METHIU 6:2 - ITHAR CHONGHAK

² “Chukhaenache isachaang atu aeng mee ing imanpah rasiing ta aeka meekongniina vokhehkho lamna entu vaangkhe, nenuw ing isa nong nenturae nemaensokna khuwng ibeeng mahruw. Ki ing neningna atatak ing kariirnah, enuwkha enongmen emphapa.

METHIU 6:2 Iomraidhean Croise

METHIU 15:7

Isachaang itu ae! Isaia ing nenuw nengkhaena hungsuwh vachii ichum ing ariirsa!

METHIU 16:3

Ziing ahenpha nachembe vaangseng takna lamkho uwna; ataniive khuw suwrvaata nenchiinah. Nenuw ing minvaen ziih inuwzii ing ynchii suwhvaate ichii nemanghuwsa, changvakonchu laetho apha chuve nenuw manghuw chehmah tanuw.

METHIU 22:18

Enuw ing ichamah emandenchu Jesu ing amanghuwtah nache ariir, “Isachaang itu ae, yngkhaena nenuw ing kichu menkenta ynchii vachuw?

METHIU 23:5

Enuw ing entu enri chaap mee ing imurasii ichii ing atupae, amanche enrungop mansuwr deendeen ing ynthongnae.

METHIU 23:6

Enuw ing kuurva nache isaseh ongnii nache ongchu engadiknah, amanche meekongnii nakho isaseh ongniichu engadiknah;

METHIU 24:51

Amana atakchu mongnii isuwh ing tenvaata, vokhehkho isachaang atu mee ae thohche sarup manphahak vaata. Amanache ichap ichuw vokhehkho aha iriirvaata.

METHIU 5:18

Ki ing havi khaena neningna atatak ing kariirnah, thangbaen vokhehkho laaruw paam achimahri raentaang vajeer chonghak tanii achiih tikho areer asuwhmahri taangche maangmahnii.

METHIU 6:16

“Nenuw ing maaru nentonglae isachaang atu mee ae vaangkhe mee ing imurasiing tanuwna yndang ing tumahruw. Ki ing neningna atatak ing kariirnah, enuw enongmen emphapa.

METHIU 6:3

Changvakonchu napeeh raenche natachang ing napeehkha natari ing manghuwmah rasiing,

METHIU 6:5

“Nenuw ing nenthamsah raenche isachaang atu mee ae khavaang tamahruw; enuw chuve mee vakhaeng imunii khaena lam kuurna vokhehkho meekongniina yndang engadiknah. Ki ing neningna atatak ing kariirnah, enuw chuve enongmen emphapa.

METHIU 7:5

Ichum nabuchaang nang maensa ing namikna ibuwrkha rijapla, amanche aanuwting nauw nanae mikna om ibuwrchu iseengkiir ing mupeh vaanta.”

MAAK 12:39

amanche meekongniina ongnii isaseh engadik, amanche kuurva chaapna iruung ongnii engadik,

MAAK 7:6

Jesu ing ariir, “Isachaang nentu nengkhaena Isaia ing amanthang vasah ynziihka omna: Mee ae inge ener pang ing eejanah ae, changvakonchu embarungriir chuve kaningtanii yndahpak ing omnae.

LUK ING ABAZIIH ISA CHONG 11:41

Nenbukam jaekhi sungna omkha sara naeriing ae ningnache piruw, amanche enruw, nengkhaenache aangkhenglaang manthiing vaata.

LUK ING ABAZIIH ISA CHONG 11:43

Pharisi ae nengkhaena ijaniisapa! Nenuw ing meekongnii sungna ongnii isaseh nache ong vokhehkho kithiirna mee aenche salaam yntu nengadiknah.”

LUK ING ABAZIIH ISA CHONG 12:33

Nenuw ing nendeen vakhaekha juwrnuwna amenchu sara naeriing ae ningna piaeruw; jungbaruw mahdeh vachii seerthuungchu nengkhaena seemruw; akhaechuve lamruw aeng enganeeng chehmah vokhehkho rungi ing asah chehmah, thangbaenna om lerchii chuve imaang omahva.

LUK ING ABAZIIH ISA CHONG 12:56

Isachaang atu mee ae! Nenuw ing laaruw vokhehkho minvaen alaar enchuwka suwhva chiichu nenriir chehsa, changvakonchu ynchii khaena ataraennii aphachu nemanghuwcheh mahva?”

LUK ING ABAZIIH ISA CHONG 13:15

Jesu ing abasang, isachaang itu ae! Nenuw nengkheng ing Deennii iniina nensiir nendaar nenphuwpchu bajoh chuwka taangting chii nenpeehmah vakhang?

LUK ING ABAZIIH ISA CHONG 20:46

“Thiimthang ae ynsuwr peen niiaeka ynlen nungka enchii, amanche mee inem aangkongniina mee ing salaam itu, amanche meekongnii chaapna vokhehkho kuurvana ongnii isaseh nache ong engadik ae,

LUK ING ABAZIIH ISA CHONG 6:24

“Chukhaenache savang ae neningna chembe ijaniisapa; akhaechuve aaniing omah nungaechu nenphapa!

LUK ING ABAZIIH ISA CHONG 6:42

Nataksah mik narap thing yngkhangka omchu muruchii ing, ynchii khaena nauw nanae mikna ibuwr omchu ripeeh kachii nachiichehva? Isachaang itu nang amaensana namikna om thing yng-khangkha rijapla, aanuw nache nauw nanae mikna ibuwr omchu ynthiingkiir ing mupeh vaanta.

JOHON 13:29

Judas ing seer thuungfhuw apaanii vakhaka, Jesu ing kuurva khaena vokhehkho sara naeriing ae ipeehfhuw khaena peehchae aanrii achiir varapmuw ichii ing emanden.

JOHON 5:41

“Ki ing mee ae ningtanii ympah-chu jongmah ing.

JOHON 5:44

Nenuwve yngkheh ing yngkheh isuursah nengadiksa, changvakonchu Thangnang tanii isuursah iphanii chuve jongmahchuw. Amachu inche kichu ynsaangkhe ithachava nenchiiva?

JOHON 7:18

Achuw yngkheh ing ataksah tanii ariir chuve ympahsah iphanii khaena atuva; changvakonchu atak ajenchiir meechu ama ing ympahsah phanii khaena atuchu ichum meeva, amanche aningnache ynraar ichii yntanga omah.

NONGDANG 10:2

Ama ing a-eengkuw thohche Thangnang yndentahna, Thangnang achiisah, mee ningna inempak ipisahnii amanghuw vokhehkho apha vakhaena Thangnang ting athamsah mee ynsuwh.

NONGDANG 10:31

‘Kornelius, nathamsahkha kasiipa vokhehkho nang ing ipeehtahna namanghuwkha Thangnang maana yndennii ing omsa.

NONGDANG 10:4

Ama ing achiisah thoh ynruw ing enteehka ynchiiva Aafhuw taka ariir. Vaarmee inche aningna ariir, “Nang ing nathamsah vokhehkho ipeehtahnii namanghuw aangkheng Thangnang maana yndennii khaena tungsa.

NONGDANG 11:29

Chutahnache Judia na ong thacha unae ae ningnache mee vakhae ing enchehsah inuwzii ing ibomsah ynthennii khaena sebok aenche chongiir enripa.

NONGDANG 24:17

“Atii kum topoh aanuwna ki ing kajaati aechu ibomsahnii khaena vokhehkho Thangnang ting ipifhuw vakhae ipisahnii khaena ithengsah ing.

NONGDANG 9:36

Joppa nache rupanuw aruming Tabitha enchii thacha mee yngkheh ong. (Ama aruming i Grik chongna Dorkas va amanche arutho chuve “Sakhii,” achiiniiva.) Rupanuw havi inge ympehrudeh ing atusah chuve isa nong ing vokhehkho ipeehtahna amanghuw inche isip.

ROMIO 12:8

Ynthohsahnii iriirpeeh khaena vanave, ynthohsahnii tutaruw, pivachii inchenkho manerru ing pirasiing, aapuh inchenkho abarungriir iruwh ing puhrasiing; ningsiih khaena nongtu mee inchenkho rotharoh ing turasii.

1 KORINTHIA 13:3

Ki ing kadeensah vakhae pichircheh khang ningkho, vokhehkho kahakchaang rap ikho mi sungting bathunii khaena pikhang ningle, ningsiihchu omah ningve, katuungsahnii ynchiikho omah.

GALATIA 2:10

Enuw ing sara naeriing aechu bahirmah ae manuw enchii amachurap kikho itunii khaena kabarungriir iruwh.

EPHESIA 4:28

Lam abaruwhchak ingkhe athar baruwh-mah rasii, ama changdenna akiksah ing adeennii khaena isa nongchu tusana vokhehkho sara naeriing aechu bomrasiing.

1 THESALONIA 2:6

amanche kenuw Khrista chongthang yngkheh ing kematik omkhang nare, meening tanii vakhang nakho, ympahchu kenjong mahva.

1 TIMOTHI 6:18

Isa nong tuae rasiing, isa nong tunache savang aerasii, ipeehnii ihae ynsuwh ae rasii,

PHILIMON 1:7

Yngkhaena ynchii imbe naningsiih tanii ki ing rotharoh inempak kaphasahpa! Akhaechuve kaarang, nang najaarna ynthiing mee vakhae embarungriir rotharoh athisehnah.

HIBREEU 13:16

Isa nong itu re yngkheh yngkheh ymbom bahir mahruw, yngkhaena ynchii imbe hava hangchii chaatha ipi inge Thangnang ipenva.

1 PITAR 4:11

Achuw yngkheh mee ing chongnave, Thangnang chong vaang jeerrasiing; achuw yngkheh mee ing nongchu tunave, Thangnang ing apeeh ruwreng thoh ynruw ing turasiing; ama inche aangkhengna Thangnang chu Jesu Khrista ajaarna ympahnii khaenava. Aafhuw ningnache ichen naemah alaar isa vokhehkho ruwreng omna. Amen.