NONGDANG 18:4 - ITHAR CHONGHAK

⁴ Ama ing Deennii chaapna meekongnii nache Jehudi ae, Grik mee ae thohche chong yntaannii aeka, Aafhuw chu thachanii khaena emaneem ae.

NONGDANG 18:4 Iomraidhean Croise

2 KORINTHIA 5:11

Chukhaenache Aafhuw chu chiisa ungka, kenuw ing mee aechu kema-neemsahnah. Thangnang ing inuw vakhaechu isajaeh ing ymmanghuwsa, vokhehkho nenuw ing katak i isajaeh ing ymmanghuw sachuw ta ingka kathachanachuw.

NONGDANG 28:23

Chukhaenache enuw ing inii manae aeka, Pol ing aongnii nache mee inempak ama inii nache thengsae. Amana eningna Pol ing Mosi vajeer chonghak na ing jaephar ae thiimbuwr na basenka Thangnang iruwngpaam khaena enuw ing enthachanii inche ziing na ing khuri ipha ing aman-chuwpae.

NONGDANG 17:17

Amatah nache ama ing meekongnii nache Jehudi aethoh, Thangnang ynden mee aethoh vokhehkho kithiirna anasiir amathoh yntuwhchak ae thohche vakhar entuhak.

NONGDANG 26:28

Agrippa ing Pol ningna ariir, “Nang ing kichu apha mongtehna khristen manguur kachii ynchiinahchii.”

NONGDANG 19:26

Havana kik ing ynseem chaap i thangnang mahva taka Pol inge Ephisia nakho, Asia paam aphamsiir nakho sika mee vakhaechu maneemka embarungriir amanghuungnah ichii nemu nensiisa.

NONGDANG 19:8

Pol ing Ephisia ae meekongnii nache varuwhka Thangnang lipah khaena manseer aeka, vokhehkho maneem aeka tha ynthumpha ing thona isapak ing amanchuw ae.

NONGDANG 18:13

“Hava mee inge vajeer chonghak nakhe henbareh vebarehka Thangnang ting thachanii khaena mee aechu amaneemnah enchii.”

NONGDANG 17:11

Enuw ae inge Thesalonika mee ae akheer ing embarungriir isa, akhaechuve enuw ing chongchu manghuw nungka enchii ing iraang aeka, amanche ynthiing thiimziihchu jinge ichii vamo ta aeka anasiirna engatoh.

NONGDANG 13:14

Changvakonchu enuw ing Perga hengaraen aeka Pisidia na ing Entiok ting hungtungsae. Amana Deennii inii nache meekongnii sungting varuwh aeka ongsae.

LUK ING ABAZIIH ISA CHONG 16:31

Ama ing aningna ariir, enuw ing Mosi vokhehkho jaephar ae chongchu thachamah ae nave, ithii ae kaartanii achuw yngkheh hangring naka enthachanii khaena ynneemsah rumahnii ae.”

LUK ING ABAZIIH ISA CHONG 4:16

Aanuwna Jesu ing aongnii Nazaret nache hungtungsa; vokhehkho enunu inuwzii ing Deennii inii nache meekongnii tingche varuwhsa. Ama ing ynthiing thiimbuwrchu ipaanii khaenache hangiirsa;

JOHON 7:35

Jehudi aatuaricheh aenche enareer sungna enriir, “Ama ing uting sinaka tuwhmah vaanchiiva? Grik ae khuwruung chaapna inuw ymmee ae ynsaenong aeka ong ae ningting sinaka amana Grik aechu manchuw vachiiva?

NONGDANG 9:20

Ama ing apha mamaangrudeh inche meekongnii apham chaap nache Jesu i Thangnang sapa chuva taka athaminchu atongpa.

NONGDANG 14:1

Ikonium nache Pol re Barnabas ing meekongnii nache varuwh aeka enchongtah nache, Jehudi aengkho, Grik aengkho mee inempak ing enthachapa.

NONGDANG 18:19

Enuw ing Ephisia nache hungtung aeka enuwchu amanache amahpae. changva-konchu atak chuve meekongnii nache varuwhka Jehudi ae thohche chong emanseer.