋgẽ, tɩ vẽenem ka beẽ, bɩ a soab teeg Sẽn-Ka-Saabo, la a rell bãmb yʋʋrã, n teeg a Wẽnnaamã!

Zeremi 17:7

Bark bee ned ning sẽn teeg Sẽn-Ka-Saabo, la sẽn dell bãmbã zugu!

A Dãniyɛlle 3:28

Rĩm a Nebukatnedzaar zẽka a koɛɛg n yeel yaa: «Bɩ a Sadrak ne a Mesak la a Abednego Wẽnnaamã paam pẽgre. Bala, bãmb tʋma b malɛɛk t'a wa n fãag b tʋmtʋmdbã. A Sadrak ne a Mesak la a Abednego kɩsa sɩd ne b Wẽnnaamã, n kɩɩs rĩmã noore, n gẽneg b yõore, n ka sak n na n wõgemd n waoog Wẽnnaam a to tɩ sã n ka bãmb Wẽnnaamã bal ye.

A Nahum 1:7

Sẽn-Ka-Saab yaa sõngo, bãmb yaa zĩ-lilldg yel-pakr wakate. Bãmb geta sẽn solgd-b bãmb nengẽ wã yelle.

A Matiye Sõng 16:16

A Sɩmo Pɩyɛɛr leokame n yeele: «Yãmb yaa Kirisã, Wẽnnaam sẽn vɩ wã Bi-ribla.»

A Matiye Sõng 27:43

Yẽnda teega Wẽnnaam: bɩ Wẽnnaam fãag-a moasã, sã n yaa tɩ b nong-a lame. Bala, a yetame: «Mam yaa Wẽnnaam Bi-ribla.»

A Zã Sõng 1:29

Vẽkembeoogo, a Zã yãnda a Zeezi sẽn wat yẽnda nengẽ, n yeele: «Ad Wẽnnaam pe-bilã, sẽn yiisd-a dũni yel-wẽnã.»

A Zã Sõng 4:42

«Ka leb n yaa fo goamã yĩng la tõnd sẽn tẽed a Zeezi wã ye. Bala, tõnd mensã wʋma b goamã, la tõnd miime tɩ sɩd yaa bãmb la dũni fãagdã.»

A Zã Sõng 5:24

Mam yeta yãmb sɩd-sɩd tɩ ned ning fãa sẽn kelgd mam goamã, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ.

1 Korẽnt rãmba 15:10

Wẽnnaam barkã yĩnga, mam yaa m sẽn yaa a soaba, la bãmb nimbãan-zoeer mam yĩngã ka yɩ zaalem ye. Ayo! Mam tʋmame n yɩɩd tẽn-tʋmdbã fãa. La ka mam mengã n tʋm ye, yaa Wẽnnaam barkã sẽn be mam pʋgẽ wã.

2 Korẽnt rãmba 1:10

Yaa Wẽnnaam‑kãng n fãag tõndo, la b na fãag tõnd ne kũum a woto buudu. N‑ye tõnd tara tẽ-kãngã tɩ b na n leb n fãaga tõnd yɛsa.

1 Tɩmote 2:3

Yaa woto n be neer Wẽnnaam nifẽ, la a noom bãmb sẽn yaa tõnd fãagdã.

1 Tɩmote 2:4

Bãmb daab yaa tɩ nebã fãa paam fãagre, la b tõog n bãng sɩdã.

1 Tɩmote 2:6

soab ning sẽn kõ a meng tɩ ra nebã fãa wã. Yõwã yaa kaset sẽn kɩs a wakate.

1 Tɩmote 3:15

tɩ baa mam sã n wa n kaoosdẽ, fo na bãng f sẽn na n maan bũmb ning Wẽnnaam zakã pʋga, sẽn dat n togs tɩ Wẽnnaam sẽn vɩ wã nin-tũusdsã sʋka, sẽn yaa sɩd ra-luka, la a yẽbgr sẽn tebended-a wã.

1 Tɩmote 6:17

Yeel neb nins sẽn tar arzegs dũni‑kãngã pʋgẽ wã tɩ b ra maan wilg-m-menga, la b da rɩk b teegrã n teeg arzegs b sẽn ka tar a hakɩɩk ye. Bɩ b teeg Wẽnnaam, tɩ b kõta bũmb fãa tɩ seke, tɩ tõnd tõe n tall n maan sũ-noog ne.

Ebre rãmba 11:26

Sɩda, a dag n getame tɩ yẽndã sã n paam yãnd ning Kirisã sẽn na n paamã yaa arzɛk n yɩɩd Ezɩpt arzegsã. Bala, a long n geta keoorã sẽn be yɩɩgã.

Ebre rãmba 13:13

Bɩ tõnd me sak yãnd ning bãmb sẽn paamã, n yi n kẽng bãmb nengẽ.

1 Pɩyɛɛr 1:21

Kiris maasem yĩnga, yãmb tẽeda Wẽnnaam ning sẽn vʋʋg-a Kiris n bas kũum la b kõ-b waoogrã. Sẽn na yɩl tɩ yãmb tẽebã ne y teegrã zĩnd ne Wẽnnaam.

1 Zã 2:2

B talla a Zeezi meng n maan maoong tõnd yel-wẽnã sugr kũun yĩnga, la ka tõnd bal yel-wẽnã yĩng ye, la dũni nebã fãa me yel-wẽnã yĩnga.

1 Zã 4:14

La tõnd yãame la d kɩt kaset tɩ d ba wã tʋma b Bi-riblã tɩ b yɩ dũni fãagda.