1 Tɩmote 2:3 - WẼNNAAM SEBRE 2014

³ Yaa woto n be neer Wẽnnaam nifẽ, la a noom bãmb sẽn yaa tõnd fãagdã.

SEBR SÕNGO

³ Dẽ me n be yõodo la a tat Wẽnnaam, d Fãagda, yam.

KÃAB-PAALGÃ KOE-NOOGO

³ Yaa woto n be neer Wẽnnaam nifẽ, la a noom bãmb sẽn ya tõnd fãagdã.

1 Tɩmote 2:3 Iomraidhean Croise

A Ezayi 45:21

Togs-y yellã! Wa-y n yals-y taoor n gom n yiis y menga! Bɩ b fãa tigim n yẽs ne taaba! Ãnda soab n kɩt tɩ b wʋm bõn-kãng hal kʋdem-wẽndẽ, la a sɩng n togs bõn-kãng hal pĩnda? Ka maam a Sẽn-Ka-Saab la? Sã n ka maam, Wẽnnaam a to ka be ye. Sã n ka maam, Wẽnnaam sẽn yaa tɩrg n yaa fãagd ka be ye. Wẽnnaam a to ka tol n leb n beẽ ye.

A Luk Sõng 1:47

la mam sũur pida ne sũ-noogo, mam fãagd a Wẽnnaam yĩnga.

Rom Dãmba 14:18

Ned ning sẽn maand Kiris tʋʋmd a woto tata Wẽnnaam yam, la nebã me wilgdame t'a sẽn maandã zemsame.

Filip rãmba 1:11

n pid ne tɩrlem biis sẽn yit a Zeezi Kiris nengẽ, Wẽnnaam waoogre la b pẽgr yĩnga.

Filip rãmba 4:18

Mam deega fãa la m tara wʋsgo. Mam sẽn deeg bũmb nins yãmb sẽn tʋm a Epafordit t'a kõ maamã, mam tarame tɩ sek n gɩmbe. Kũun-kãens yaa wa kaam sẽn tar yũ-noogo, la maoong Wẽnnaam sẽn deegda la sẽn tat bãmb yam.

Kolos Rãmba 1:10

Kɩt-y tɩ y kẽnã waoogd Zu-soabã, tɩ y tõe n ta bãmb yam bũmb fãa pʋgẽ, la y wom biis ne tʋʋm‑sõama buud fãa, la y bɩ Wẽnnaam bãngr pʋgẽ.

1Tesalonik Rãmba 4:1

Yaoolem bũmbu, m ba-biisi, yaa tɩ yãmb zãmsa tõnd nengẽ n bãng y sẽn tog n kẽn to-to n ta Wẽnnaam yam, la y pʋs n maanda a woto. Moasã, tõnd kota yãmba, n bõosd yãmb ne Zu-soab a Zeezi yʋʋr tɩ y maan neer n yɩɩd a woto.

1 Tɩmote 1:1

A Polle, a Zeezi Kiris tẽn-tʋmda, a wa sẽn zems ne Wẽnnaam sẽn yaa tõnd fãagdã raabo, la sẽn zems ne a Zeezi Kirisã, tõnd tẽeb sẽn be ne a soabã noore,

1 Tɩmote 4:10

Tõnd tʋmdame, la d maoodẽ, bala, tõnd saagr bee ne Wẽnnaam sẽn vɩ la sẽn yaa nebã fãa fãagda, la Kiris tẽedbã fãagd n yɩɩda.

1 Tɩmote 5:4

Pʋg‑kõor sã n tar kamb bɩ yagense, bɩ kom-kãens zãms tɩ reng n zoe b meng yirã rãmb nimbãanega, n lebs bãmb bũmb nins b sẽn dag n ges bãmb yell ne wã, bala, manesem-kãng nooma Wẽnnaam.

2 Tɩmote 1:9

Yaa bãmb n fãag tõndo, la b bool tõnd bool-sõngo. La ka tõnd tʋʋm yĩng ye, yaa bãmb mengã tʋlsem la bark ning b sẽn maan tõnd a Zeezi Kiris pʋgẽ hal sẽn deng wakat sẽn ka sɩngrã wakatã yĩnga.

Ebre rãmba 13:16

Baoosgo, da yĩm-y maan-neer la kũun ye, bala yaa maand a woto buud la Wẽnnaam nonga.

1 Pɩyɛɛr 2:20

Sɩd me, yãmb sã n sak tɩ b nams yãmb y sẽn maan yel-wẽnd yĩnga, bõe waoogr n be be? La yãmb sã n maan tʋʋm sõama n sak namsg bõn-kãens yĩnga, yõwã bee bark Wẽnnaam taoore.

1 Pɩyɛɛr 2:5

La yãmb mens sẽn wẽnd kug-vɩɩsã, me-y y mens tɩ yɩ Sɩɩg-sõng roogo, la maan-kʋʋdb sẽn yaa sõama, n kõt Wẽnnaam maoong sẽn yaa Sɩɩg-sõng rẽnda, sẽn tat Wẽnnaam yam a Zeezi Kiris maasem yĩnga.