1 Tɩmote 2:2 - WẼNNAAM SEBRE 2014

² rĩm-dãmb yĩnga, neb nins fãa sẽn so naamã yĩnga, tɩ tõnd tõe n vɩ ne laafɩ la bãane, ne Wẽnnaam sakre, la ne waoogre.

SEBR SÕNGO

² dĩm dãmba, taoor dãmb fãa yĩnga; woto la d vɩɩma yɩt laafi vɩɩm, vɩɩm sẽn be yamleoogo la a tar waoore.

KÃAB-PAALGÃ KOE-NOOGO

² rĩm-dãmb yĩnga, neb nins fãa sẽn so naamã yĩnga, tɩ tõnd tõe n vɩ ne laafɩ la bãane, ne Wẽnnaam sakre, la ne waoogre.

1 Tɩmote 2:2 Iomraidhean Croise

2 Sãmwɛlle 20:19

Tõnd tẽngã bee Israyɛll tẽms nins sẽn tar-b laafɩ la pʋ-peelem n tɩ yɩɩdã sʋka. La yaa bõe tɩ yãmb baood n sãam tẽng sẽn yaa wa ma Israyɛll soolmã pʋgẽ? Yaa bõe tɩ y rat n sãam tẽng ning Sẽn-Ka-Saab sẽn so wã?»

Esdras 6:10

Rẽndã yaa sẽn na n sõng-b tɩ b paam kũun n maan maand sẽn yõogd bugum t'a yũugã yaa noog Saasẽ Wẽnnaamã yĩnga. Dẽ, bãmb na n pʋʋsa Wẽnnaam, dĩmã ne a kom-dibli wã vɩɩm yĩnga.

A Neemi 1:11

Dẽ wã yaa Zu-soaba, m kot-y lame tɩ y kɩll y tʋbr n kelg m pʋʋsgã, la y kelg y tʋmtʋmdbã sẽn tar datem tɩ zoe yãmb yʋʋrã pʋʋsgo! Zu-soaba, kɩt-y tɩ mam sẽn dat n maan bũmb ning rũndã wã tõoge, la y kɩt tɩ rĩmã sak n zoe mam nimbãanega, n leok m kosgã. Wakat-kãnga, mam dag n yaa rĩmã bõn-yũudl kɩta.

Yɩɩn‑sõamyã 72:1

A Salmo yɩɩlle. Wẽnnaam, kõ-y rĩmã yam t'a kao bʋʋd tɩrga, la y kõ rĩmã kamb y tɩrlmã!

Yelbũna 24:21

M biiga, zoe Sẽn-Ka-Saabo, la f zoe rĩma, la f ra naag neb nins sẽn baood tɩ yɛlã fãa tegsã ye.

Zeremi 29:7

Bao-y tɩ vɩ-bãan zĩnd tẽng ning mam sẽn kɩt tɩ b tall yãmb n kẽngã pʋgẽ, la y pʋʋs Sẽn-Ka-Saab a yĩnga, bala tẽngã sã n zĩ bãane, yãmb me na n zĩnda bãane.

A Luk Sõng 1:6

Bãmb b yiibã fãa dag n yaa nin-tɩrs Wẽnnaam nifẽ, la b da sakda Zu-soabã tõodã la b noyã fãa sõama.

A Luk Sõng 2:25

La mik rao a yembr n dag n be Zeruzalɛm n boond t'a Sɩmyõ. Rao-kãng dag n yaa nin-tɩrga, la a sakda Wẽnnaam. Yẽnda dag n gũuda Israyɛll belsgo, la Sɩɩg-sõng dag n bee a zugu.

Tʋʋma 10:22

Bãmb leokame yaa: «Sodaas koabg naab a Korney n tʋm tõndo. Bãmb yaa nin-tɩrga, n zoet Wẽnnaam, la Zʋɩf-rãmbã fãa kɩta bãmb kaset sõngo. Wẽnnaam malɛɛk n sagl-b tɩ b kɩt yãmb wa b yirã, tɩ b kelg bũmb ning yãmb sẽn tar n na n gom ne-bã.»

Tʋʋma 24:16

Yaa woto yĩnga, tɩ mam me maood n dat n paam sũur kaset sẽn yaa sõama Wẽnnaam la ninsaalb taoor daar fãa.

Rom Dãmba 12:18

Sã n tõe, t'a yellã sã n bee ne yãmba, bɩ y kɩt tɩ laafɩ zĩnd yãmb ne nebã fãa sʋka.

Filip rãmba 4:8

Koɛɛg sẽn keta, m ba-biisi, bɩ y tags bũmb nins fãa sẽn yaa sɩda, la bũmb nins fãa sẽn tar waoogre, la bũmb nins fãa sẽn yaa tɩrse, la bũmb nins fãa sẽn be pʋ-peelem, la bũmb nins fãa sẽn zems nonglem, la bũmb nins fãa sẽn tar kaset sõngo, ne bũmb nins sẽn yaa neer zãng n zems pẽgrã yelle.

1Tesalonik Rãmba 4:11

la y vɩ ne taab ne laafɩ, la y ges y mens tʋʋmã yelle, la y tʋm ne y nus wa tõnd sẽn dag n yeel yãmbã, tɩ rẽnda na n yɩɩ yãmb waoogre.

Ebre rãmba 12:14

Bɩ y bao tɩ laafɩ zĩnd yãmb ne nebã fãa sʋka, la y bao pʋ-peelem, tɩ pʋ-peelem sã n kaẽ, ned ka tõe n yã Zu-soabã ye.