1 Tɩmote 3:2 - WẼNNAAM SEBRE 2014

² Dẽ yĩnga, yaa tɩlɛ tɩ karen-saamb yɩ ned sẽn ka tar rõadga, pʋg-yend sɩda, ned sẽn gũusd ne a yel-manesem, sẽn tar yam n tõe n tagse, ned sẽn zems waoogre, sẽn maand sãamba sãando, ned sẽn tõe n zãms neb a taaba.

SEBR SÕNGO

² Kãsem-soab me ra maan bũmb sẽn na n wa ne a wɩdg ye; a yɩ ned sẽn kẽ kãadem vugr bala, ned sẽn ka mi yão-beedo, n mi gũusgu, n ka mi ned paoogr ye, n mi zemsgo, n mi gãag-sobendo, n tõe n zãms a taaba.

KÃAB-PAALGÃ KOE-NOOGO

² Dẽ yĩnga, yaa tɩlɛ tɩ karen-saamb yɩ ned sẽn ka tar rõadga, pʋg-yend sɩda, ned sẽn gũusd ne a yel-manesem, sẽn tar yam n tõe n tagse, ned sẽn zems waoogre, sẽn maand sãamba sãando, ned sẽn tõe n zãms neb a taaba.

1 Tɩmote 3:2 Iomraidhean Croise

A Ezayi 56:10

Israyɛll tẽn-gũudbã fãa yaa zoense, la b ka mi baa fɩ. Bãmb yaa wa baas sẽn yaa mugsi, n ka tõe n wes ye. Bãmb zãmsdame, bãmb tʋʋmd yaa gãaga, bãmb nonga gõeem.

A Luk Sõng 1:6

Bãmb b yiibã fãa dag n yaa nin-tɩrs Wẽnnaam nifẽ, la b da sakda Zu-soabã tõodã la b noyã fãa sõama.

A Luk Sõng 2:36

Wẽnnaam no-rɛɛs-poak a ye n dag n be be. A yʋʋr la a Ãnde, a Fanuwɛll bi-pugla, n yaa a Azɛɛr buudu. A ra kʋʋla wʋsgo. A zĩnda ne a sɩdã yʋʋm a yopoe a pʋg-sademd wakate,

Rom Dãmba 12:13

Sõng-y nin-tũusdsã sẽn dat sõngrã. Mao-y n maand-y sãambã sãando.

Filip rãmba 2:15

Tɩ yãmb na yɩ neb sẽn ka tar yelle, la sẽn yaa yɩlma. Tɩ yãmb na yɩ Wẽnnaam kamb sẽn ka tar rõadg ye, zamaan‑kãnga nebã sẽn sãam la sẽn yaa wẽnsã sʋka, yãmb yãgda bãmb sʋk wa vẽenem dũniyã pʋga,

1 Tɩmote 3:12

Yel-gɛt tog n yɩɩ pʋg-yend sɩda, la a tog n gesa a kambã ne a zaka rãmb yell sõama.

1 Tɩmote 3:8

Yel-gɛtb me tog n yɩɩ neb sẽn zems waoogre, la sɩd dãmba. B ka tog n yɩ neb sẽn yũud rãam wʋsgo, wall sẽn maand zãmb n baood ligd ye.

1 Tɩmote 4:3

B yeta nebã tɩ b da yi kãadem ye, la b bas rɩɩb kẽer n da rɩ ye, tɩ Wẽnnaam yaool n naan rɩ-kãens tɩ neb nins sẽn maand sɩda la sẽn mi sɩdã na rɩ ne bark pʋʋsgo.

1 Tɩmote 5:10

tɩ nebã fãa miẽ t'a wuba kamba, n maan sãambã sãando, n pegs nin-sõamyã nao wã, la a sõng neb nins sẽn be yel-pakr pʋgẽ wã, la a bao tɩ maan tʋʋm-sõng buudã fãa.

1 Tɩmote 5:22

Da yãg n tigs nebã ne f nus n kẽes-b Wẽnnaam tʋʋmdẽ wã ye, la f ra naag ned a yel-wẽnd maanegẽ ye. Fo mengã, tall f meng ne sõmblem.

1 Tɩmote 5:9

Pʋg‑kõor b sẽn tõe n gʋls a yʋʋr pʋg‑kõapã sebr zug tog n tara yʋʋm sẽn tat pis-yoobe, la a yɩ rao a yembr tãa paga,

2 Tɩmote 2:24

Wẽnnaam tʋmtʋmd yaool n ka tog ne zab ye, a tog n tara nonglem nebã fãa yĩnga, la a tar zãmsg ne zɩɩb tʋkr kũuni.

A Titi 2:2

Zãms nin-kẽembã tɩ b yɩ yõk-m-mens-rãmba, la b yɩ neb sẽn tar waoogre, la b yɩ mi-m-mens-rãmba, la b yɩ sõama tẽebã pʋga la nonglem pʋga, la b yɩ sũ-maasem-dãmba.

Ebre rãmba 13:2

Da yĩm-y tɩ maan sãambã sãand ye. Bala, neb kẽer sẽn maan woto, b reega malegs b zagsẽ n ka bãng ye.

Ebre rãmba 3:14

Bala, b kɩtame tɩ tõnd lebg Kirisã tũud-n-taase, la yaa tõnd sẽn na n kell n tall d pipi pel-kɛgengã kãenkãe,

1 Pɩyɛɛr 4:7

Bũmb fãa sɛɛb wakat kolgame. Dẽ wã yĩnga, yɩ-y neb sẽn tar yam la gũus-m-mens-rãmba, n kẽng taoor ne pʋʋsgo.

1 Pɩyɛɛr 4:9

Maan-y taab sãando, tɩ yẽgeng kaẽ ye.

1 Pɩyɛɛr 5:8

Yɩ-y neb sẽn tar yam! Gũus-y-yã! Yãmb bɛyã sẽn ya a Sʋtãan gõodame n kelemd wa gɩgemde, n baood a sẽn tõe n paam a soab n sãame.