1 Tɩmote 3:3 - WẼNNAAM SEBRE 2014

³ A ka tog n yɩ rã-yũuda, wall zabr soab ye. A tog n yɩɩ ned sẽn baood laafɩ. A ka tog n yɩ ned sẽn nong ligd ye.

SEBR SÕNGO

³ A ra yɩ rã-yũuda bɩ mo-be-neda, a yɩ nin-noanga, nin-bʋgsgo, ned sẽn ka baood zaba, ned yam sẽn lak ne ligdi.

KÃAB-PAALGÃ KOE-NOOGO

³ A ka tog n yɩ rã-yũuda, wall zabr soab ye. A tog n yɩɩ ned sẽn baood laafɩ. A ka tog n yɩ ned sẽn nong ligd ye.

1 Tɩmote 3:3 Iomraidhean Croise

Yelbũna 1:19

Fãad yel-manesem yaa a woto. Yẽnda bẽta a menga, la a vɩɩmã na n sãamame.

Yelbũna 15:27

Ned sã n nong zãmb paoongo, a wata ne zu-beed a meng zak pʋga, la sẽn kis-a zãmb kũun na n vɩɩmdame n kaoose.

Kowelɛt 7:8

Bũmb baoosg n são a sɩngre, la sũ-mar soab n são tɩta-neda.

A Ezayi 28:1

Kayto! Efrayiim rã-yũudbã naam puglã na n paama toogo, tɩ-puud nins sẽn yaa yẽnda ziir n be kunkubr ning sẽn tar long sẽn bʋgs zugã zelgame. Yaa neb nins reezẽ rãam sẽn lubdã, bãmb na n paama toogo!

A Ezayi 28:7

Bãmb me yũu reezẽ rãam n zʋbsdẽ, rã-toosã kɩtame tɩ bãmb nens yilimdẽ. Maan-kʋʋdbã ne sẽn yãt-b vẽnegrã yũu reezẽ rãam n zʋbsdẽ, rãamã sooga bãmb zãnga, rã-toosã kɩtame tɩ bãmb nens yilimdẽ. Bãmb yãabã kɩtame tɩ b zʋbsdẽ, b yamã yuusda b yam-yãkrã pʋga.

Zeremi 6:13

Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Zeremi 8:10

Yaa woto yĩnga, tɩ mam na n dɩk b pagbã n kõ neb a taaba, la neb a taab na n deega bãmb pʋto. Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Ezekiyɛl 44:21

Maan-kʋʋd ba a yembr sẽn yũ reezẽ rãam ka tog n kẽ pʋgẽ zakã pʋg ye.

Maan‑kʋʋre 10:9

«Foom ne f kom-dibli wã sã n wa n dat n kẽ sɛk roogã pʋga, bɩ y ra yũ reezẽ rãam, wall bõn-yũudl sẽn yilimd neng ye. Sã n ka rẽ, yãmb na n kiime. Bõn-kãngã na n yɩɩ no-tũudg sẽn ka sɛta, yãmb yagensã fãa yĩnga.

A Miise 2:11

Ned sã n yik a meng yĩng n yagd zĩrẽ n yeele: «Yãmb sã n kõ maam reezẽ rãam la rã-toos tɩ m yũ, mam na n togsa pĩnd-n-bãngr goam y yĩnga» yaa nin-kãng soabã n tog ne yãmba.

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

A Miise 3:5

Ad Sẽn-Ka-Saab sẽn yet no-rɛɛsdb nins sẽn tudgd mam nebã: «B sã n kõ bãmb tɩ b rɩ, b yetame tɩ yell kae ye. La b sã n ka kõ bãmb tɩ b rɩ, bãmb yikda zabr ne a soabã.

Malasi 1:10

Ãnda n be yãmb sʋkã, n na n pag Wẽnd doogã kʋɩlemse, tɩ yãmb ra leb n yõgen bugmã mam tẽn-kugrã zug zaalem? Mam sũur ka noom ne yãmba, la y kũunã me ka tat mam yam ye. Maam a Saasẽ-Pãng-Soabã n yeele.

A Matiye Sõng 21:13

La a Zeezi yeel-b lame: «A gʋlsame tɩ b na n boola mam doogã tɩ pʋʋsg roogo.» La yãmba, yãmb maan-a lame t'a lebg wagda geongo.

Tʋʋma 20:33

Mam ka maan sũ-kiir ne ned ligdi, wall a sãnem, wall a fut ye.

Rom Dãmba 16:18

Bala, neb a woto ka tʋmd tõnd Zu-soabã, Kiris yĩng ye, yaa b mens pʋs yĩnga. B belsda neb nins sẽn ka yamã ne gom-noodo la ne pẽgre.

Efɛɛz Rãmba 5:18

Da tɩg-y ne rãam ye, yõwã sãamda neda. Pid-y ne Wẽnnaam Sɩɩgã.

1Tesalonik Rãmba 5:14

D Ba-biisi, tõnd bõosda yãmb tɩ y keoog neb nins sẽn vɩ yaarã, la y paas neb nins raood sẽn boogã raoodo, la y tebel pãn-komsem dãmba, la y maan sũ-mar ne nebã fãa.

1 Tɩmote 3:8

Yel-gɛtb me tog n yɩɩ neb sẽn zems waoogre, la sɩd dãmba. B ka tog n yɩ neb sẽn yũud rãam wʋsgo, wall sẽn maand zãmb n baood ligd ye.

2 Tɩmote 3:2

Bala, nebã na n yɩɩ beed-rãmba, ligd-noangdba, yʋ-baoodba, wilg-m-mens rãmba, wẽn-paoogdba, ba-rãmb kɩɩsdba, zɩ-beoog-rãmba, neb toog sẽn ka be ne sõmblem,

A Titi 1:11

F tog n kɩtame tɩ b sĩndi. Bãmb lubda zags zãnga n zãmsd nebã bũmb sẽn ka zems ye, n baood paoong ne zãmbo.

A Titi 1:7

Sɩd me, togame tɩ karen-saamb sẽn yaa Wẽnnaam tʋʋma yel-gɛtã yɩ ned sẽn ka tar yell ye, karen-saamb ka tog n yɩ tɩta-neda la sũur sẽn yikd tao-tao ye, a ka tog n yɩ rã-yũuda, a ka tog n yɩ zab-zabda la ned sẽn baood paoong ne zãmb ye.

A Titi 2:3

Wilg pʋg-yãansã me tɩ b tog n paama yel-manesem sẽn yaa sõama, tɩ b ka tog n yɩ nin-sãbsdba, wall rã-yũudb ye. Bãmb tog n kõo

A Titi 3:2

Tɩ b ra gom ned wẽng ye, tɩ b ra yɩ zab zabdb ye, la b yɩ neb sẽn baood laafɩ, sẽn nong nebã, n maand sũ-bʋgsem ne nebã fãa.

Ebre rãmba 13:5

Bɩ y mao tɩ da yɩ ligdã nonglem n kɩtd tɩ yãmb maand y sẽn maandã ye. Maan-y sũ-noog ne bũmb nins y sẽn tar moasã wã, bala Wẽnnaam meng yeelame yaa: Mam ka na n bas foom f yembr ye, la m ka na n loog n bas foom ye.

Zake 4:1

Maoorã ne zabã sẽn be yãmb sʋkã yita yɛ, sã n ka yãmb datem sẽn maood ne taab yãmb yĩngã wil pʋsẽ wã pʋgẽ?

1 Pɩyɛɛr 5:2

Rɩlg-y Wẽnnaam piisã sẽn be ne yãmbã. La ka ne modgr ye, yaa ne yamleoogo wa sẽn zems Wẽnnaam daabã. La ka paoong ratem yĩng ye, yaa ne sũur sẽn yaa sõama.

2 Pɩyɛɛr 2:3

Bãmb rat-wʋsgã yĩnga, b na n belga yãmb ne sɩlem goam n fã yãmba. La bãmb sɩbgrã sɩnga hal daar zãr n watẽ, la bãmb sãoongã ka na n vaal ye.

A Zʋʋde 1:11

Bãmb na paam toogo, bala, b tũu a Kaẽ sorã, bãmb kẽesa b mens a Balaam tudgrã pʋgẽ, yaood yĩnga. La bãmb sẽn kɩɩs wala a Koore wã, b sãamame.

Vẽnegre 1:9

Maam a Zã sẽn yaa yãmb ba-biigã, la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zeezi tũudmã pʋgẽ wã, mam dag n bee Patmoos sẽn yaa tẽng koom sẽn gũbgi, Wẽnnaam goamã la a Zeezi kasetã yĩnga.

1 Sãmwɛlle 8:3

A Samwɛll kambã ka rɩk a Sãmwɛll naoor ye. Bãmb dag n nonga kũuni, b rag n deegda kũuni, la b kaood bʋʋdã kɛga.