1 Tɩmote 1:5 - WẼNNAAM SEBRE 2014

⁵ Sagl-kãng võor yaa nonglem sẽn yit sũ-yolgemd pʋgẽ, la sũ-bãngr sẽn yaa sõama pʋgẽ, la tẽeb sɩd-sɩd pʋgẽ.

SEBR SÕNGO

⁵ M da kos-f la rẽ tɩ m datẽ lame tɩ taab nonglma yɩ pʋ-peelem bũmbu, n ka naag ne zãmbo bɩ tẽeb sẽn kedb ye.

KÃAB-PAALGÃ KOE-NOOGO

⁵ Sagl-kãng võor yaa nonglem sẽn yit sũ-yolgemd pʋgẽ, la sũ-bãngr sẽn ya sõama pʋgẽ, la tẽeb sɩd-sɩd pʋgẽ.

1 Tɩmote 1:5 Iomraidhean Croise

Yɩɩn‑sõamyã 24:4

Yaa ned ning sẽn ka maand-a wẽnga, t'a sũurã yaa yɩlemde. Yaa ned ning sẽn ka yagd zĩrẽ, la a ka wẽend zãmb wẽeneg ye.

Yɩɩn‑sõamyã 51:10

Kɩt-y tɩ m wʋm sũ-noog ne kɩdeng koɛɛga. La kõab nins yãmb sẽn dag n wõrã na n kɩdmame.

Zeremi 4:14

Zeruzalɛm nebã, yiis-y wẽngã y sũyã pʋsẽ, n paam fãagre. Yãmb na n kell n pa y tags-wẽnsã pʋg hal tɩ ta dabʋre?

Sofoni 3:7

Mam dag n yetame tɩ Zeruzalɛm nebã na n zoeẽ-la maam, la b sak m demsgã, woto, mam dag n kõn menesẽ-b ye. La wakat fãa mam sã n sɩbg-ba, b ket n kẽngda taoor ne tʋʋm-wẽnsã maanego.»

A Matiye Sõng 12:35

Nin-sõng yiisda bõn-sõamã a paoon-sõngã pʋgẽ. La nin-wẽng yiisda bõn-wẽns a paoon-wẽngã pʋgẽ.

A Matiye Sõng 5:8

Bark bee pʋ-peelem dãmbã zutu, bala bãmb na n yãnda Wẽnnaam.

Tʋʋma 15:9

Wẽnnaam ka welg tõnd toor ne bu-zẽmsã ye, bala b sẽn tẽ wã yĩnga, Wẽnnaam yɩlga b sũyã.

Tʋʋma 23:1

A Poll gesa kaoreng yɛl-bʋ-bʋʋdbã n yeel yaa: M saam-biisi, mam kẽna Wẽnnaam taoor ne sũur kaset sẽn yaa sõama hal tɩ ta rũndã.

Tʋʋma 24:16

Yaa woto yĩnga, tɩ mam me maood n dat n paam sũur kaset sẽn yaa sõama Wẽnnaam la ninsaalb taoor daar fãa.

Rom Dãmba 10:4

Bala, Kiris yaa tõogã baoosg zĩiga, tɩ ned ning fãa sẽn tẽed na paam tɩrlem.

Rom Dãmba 12:9

Kɩt-y tɩ zãmb da zĩnd nonglem pʋgẽ ye. Kisg-y wẽnga, la y nong sẽn yaa sõama wã sõama.

Rom Dãmba 14:15

Fo ba-biig sũur sã n sãam fo bõn-dɩtl poorẽ, ad fo ka leb n kẽnd ne nonglem ye. Da sak tɩ f bõn-dɩtl wa ne f ba-biiga, soab ning Kiris sẽn ki a yĩngã sãoong ye.

Rom Dãmba 9:1

Mam yeta sɩd Kiris pʋgẽ, mam ka yagd zĩrẽ ye. Mam sũ-bãngrã kɩta maam bõn-kãng kaseto, Sɩɩg-sõng maasem yĩnga.

1 Korẽnt rãmba 13:1

Mam sã n tõog n gomd ninsaalb la malegsã goam buud fãa, mam sã n ka tar nonglem, mam yaa wa waag sẽn maand bʋʋre, wall keoonf sẽn wẽeda.

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

Galat Rãmba 5:22

La Sɩɩg-sõng bilã yaa nonglem, la sũ-noogo, la bãane, la sũ-mare, la sõmblem, la maan-neere, la maan-sɩda, la bʋgsem, la yõk-m-menga.

Galat Rãmba 5:6

Bala, bũmb ning sẽn be yõod Kiris pʋgẽ wã ka bãongã wall moonemã ye, yaa tẽeb sẽn tʋmd ne nonglem.

Yaoolem 10:12

La moasã, Israyɛll nebã, bõe la Sẽn-Ka-Saab rat ne yãmba, sã n ka tɩ y zoe Sẽn-Ka-Saab sẽn yaa yãmb Wẽnnaamã n tũ bãmb soayã, la y nong bãmba, n sak Sẽn-Ka-Saab sẽn yaa yãmb Wẽnnaamã ne y sũyã fãa la ne y yamã fãa,

1 Tɩmote 1:18

M biig a Tɩmote, koɛɛg ning mam sẽn yet foom, a wa sẽn zems bãngr gomdã sẽn gom a yellã, yaa tɩ f zab zab-sõngã wa b sẽn yeelã,

1 Tɩmote 1:19

la f kell n tall tẽeb ne sũur kaset-sõngo. Neb kẽer basa sũur kaset‑kãnga, la ne tẽebã yelle, b yaa wa neb koom sẽn dɩ.

1 Tɩmote 3:9

Bãmb tog n talla tẽeb sɩd koɛɛgã sẽn pukã kãenkãe, ne sũur kaset sõngo.

2 Tɩmote 1:3

Mam pʋʋsda Wẽnnaam ning mam yaab-rãmbã sẽn dag n sakdã, la mam me sẽn sakd ne sũur kaset sẽn yaa yɩlemdã barka. La mam ka basd tɩ pʋd fo yell m pʋʋsg pʋgẽ, wĩntoog ne yʋng ye.

2 Tɩmote 1:5

Mam ket n tẽra tẽeb ning fo sẽn tara, sẽn ka kalem ne zãmbã yelle. Tẽ-kãng dag n zĩnda ne f yaab a Loyiisi, la ne f ma a Eniisi, la mam mii m sũurẽ t'a bee ne foom me.

2 Tɩmote 2:22

Zãag ne yãadem datem wẽnsã, la f bao tɩrlem, la tẽebo, la nonglem, la laafɩ ne neb nins sẽn pʋʋsd Zu-soabã ne sũy sẽn yaa yɩlma.

A Titi 1:15

Bũmba fãa yaa yɩlemd ne neb nins sẽn yaa yɩlma. La neb nins sẽn maand yel-wẽna la sẽn ka Kiris tẽedbã, baa fʋɩ ka yɩlemd ne bãmb ye. Bãmb yamã ne b sũ-bãngrã rẽgmame.

Ebre rãmba 10:22

Woto yĩnga, bɩ d kolg bãmb ne sũur sẽn yaa sɩda, ne tẽeb zãnga, ne sũur sẽn yɩlge tɩ d sũur ka kaood d bʋʋd ye, la ne yĩng sẽn paam soob ne ko-yɩlgemde.

Ebre rãmba 13:18

Pʋʋs-y tõnd yĩnga. Bala, tõnd miime tɩ d sũur kaset yaa sõama, la d tara ratem tɩ d yel-manesmã na yɩ sõama ne nebã fãa.

Ebre rãmba 9:14

Kirisã zɩɩm n yɩɩda. Bãmb sẽn dɩk b meng n kõ Wẽnnaam tɩ rẽgd tosb kaẽ, Sɩɩg sẽn paad wakat sẽn kõn sa yĩngã, bãmb na n yɩlga tõnd sũ-bãngrã n yiis tʋʋm nins sẽn yaa kũumã, tɩ tõnd tõe n tʋm Wẽnnaam sẽn vɩ wã yĩnga.

Zake 4:8

Kolg-y Wẽnnaam, la bãmb na pẽneg yãmba. Yel-wẽn-maandba, nudg-y y nusã. Yam a yiib rãmbã, nedg-y y sũyã.

1 Pɩyɛɛr 1:22

Yãmb sẽn sak sɩdã n yɩlg y mensã, sẽn na n yɩlẽ n paam nonglem meng-meng ba-biisã yĩngã, bɩ y nong taab wʋsg ne y sũyã fãa,

1 Pɩyɛɛr 3:16

Paam-y sũur kaset sõngo, tɩ baa sẽn yaa zĩig ning fãa, bɩ neb nins sẽn kãnegd-b yãmbã, n gomd yãmb wẽng Kiris tũudmã pʋgẽ wã paam yãnde.

1 Pɩyɛɛr 3:21

Rẽndã ra mamsda koom lisg ning sẽn fãagd yãmb rũndã-rũndã wã. Yaa lisg sẽn ka yĩng rẽgd yiisg yĩng ye, la yaa kosg sẽn kot Wẽnnaam ne sũur kaset sẽn ya sõama, a Zeezi Kiris sẽn vʋʋg n bas kũumã maasem yĩnga.

1 Pɩyɛɛr 4:8

La sẽn deng bũmb fãa, nong-y taab daar fãa. Bala, nonglem luta yel-wẽn wʋsgo.

2 Pɩyɛɛr 1:7

La Wẽnnaam sakrã pʋgẽ, maan-y taab ba-biir manesem la ba-biirã manesem pʋgẽ, paas-y nonglem.

1 Zã 3:10

Yaa woto la b bãngd sẽn ya-b Wẽnnaam kambã la sẽn ya-b sʋtãanã kamb n bake. Ned ning fãa sẽn ka maand tɩrga la sẽn ka nong a ba-biig ka Wẽnnaam biig ye.

1 Zã 3:23

Ad bãmb tõogã la a woto: Yaa tɩ d tẽ bãmb bi-ribl a Zeezi Kiris yʋʋre, la tɩ d nong taab wala sẽn zems tõog ning a Zeezi sẽn kõ tõndã.

1 Zã 3:3

Ned ning fãa sẽn tẽed Kirisã yel-kãngã pidsg yĩnga, a yɩlgda a meng n lebg yɩlemd wa a Zeezi Kiris sẽn yaa yɩlemdã.