1 Tɩmote 4:1 - WẼNNAAM SEBRE 2014

¹ Sɩɩg-sõng togsa vẽeneg tɩ yaoolem wakate, neb kẽer na n basa tẽebo, n pʋg belgr sɩɩse, la zãmsg zĩn-dãmb sẽn kõta.

SEBR SÕNGO

¹ Wẽnd Vʋʋsem togsa vẽenega tɩ yaoolem wakatã neb kẽer na n basa b tẽebo n kẽ zirẽ-be-rãmba la b reeg b zãmsgo, sẽn ya Sʋtãan rẽnna.

KÃAB-PAALGÃ KOE-NOOGO

¹ Sɩɩg-sõng togsa vẽeneg tɩ yaoolem wakate, neb kẽer na n basa tẽebo, n pʋg belgr sɩɩse, la zãmsg zĩn-dãmb sẽn kõta.

1 Tɩmote 4:1 Iomraidhean Croise

Sɩngrẽ 3:13

Dẽ, Wẽnnaam Sẽn-Ka-Saab soka pagã yaa: «Paga, yaa bõe tɩ fo maan woto?» La pagã leokame: «Yaa waafã n belg maam n kɩt tɩ mam dɩ tɩɩgã bila.»

1 Rĩm-dãmbã 13:18

Wẽnnaam no-rɛɛs-kʋdrã yeela yẽnda yaa: «Mam me yaa Wẽnnaam no-rɛɛs wa foom. La malɛɛk n wa n togs maam Zu-soabã koɛɛg n yeele: Kẽng n tɩ peeg Wẽnnaam daoã n kuil f yir t'a tɩ rɩ la a yũ.» Wẽnnaam no-rɛɛs-kʋdrã yaool n dag n yagda zĩrẽ.

A Ezayi 2:2

Wakat n wate, tɩ tãng ning Sẽn-Ka-Saab roogã sẽn tilg a zugã na n lug n yɩɩg tãms a taabã, a na n zẽkame t'a zãntlmã yɩɩg kunkubã zãntlem. La buud toay-toay fãa na n zoe n waa beenẽ.

Zeremi 23:26

Zãmb na n zĩnda no-rɛɛsdbã sũy pʋsẽ tɩ b togsd zĩrẽ pĩnd-n-bãngr goam hal tɩ ta dabʋre?

Zeremi 48:47

La maam a Sẽn-Ka-Saab yetame: Wakat n wate, tɩ m na n lebs Moaab nebã b pĩnd zĩigẽ wã. Maam a Sẽn-Ka-Saab yeta.» Moaab sɩbgrã tɛk la a woto.

Zeremi 49:39

La wakat sẽn wate, mam na n lebs n manega Elam nebã yelle. Maam a Sẽn-Ka-Saab n yeele.

Ezekiyɛl 1:3

Badaare, Sẽn-Ka-Saab goma ne maan-kʋʋd a Buuzi biig a Ezekɩyɛlle, Kebaar kʋɩlgã noore, Kalde nebã soolem pʋga. Yaa beenẽ la Sẽn-Ka-Saab nugã zĩnd a Ezekɩyɛll zugu.

Ezekiyɛl 38:16

Fo na n wa zaba ne Israyɛll sẽn yaa mam nebã, wa sawat sẽn lud tẽngã. Bõn-kãng na n zĩnda wakat sẽn wate. Googe, mam sã n wa wilg m pʋ-peelmã ne foom buud toay-toayã nifẽ, mam na n kɩtame tɩ fo wa zab ne m tẽngã, sẽn na n yɩlẽ tɩ b bãng maam.»

A Dãniyɛlle 10:14

Moasã, mam waame n na n wilg foom bũmb ning sẽn na n wa n paam fo nebã yaoolem wakatã. Bala, vẽnegr a yembr n ket wakat-kãng wɛɛngẽ.»

A Ooze 3:5

Dẽ poore, Israyɛll nebã na n lebg n waame. Bãmb na n baoo Sẽn-Ka-Saab sẽn yaa bãmb Wẽnnaamã, la a Davɩɩd sẽn yaa bãmb dĩmã. Wakat n wate, tɩ bãmb na wa Sẽn-Ka-Saab nengẽ ne rabeem, n bao bãmba, la b bao b sõmblmã.

A Miise 4:1

Wakat n wate, tɩ tãng ning Sẽn-Ka-Saab roogã sẽn tilg a zugã na n lug n yɩɩg tãms taabã, la a na n zẽkame t'a zãntlmã yɩɩg kunkubã zãntlem, La nebã na n zoe n waa beenẽ.

Sõadga 24:14

Moasã, m na n lebg n leba m nebẽ. La sẽn deng rẽ, wa tɩ m wilg-f Israyɛll nebã sẽn na n maan Moaab nebã bũmb ninga wakat sẽn wate.

A Matiye Sõng 18:7

Toog na n paama dũni wã, bũmb nins sẽn wat ne lʋɩɩsã yĩnga. Bala, yaa tɩlae tɩ bũmb nins sẽn wat ne lʋɩɩsã wa. La ned ning sẽn na n waa-a ne-bã na paam toogo.

A Luk Sõng 17:1

A Zeezi yeela b karen-biisã yaa: Bũmb nins sẽn wat ne lʋɩɩsã ka tõe n ka wa ye. La ned ning sẽn na n wa-a ne-bã na paam toogo.

A Zã Sõng 16:13

La sɩd Sɩɩgã sã n wa, b na n tɛɛ yãmb sɩdã fãa pʋgẽ. Bala, b ka na n gom b sẽn dat ye, b na n togsa yãmb bũmb nins b sẽn wʋme, la b na n togsa yãmb bũmb sẽn be taoor n watẽ.

Tʋʋma 13:2

Bãmb sẽn dag n maand Zu-soabã tʋʋmd la b loet noore, Sɩɩg-sõng yeel-b lame tɩ b yãk a Barnabaas ne a Soll n welg-b toore, tɩ b maan tʋʋmd ning b sẽn bool-b tɩ b maanã.

Tʋʋma 17:18

Epikuryẽ-rãmbã ne Ɛstoyisẽ-rãmbã karen-saam-dãmb kẽer me sɩngame n gom ne a Polle. La kẽer sokame tɩ gom-to-nedã rat n yeelame tɩ bõe? La neb a taab yetame tɩ yaa wa a Poll yaa wẽn-zẽms koe-toagsda, bala, a dag n gomda a Zeezi la kũum vʋʋgr yelle.

Tʋʋma 20:23

Mam sẽn mi bala, yaa tɩ Sɩɩg-sõng keoogda maam tẽng‑tẽnga, tɩ bi-bees roog la namsg n gũud maam.

Tʋʋma 21:11

Yẽnda rɩka a Poll sẽbdgã n sẽb a nao ne a nus n yeel yaa: Ade, Sɩɩg-sõng yetame tɩ Zʋɩf-rãmbã na n sẽba ned ning sẽn so-a sẽbd‑kãngã wã a woto Zeruzalɛm, n ning-a bu-zẽmsã nusẽ.

Tʋʋma 28:25

La bãmb sẽn ka zems taab n yik n na n loogã, a Poll yeel-b-la gom‑kãensã bal n paase: Sɩɩg-sõng sɩd tara bʋʋm la a sẽn da gom ne y yaab-rãmbã n yeel

1 Korẽnt rãmba 10:20

Maoongã sẽn kʋʋdã, yaa zĩn-dãmb yĩnga, la ka Wẽnnaam yĩng ye. La mam yaool n ka rat tɩ yãmb paam lagem-n-taar ne zĩn-dambã ye.

1 Korẽnt rãmba 11:19

Yaa tɩlɛ tɩ welgr sɩd zĩndi, tɩ b na bãng neb nins sẽn zems pẽgr yãmb sʋkã.

1 Korẽnt rãmba 12:11

Yaa Sɩɩg a yembr tãa n maand bõn-kãensã fãa, n pʋɩt kũunã n kõt ned kam fãa wa b sẽn data.

1 Korẽnt rãmba 2:10

Wẽnnaam vẽnega yam‑kãng ne tõndo, Sɩɩg-sõng maasem yĩnga. Bala, Sɩɩgã feesda bũmb fãa, baa ne bũmb nins sẽn solg hal Wẽnnaam pʋgẽ.

2 Korẽnt rãmba 11:3

La baoosgo, a wa waafã sẽn maan sɩlem n zãmb a Awa wã, mam yɛɛsdame tɩ yãmb yam na n wa wẽnemd n lebg wẽng n kɩt tɩ y bas y sõmblmã ne y pʋ-peelmã y sẽn tar Kiris yĩngã ye.

Yaoolem 32:29

Bãmb sã n dag n tarẽ yam, b rag n na n tagsẽ lame n bãng bõn-kãng võore, n tõog n gũus ne b beoog vɩɩmã yelle.

Yaoolem 4:30

Y yel-pakrã pʋga, yel-kãensã fãa sã n wa paam yãmba, yãmb na n lebg n waa Sẽn-Ka-Saab sẽn yaa yãmb Wẽnnaamã nengẽ, la yãmb na n kelga bãmb koɛɛgã.

Kolos Rãmba 2:18

Da sak-y tɩ ned sẽn maand wa a yaa sik-m-meng soaba la sẽn pʋʋsd malegs belg yãmb wa a sẽn date, n kɩt tɩ y kong y zoeesa keoor ye. Ned a woto buud teegda yãab buud toay-toaya, t'a ninsaalem tagsdã kɩt t'a pid ne wuk-m-meng zaalem

2 Tɩmote 3:13

La nin-wẽnsã ne bɛlgdbã na n kell n kẽeda wẽngã pʋgẽ n paasdẽ. Bãmb mensã yaa neb sẽn meneme, la b menesda neb a taab me.

2 Tɩmote 4:4

B na n yẽda b tʋbã ne sɩdã kelgre, la b yok-b ne soalmã kelgre.

Zake 3:15

Yam‑kãng ka yam sẽn yit yĩngr ye. A yita tẽng zug n yaa yĩng rẽnda, la zĩn-dãmb dẽnda.

1 Pɩyɛɛr 1:20

tar bãnde, Wẽnnaam dag n pĩnd n yãka Kiris sẽn deng dũni naanego, la b waa yãmb yĩnga, yaoolem zamaana pʋgẽ.

2 Pɩyɛɛr 2:1

Zĩrẽ-bãngdb n dag n zĩnd Wẽnnaam nebã sʋka. Woto me, zĩrẽ karen-saam-dãmb n be yãmb sʋkã. B na n maana sɩlem n wa ne zãmsg sẽn menesd nebã, la b na n kɩɩsa Zu-soab ning sẽn fãag-a bãmbã, la b na n taka sãoong tao‑tao n wa b mens zutu.

2 Pɩyɛɛr 3:3

Sẽn deng bũmb fãa, bãng-y tɩ yaoolem wakate, neb sẽn laad neb n na n zĩndi. B na n yaala yãmba, b na n yɩɩ neb sẽn sakd b mens yĩngã ratem.

1 Zã 2:18

Mam kom-bãoonego, moasã yaa yaoolem wakate. Wa yãmb sẽn dag n wʋm tɩ Kiris kɩɩsd n watã, ad Kiris kɩɩsdb wʋsg n be moasã. Rẽ kɩtame tɩ tõnd miẽ tɩ yaa yaoolem wakate.

1 Zã 4:6

La ne tõndo, tõnd yaa Wẽnnaam dẽnda. Ned ning sẽn mi Wẽnnaam kelgda tõndo, la ned ning sẽn ka mi Wẽnnaam ka kelgd tõnd ye. Yaa woto la tõnd na n bãng sɩd Sɩɩgã ne tudgr sɩɩgã n bake.

A Zʋʋde 1:18

B rag n yeta yãmb yaa: «Wakat sɛɛb wakate, nin-yaandb n na n zĩndi, n kẽnd wa Wẽnnaam ka ye, n tũud b yĩnsã ratem.

A Zʋʋde 1:4

Bala, raop kẽer n soos n kẽ yãmb sʋka. Bãmb yaa wẽn-kɩɩsdb sẽn tekd tõnd Wẽnnaamã bark koɛɛgã n maand raglem la b kɩɩsd a Zeezi Kiris sẽn yaa tõnd karen-saamb la d Zu-soab sẽn ka to wã. La b gʋlsa sɩbgr ning b sẽn na n paamã hal daar zãra.

Vẽnegre 13:14

Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga.

Vẽnegre 16:14

Bãmb yaa sɩɩse, zĩn-dãmb sẽn maand bõn-yɛɛsdse, la sẽn kẽngd dũni gill fãa rĩm-dãmbã nengẽ n na n tɩ tigs-b Wẽnnaam sẽn tõe fãa ra-kãsenga sẽn yaa zabr daarã yĩnga.

Vẽnegre 18:2

Malɛɛkã zẽka a koɛɛg ne pãng n yeele: A lʋɩɩme! A lʋɩɩme! Babilond kãsengã lʋɩɩme! Yẽnda lebga zĩn-dãmb yiri, la zĩ-dẽgd fãa, la bõn-yɩgd‑rẽgd fãa, la rũm‑dẽgd buud fãa nebã sẽn kis zĩiga.

Vẽnegre 18:23

Fɩtl vẽenem kõn leb n yãg be ye, la ned kõn leb n wʋm pʋg-paal sɩd ne a pʋg-paalã koees beenẽ yɛs ye. Bala, fo toandbã dag n yaa dũni nin-kãsemse, fo belga soolem dãmbã fãa ne f bagrã.

Vẽnegre 19:20

La b yõka rũngã ne zãmb no-rɛɛs ning sẽn dag n maan bõn-yɛɛsds rũngã taoor n belg neb nins sẽn deeg rũngã bãndã la b wõgemded yẽnda bõn-naandgã taoorã. B loba bãmb b yiibã fãa vɩɩs bugum mogr pʋgẽ zĩig ning kidbr sẽn dɩtã.

Vẽnegre 2:11

Bɩ ned ning sẽn tar tʋb kelg bũmb nins Sɩɩg-sõng sẽn yet wẽnd-dotã. Kũum a yiib soabã ka na n sɩɩs ned ning sẽn na n paam-a tõogrã ye.

Vẽnegre 2:17

Bɩ sẽn tar-a tʋb kelg bũmb nins Sɩɩg-sõng sẽn yet wẽnd-dotã. Mam na n kõo ned ning sẽn na n tõogã man sẽn solge, la kug-pɛɛlga. Kugrã zugu, yʋ-paalg n gʋls be ned baa a yembr sẽn ka mi, sã n ka ned ning sẽn deegd-a kugrã.

Vẽnegre 2:29

Bɩ sẽn tar-a tʋb kelg bũmb nins Sɩɩg-sõng sẽn togsd mam wẽnd-dotã.»

Vẽnegre 2:7

Bɩ ned ning sẽn tar-a tʋb kelg bũmb ning Sɩɩg-sõng sẽn yet wẽnd-dotã: Mam na n kõo tõaagd fãa noor t'a rɩ vɩɩm tɩɩgã sẽn be Wẽnnaam Paraadi pʋgẽ wã biisi.

Vẽnegre 20:10

B loba bɛlgdã, soab ning sẽn dag n belgd nebã bugum mogr sẽn dɩt kidbr pʋga, zĩig ning rũngã ne belgr no-rɛɛsã sẽn be wã. Bãmb na n namsa wĩndg ne yʋngo, zamaan woo zamaane.

Vẽnegre 20:8

la a na n yiime n belg soolem nins sẽn be dũniyã kɩrems a naasã nebã, Gaoog ne Magaooge, sẽn na n yɩl n tigim bãmb zabr yĩnga. Bãmb sõorã yaa wa ko-kãsengã bĩisri.

Vẽnegre 3:13

Bɩ ned ning sẽn tar tʋb kelg bũmb nins Sɩɩg-sõng sẽn yet wẽnd-dotã.

Vẽnegre 3:22

Bɩ ned ning sẽn tar tʋb kelg bũmb ning Sɩɩg-sõng sẽn yet wẽnd-dotã.

Vẽnegre 3:6

Bɩ ned ning sẽn tar-a tʋb kelg bũmb ning Sɩɩg-sõng sẽn togsd wẽnd-dotã.

Vẽnegre 9:20

La neb a taabã sẽn kell tɩ to-kãensã ka kʋ wã ka tek yam n kos sugr tʋʋm nins b nusã sẽn tʋmã yĩng ye. Bãmb ka bas zĩn-dãmb ne wẽn-naands sẽn maan ne sãnem la wanzuri, la zũudu, la kuga, la raadã waoogr ye. Wẽn-naandsã ka tõe n yãnd wall b wʋme, wall b kẽn ye.