1 Tɩmote 3:16 - WẼNNAAM SEBRE 2014

¹⁶ Ned ka tõe n kɩɩs tɩ wẽn-tũudbã yel-soalmã ka bõn-kãseng ye. Kirisi, soab ning sẽn dɩk yĩng tɩ neb yãnd-a wã, soab ning Sɩɩg-sõng sẽn kɩs a kaset-sõngã, b puka b meng ne malegsã, neb moona b yellã buud toay-toayã sʋka, la tẽng zug ka, neb tẽ-b lame, la b paama zẽkre, la ziiri.

SEBR SÕNGO

¹⁶ Sã n ya sɩda, tõnd tẽeba pida ne yel-soalma: ad Wẽnd Biig sẽn dogd ne ninsaal yĩnga; ad Wẽnd Vʋʋsem sẽn wat ne b sõmblem kaseto; ad malɛk rãmb sẽn gũbg-ba, ad bu-zẽmb sẽn paam b kibare; ad ninsaalb buud fãa sẽn tẽed-ba; ad-b sẽn dʋʋd yĩngr ne ziiri.

KÃAB-PAALGÃ KOE-NOOGO

¹⁶ Ned ka tõe n kɩɩs tɩ wẽn-tũudbã yel-soalmã yaa bõn-kãseng ye. Kirist, soab ning sẽn dɩk yĩng tɩ neb yã-a wã, soab ning Sɩɩg-sõng sẽn kɩs a kaset sõngã, b puka b meng ne malegsã, neb moona b yellã buud toay-toayã sʋka, la tẽng zug ka, neb tẽ-b lame, la b paama zẽkre, la ziiri.

1 Tɩmote 3:16 Iomraidhean Croise

A Ezayi 7:14

Rẽ kɩtame tɩ Zu-soabã meng na n kõ yãmb bãnde. Ade, pa-kuil na n dɩka pʋga, n dog bi-ribla, n pʋd a yʋʋr t'a Emanuwɛlle, sẽn dat n togs tɩ ‹Wẽnd-be-ne-do.›

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

A Miise 5:2

Yaa rẽ n kɩt tɩ Sẽn-Ka-Saab na n bas Israyɛll nebã, hal tɩ pag ning sẽn na n dog-a wã roge. Dẽ poore, yẽnda saam-biisã sẽn kellã, na n lebg n leba Israyɛll nebã nengẽ.

A Matiye Sõng 1:23

Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ ‹Wẽnd‑be‑ne‑do.›

A Matiye Sõng 13:11

A Zeezi leok-b lame n yeele: B kõo yãmb tɩ tõe n bãng arzãn soolmã yel-soalem võore, la b ka kõ bãmb ye.

A Matiye Sõng 28:2

La gese, tẽn-digimdg kãseng zĩndame. Bala, Zu-soabã malɛɛk yii arzãn n sigi, n wa bilg kugrã n zĩnd a zugu.

A Matiye Sõng 3:16

A Zeezi sẽn paam lisg n sa, b yii koomẽ wã. La gese, yĩngr pakame, la bãmb yãnda Wẽnnaam Sɩɩg sẽn wẽnd wall t'a sigd bãmb zugu.

A Matiye Sõng 4:11

Dẽ, sʋtãana basa a Zeezi, la malegs waame n sõng bãmba.

A Mark Sõng 1:13

Bãmb paa be rasem pis-naas tɩ Sʋtãanã mak bãmba. B rag n bee be ne we-rũmsi, la malɛɛk-rãmb n dag n sõngd bãmba.

A Mark Sõng 16:19

Zu-soab a Zeezi sẽn gom woto n sɛ, dẽ Wẽnnaam zẽka bãmb n kẽng arzãna, la bãmb zĩnda Wẽnnaam nug‑rɩtgo.

A Mark Sõng 16:5

Bãmb sẽn kẽ yaoogẽ wã, b yãnda bi-bɩɩg t'a zĩ rɩtgo n yer fu-pɛɛlga, la b yɛɛsame.

A Luk Sõng 2:32

A yaa vẽenem sẽn vẽnegd bu-zẽmse, la a yaa Israyɛll sẽn yaa yãmb nebã ziiri.

A Luk Sõng 20:44

Dẽ, a Davɩɩd boonda bãmb tɩ Zu-soaba, woto bãmb na n yɩɩ a wãn n yaa a yagenga?› »

A Luk Sõng 22:43

Dẽ, malɛɛk yii arzãn n puk a meng ne bãmb n paas bãmb pãnga.

A Luk Sõng 24:4

Bãmb sẽn dag n ka mi b sẽn tagsd tɩ bũmb ningã, ade, raop a yiib sẽn yer fut sẽn pɩnd puka b meng ne bãmba.

A Luk Sõng 24:51

La barkã ningr wakate, a Zeezi basa karen-biisã n zẽk n kẽng arzãna.

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba nengẽ, la b pida ne bark la sɩda.

A Zã Sõng 13:3

A Zeezi sẽn mi tɩ b ba wã ninga bũmb fãa bãmb nugẽ, la b mi tɩ bãmb yii Wẽnnaam nengẽ n wa, la tɩ b leb n lebda beenẽ wã,

A Zã Sõng 15:26

Sõangdã mam sẽn na n deeg m ba nengẽ n tʋm yãmbã, sɩd Sɩɩgã sẽn yit m ba pʋgẽ wã sã n wa, b na n kɩsa mam kaseto,

A Zã Sõng 16:28

Mam yii Wẽnnaam nengẽ n wa dũniyã pʋgẽ. Moasã, mam yita dũniyã pʋgẽ, la mam dabda m ba nengẽ.

A Zã Sõng 17:5

Dẽ, moasã, m ba, waoog-y maam y meng nengẽ ne ziir ning mam sẽn dag n tar yãmb nengẽ sẽn deng dũni belmã.

A Zã Sõng 20:12

la a yãnda malegs a yiib sẽn yer fu-peelse, n zĩ zĩig ning b sẽn dag n gãneg a Zeezi wã. A yembr dag n zĩi zugã zĩigẽ, t'a yembr zĩ nao wã zĩigẽ.

A Zã Sõng 6:62

La yãmb sã n yãnd Ninsaal Bi-riblã t'a zẽkd n lebd a sẽn dag n beẽ wã, na n yɩɩ a wãna?

Tʋʋma 1:19

La Zeruzalɛm tẽngã nebã fãa wʋma bõn-kãnga. Rẽ n kɩt tɩ b pʋd pʋʋgã yʋʋr ne b buudã goam tɩ «Hakeldama» sẽn dat n togs tɩ zɩɩm pʋʋgo.

Tʋʋma 10:34

Dẽ, a Pɩyɛɛr gomame n yeel yaa: Moasã, mam sɩd bãngame tɩ Wẽnnaam ka tũusd neb ye.

Tʋʋma 14:27

La b sẽn ta Ãntiyoose, b tigma a Zeezi tẽedbã fãa n togs-b Wẽnnaam sẽn tall bãmb n maan bũmb nins fãa wã. La sẽn yɩ to-to tɩ Wẽnnaam pak sor tɩ bu-zẽmsã me tõe n tẽ wã.

Tʋʋma 20:28

Dẽ wã, gũus-y y mense, la y ges piis nins fãa Sɩɩg-sõng sẽn kõ-y tɩ y gũ wã yelle. Rɩlg-y Zu-soabã tẽedbã b sẽn da ne b biigã zɩɩmã.

Rom Dãmba 10:12

Sɩd me, welgr ka be Zʋɩf ne Gɛrk sʋk ye: B fãa tara Zu-soab a yembr sẽn maand neb nins fãa sẽn boond bãmbã neer wʋsgo.

Rom Dãmba 10:18

La mam sokdame tɩ b ka wʋm la? B wʋm yã! Bãmb koɛɛg saaga tẽn-tõrã, la bãmb goamã taa dũni tɛk fãa.

Rom Dãmba 16:25

Bɩ soab ning sẽn tar-a pãn-tõog tɩ kɩt tɩ yãmb yals kãenkãe wa koe-noogã mam sẽn moondã sẽn yetã, wa sẽn zemsd ne yel-solemdã pukri, yel-solemd ning sẽn dag n solg hal sɩngr wẽndẽ wã.

Rom Dãmba 16:26

La moasã, Wẽnnaam no-rɛɛsdbã pĩnd-n-bãngr goamã sɛb puk-a-la wa Wẽnnaam sẽn ka sɩngr kõn zĩnd saabã sẽn yeelã, n wilg soolem-dãmba fãa nebã, tɩ b tõe n sak tẽebã.

Rom Dãmba 3:4

Yaa vẽeneg tɩ ayo. Nebã tog n bãngame tɩ baa ninsaalbã fãa sã n yagda zĩrẽ, Wẽnnaam yaa sɩd-soaba, wa b sẽn gʋlsã: Tɩ ne yãmb goamã, b na mik tɩ yãmb yaa tɩrga, la tɩ yãmb bʋʋda kaoob wakate, bɩ y paam tõogre.

Rom Dãmba 8:3

Bala, Wẽnnaam sẽn tʋm b meng Bi-riblã ne yĩng sẽn wẽnd yel-wẽnã rẽndã, yaa yel-wẽnã yiisg yĩnga. Bi-riblã zĩnda b yĩngã pʋgẽ n wilg tɩ yel-wẽnã ka sõama ye. La tõogã ka tõe rẽnda ye. Bala, yĩngã kɩtame t'a ka pãng ye.

Rom Dãmba 9:5

Sã n yaa ne yĩng yelle, yaa bãmb n dog Kirisã, soab ning sẽn yɩɩd bũmba fãa, n yaa Wẽnnaam sẽn yaa bark soab wakat sẽn ka sɩngr n kõn zĩnd saabã. Ãmina!

1 Korẽnt rãmba 15:47

Pipi raoã b sẽn yãk tẽng tom n naanã yaa tẽng bũmbu. La yiib soabã yita arzãna.

1 Korẽnt rãmba 2:7

Tõnd moonda Wẽnnaam yam sẽn yaa yel-solemde la sẽn solge, tɩ Wẽnnaam pĩnd n segl hal sẽn deng zamaan sɩngre, tõnd waoogr yĩnga.

2 Korẽnt rãmba 1:19

Bala, maam ne a Sɩlvẽ la a Tɩmote sẽn da moon Wẽnnaam bi-ribl a Zeezi Kiris koɛɛg yãmb sʋka ka yɩ n-yẽe la ayo ye, la a Zeezi pʋgẽ, yaa n-yẽe bal n be.

Galat Rãmba 2:8

(bala, ned ning sẽn tʋm a Pɩyɛɛr pʋgẽ n kɩt t'a lebg Zʋɩf‑rãmbã tẽn-tʋmdã, nin‑kãng me n tʋm mam pʋgẽ bu-zẽmsã yĩnga).

Galat Rãmba 4:4

La wakat sẽn ta, Wẽnnaam tʋma b bi-riblã tɩ pag rog-ba, n dog-b tõogã pʋgẽ,

Efɛɛz Rãmba 1:9

Wẽnnaam kɩtame tɩ tõnd bãng bãmb datmã yel-solemde, a wa sẽn zems yam-yãkr ning b sẽn da pĩnd n yãk Kiris pʋgẽ wã.

Efɛɛz Rãmba 6:19

la mam me yĩnga. Pʋʋs-y Wẽnnaam tɩ wakat ning fãa mam sẽn na n yaag m noor n na n gome, bɩ b kõ maam gomd sẽn na kɩt tɩ nebã bãng koe-noogã yel-solemdã võore, la tɩ m na gom ne raoodo.

Kolos Rãmba 1:23

Yãmb sã n sɩd pa tẽebã pʋgẽ, la y kɩ yẽg n yals kãenkãe tɩ bũmb da wa n zãag yãmb ne koe-noogã tẽeb pidsg gũudum ning yãmb sẽn wʋma, sẽn yaa koe-noog ning b sẽn moon ninsaalbã fãa sẽn be dũniyã zugã, koe-noog ning maam a Poll sẽn lebg a tʋmtʋmdã.

Kolos Rãmba 1:27

Wẽnnaam n tʋlg n kɩt tɩ b nebã bãng yel-solem-kãngã arzɛkã sẽn tar ziir bu-zẽmsã sʋkã, dat n togs tɩ Kiris sẽn be yãmb pʋsẽ wã, b na n pidsa tẽeb gũudum ning sẽn yaa ziirã.

Kolos Rãmba 1:6

Koe-no-kãng taa yãmb nengẽ. A sẽn womd biis la a kẽngd taoor to-to dũniyã tɛk fãa wã, a maanda a woto me yãmb nengẽ hal sẽn sɩng ne daar ning yãmb sẽn wʋm la y bãng Wẽnnaam barkã wa sẽn zems sɩda,

Kolos Rãmba 2:2

Mam maoodame tɩ b sũyã tõe n paam belsgo, tɩ b tõe n lagem taab nonglem pʋgẽ n paam yam n bãng sɩd-sɩda, n bãng Wẽnnaam yel-sõmdã sẽn yaa Kirisã.

2Tesalonik Rãmba 1:10

wakat ning Zu-soabã sẽn na n wa tɩ neb nins bãmb sẽn so wã waoog bãmb da-kãnga, tɩ neb nins sẽn tẽed bãmbã na ges bãmbã. La yãmb yaool n tẽe kaset ning tõnd sẽn kɩsã.

2Tesalonik Rãmba 2:7

Bala, yel-wẽnã yel-soalem zoe n tʋmdame, la yaa tɩlɛ tɩ ned ning sẽn gɩdg-a wã deng n looge.

1 Tɩmote 3:9

Bãmb tog n talla tẽeb sɩd koɛɛgã sẽn pukã kãenkãe, ne sũur kaset sõngo.

Ebre rãmba 1:3

Bi-ribl‑kãng sẽn yaa b ba wã ziir yãgbã, la b ba wã yalẽ pukrã n zãad bũmbã fãa ne b gomd sẽn tar pãngã. Bãmb sẽn yɩlg nebã n yiis b yel-wẽnã n sa, b zĩnda naab a Wẽnd dɩtg hal saasẽ.

Ebre rãmba 12:2

n get a Zeezi sẽn yaa tõnd tẽebã sɩngd la a taasdã. Bãmb basa sũ-noog ning b sẽn yet tɩ b na n kõo bãmbã, n sak da-pɩkã n ka zoe yãnd ye, la b zĩi Wẽnnaam geerã rɩtgo.

Ebre rãmba 7:7

Nokoeemd kae tɩ yaa sẽn yɩɩd-a wã n ningd sẽn ka ta-a yẽnda wã zug barka.

Ebre rãmba 8:1

Ade, tõnd koɛɛgã d sẽn gomdã yẽgr la woto: Tõnd tara maan-kʋʋd kãsem sẽn zĩnd Wẽnnaam rĩungã geer dɩtgo, saasẽ.

1 Pɩyɛɛr 1:12

La Wẽnnaam vẽnega b no-rɛɛsdbã tɩ b bãng tɩ bãmb sẽn deeg koɛɛg ningã ka bãmb mens yĩng ye, la yaa yãmb yĩnga la b ya bõn-kãens tʋmtʋmdba. Moasã, neb nins sẽn moon yãmb koe-noogã togsa yãmb bõn-kãens ne Sɩɩg-sõng sẽn yi arzãnã pãnga, la baa malegsã mens datẽ lame n wʋm a võore.

1 Pɩyɛɛr 1:20

tar bãnde, Wẽnnaam dag n pĩnd n yãka Kiris sẽn deng dũni naanego, la b waa yãmb yĩnga, yaoolem zamaana pʋgẽ.

1 Pɩyɛɛr 1:21

Kiris maasem yĩnga, yãmb tẽeda Wẽnnaam ning sẽn vʋʋg-a Kiris n bas kũum la b kõ-b waoogrã. Sẽn na yɩl tɩ yãmb tẽebã ne y teegrã zĩnd ne Wẽnnaam.

1 Pɩyɛɛr 3:18

Sɩd me, Kiris me kii vugr bal yel-wẽnã yiisg yĩnga. Bãmb sẽn yaa nin-tɩrgã, b kii ka-tɩrlem dãmbã yĩnga, sẽn na yɩl n tall yãmb n ta Wẽnnaam nengẽ. B kʋʋ bãmb yĩngã, la Sɩɩg-sõng leb n kõo bãmb vɩɩm.

1 Pɩyɛɛr 3:22

A Zeezi Kiris zɛk n bee arzãna, n be Wẽnnaam dɩtgo, la malɛɛk-rãmbã ne pãn-soaadbã, la pãens rãmbã sakda bãmba.

1 Zã 1:2

b puk-a lame tɩ tõnd yã. Yaa rẽ yĩngã, tɩ tõnd kõt yãmb koe-kãng kaseto, la d togsd yãmb vɩɩm sẽn kõn sa wã koɛɛg sẽn dag n be tõnd Ba nengẽ, tɩ b vẽneg-a ne tõndã.

1 Zã 3:5

La yãmb miime t'a Zeezi waame n na n yiis yel-wẽnã, la yel-wẽnd ka tol n be bãmb pʋgẽ ye.

1 Zã 3:8

Ned ning sẽn maand yel-wẽn yaa sʋtãanã neda, bala sʋtãanã sɩng n maanda yel-wẽn hal sɩngr wẽndẽ. Wẽnnaam Bi-riblã waame n na n sãam sʋtãanã tʋʋmã.

Vẽnegre 17:5

Yʋʋr n da gʋls pagã rĩirẽ, yaa yel-solemde: Babilond kãsengã, dũni pʋg-yoaadbã ne tʋʋm-wẽns ma.

Vẽnegre 17:7

La malɛɛkã soka maam yaa: Bõe yĩng tɩ yaa lingr ne foom? Mam na n togsa foom pagã ne rũng ning sẽn zɩt yẽnda, n tar zut a yopoe ne yɩɩl piigã yel-solemdã.

Vẽnegre 7:9

Dẽ poore, mam gesame, la mam yãnda neb kʋʋng ned sẽn ka tõe n sõd n sɛ ye. Bãmb yii soolem dãmbã fãa pʋse, buud toay-toayã fãa pʋse, tẽms toay-toayã fãa pʋse, la sẽn gomd goam buud toay-toayã. Bãmb dag n yera fu-peelse, la b zãad koms vãad b nusẽ n yas geerã taoore, la pe-bilã taoore.