NONGDANG 1:2 - ITHAR CHONGHAK

² vokhehkho Jesu chu ajeri aanii ipha inche ama ing nong atu ari amanchuw ae, abasenraennii ing aangkhenglaang khaena chenva.

NONGDANG 1:2 Iomraidhean Croise

METHIU 12:28

Changvakonchu ki ing Thangnang laetha jaar ing umlaechu kathur vanave, atatak ing neningna iruwng lipahchu thengsa.

METHIU 3:16

Jesu ing baptais tuka chiisung tanii hungsuwhsa; amana enruw, thangbaen ymmongka Thangnang laetha inche khunu vaang juwngka ataklina ijungchuwchu amupa.

MAAK 6:30

Changlaenche chongthang aechu hunganri aeka, amana enuw ing entu enri nong vokhehkho ynchii emanchuwpae ichii aangkheng Jesu ningna enghungriir.

LUK ING ABAZIIH ISA CHONG 24:51

Ama ing enuwchu bor apeehraenche, enuwchu bathenka vokhehkho thangbaen ting atakchu ajekipa.

LUK ING ABAZIIH ISA CHONG 9:51

Jesu thangbaen ting jerivachii apha ahunganeeng tahnache Jerusalem ting isinii khaena karkhiing abasenpa.

JOHON 1:16

Aningtanii tungsiih ynriim inche inuw vakhaechu ama ing bor ympeehpa.

JOHON 13:1

Atii Manlaennii kuurva aanii-chu aphamahri raenche, Jesu ing laaruw paam bathen naka ampa buumting yngkaeva chiichu apha ahenphapa ichii amanghuw. Laaruw paamna ipaar amee aechu inempak aning amansiihsa, vokhehkho achinii ipha ing aning amansiihsa.

JOHON 13:18

“Nengkhengna havi kariirmahva, changvakonchu ki ing kaateer vasah mee aechu kamanghuwsa. Ynthiing thiimziihna ariir havi hungchum vaata amachuve, ‘Kithoh thaemin kensahhak mee inche aanuw ynrisa.’

JOHON 13:3

Jesu ing akiklina ampa ing aangkhenglaang khaena ruwreng apeehchu amang-huwsa, vokhehkho Thangnang tanii ijuwngping amanche Thangnang ningting ynrireehva kata ichii amanghuw.

JOHON 16:28

Kapa ningtanii laaruw paamne ijuwngping; atii chembe laaruw paam bathen ingka aningting huungning.”

JOHON 17:13

Atii nabuumting ki huungning. Havi laaruw mee vakhae ing embarungriir sungna rotharoh emphanii ing ta ingka mee vakhaena kariirva.

JOHON 20:17

Jesu ing ariir, “Kataklina iparmahra, akhaechuve ki kapa buumting ynrimahri ing. Nang yngkae-nana kauw kanae ae ningna hungriirla, ki kapa, enuwkho empa amanche ka Thangnang, enuw khaenakho Thangnang ningtingche ki ynrikata.”

JOHON 20:21

Jesu ing athar vokheh ariir, “Idaechu neningna omrasiing. Kapa ing ki ynjenchiir vaange, nenuw ikho ki ing kachiirnahchuw.”

JOHON 3:34

Thangnang ing ajenbathen mee inche Thangnang chongchu ariirnah, akhaechuve Thangnang ing aningnache laetha ynriimjor ing apeehsa.

JOHON 6:62

Mee Sapa inche aburna aongnii tingche hangkarchu nemu vanacha ynchii khava chang?

JOHON 6:70

Jesu ing abasang, “Ki ing mee suum ariinii nenuw i kaateer vachuw. Changvakonchu nengkaarna mee yngkheh chuve umlae chuwngna!”

NONGDANG 1:11

enriir, “Galili mee ae, nenuw ing yngkhaena ngiirchuwka thangbaen ting nengenva? Nengkaar tanii Jesu chu thangbaen ting ajeki nenuw ing nemuvaang inge, Aafhuw ing havithoh aanghakjaeh ing jungtheng vaata.”

NONGDANG 1:13

Amana enuw ing khuwruung tingche jungruwh aeka engongniichak chung eensungka nache Pitar, Johon, Jems, vokhehkho Aandriu, Philip, Thomas, Bartholomiu, Methiu, Jems sapa Alphius, vokhehkho Simon Zilot amanche Jems sapa Judas enuw vakhae ong ae.

NONGDANG 1:22

Johon ing baptais khaena chong ajeer raennii ing Jesu chu yngkaar tanii thangbaen ting ajeri ipha ing ynvae meeva chiiva.”

NONGDANG 1:9

Jesu ing havi ariir aanuwting enuw ing engenraenche atakchu ajekipa vokheh-kho ruwrduh inche aruwpa.

NONGDANG 10:38

amachuve Nazaret Jesu khaenava, Thangnang ing ynsaangkhe ataklina ynthiing laetha re ruwreng chirka, Aafhuw ing hungsi vasi tuka isa nong atuva vokhehkho umlae ichuwng ae chaapchu amansakva ichii khaena chenva; yngkhaena ynchii imbe Thangnang ing Aafhuw thohche ynruwhaksae.

GALATIA 1:1

Mee ae tanii vokhehkho mee ae ajaar tanii mahdehva, changvakonchu Jesu Khrista re atakchu ithii tanii amanring Apa Thangnang tungsiihna chongthang ivi Pol ki ing,

EPHESIA 2:20

Jesu Khrista inche athur-fhuwrungchu ynsuwhka, nenuw inche chongthang ae vokhehkho jaephar ae eenphambur taklinache ingiirchu ynsuwhsachuw.

1 TIMOTHI 3:16

Chukhaenache Thangnang ing amandenchu ijongnii ruwpakna ichii i achuw ingkho dacheh mahnii: “Aafhuw chu atak ing jungindangsa; Laetha inche ichumva taka amandangpa, vaarmee aengkho emupa; suwnthar siti ae kaarnakho athamin yntongsa, laaruw paam mee aangkheng ing athachapa, vokhehkho alaar isa thohche thangbaen ting ajeripa.”

HIBREEU 9:24

Ichum aanru kik ing ynseem ynthiing apham nache Khrista ing varuwhmah, ama ing thangbaen nache varuwhka inuw ynchangden nache atarae Thangnang maana yndangna.

1 PITAR 3:22

Aafhuw chuve thangbaen ting karka, vaarmee aekho, ruwreng om vokhehkho aatuaricheh aekho aangkhenglaang aderna amangompa.

2 PITAR 3:2

ynthiing jaephar aeng ajae enjeervasah chong khare nenchongthang ae jaarna eekarpeeh Aafhuw chonghak amakha nenuw ing nengaansiinii khaenava.

AMANDANG 1:1

Jesu Khrista ningtanii amandang i Thangnang ing ithupak ing hungsuwh vachiichu ameenae ae ningna amansiinii khaenache aningna apeehva; amanche havi ynghuwnii khaenache avaarmee chu ameenae Johon ningna ajenbathenpa.

AMANDANG 2:11

Ynthiing laetha ing ruwrthiingna ariir i aana ipaarchaap ing siiruw. “Isii laar acheh meechu avomaniinii ithii inche mansuhcheh mahnii.”

AMANDANG 2:17

Ynthiing laetha ing ruwrthiingna ariir havi aana ipaar chaap ing siisaruw. “Achuw yngkheh isii laarchu acheh mee ningnache ynthuurjaehka om isahfhuw mannachu pivakata vokheh-kho achuw ingkho amanghuwmah aaraang mee chupang ing manghuw vachii ivaar rung taklina itharpeh ruming ynziihchu pivakata.”

AMANDANG 2:29

“Ynthiing laetha ing ruwrthiing-na ariir i aana ipaar chaap ing siirasiing!”

AMANDANG 2:7

Ynthiing laetha ing ruwrthiing ae ningna ariir i aana ipaarchaap ing siiruw! “Achuw yngkheh isii laar acheh meechu Thangnang ingkhonna imuwng ringkum thing aanlachu isah manphava kata.”

AMANDANG 21:14

Amana khuwruung bangchu abur suum ariinii omsa, amanche ataklinache Jaoti chongthang ae suum ariinii rumingchu ynthaangsiir ing ynthasiirsa.

AMANDANG 3:13

Ynthiing laetha ing ruwrthiingna ariir i aana ipaar chaap ing siisaruw.”

AMANDANG 3:16

Amatah nache natak i idaekho idaemah, ynsakho ynsamah vachii khaka natak i bathen vakachii.

AMANDANG 3:22

“Ynthiing laetha ing ruwrthiingna ariir i aana ipaar chaap ing siisaruw.”