METHIU 2:13 - ITHAR CHONGHAK

¹³ Atii engaangkaenuwna, Aafhuw vaarmee ing Josep rumangna ariir, “Herot ing naeduung i ithehnii khaena ajongthongnah, chukhaenache hangiir nana naeduung re amnuw i ruwnana Ijeep lipah ting taenruw amanche ki ing kamanthang mahri raentaangchuw ama mapham nache ongjaehruw.”

METHIU 2:13 Iomraidhean Croise

METHIU 1:20

Changvakonchu Josep ing changche ichii ing amandenlae enruw, Thangnang tanii vaarmee ing Josep arumangna yndangka ariir, Devit tuti tanii sapa Josep, nang ing Meri ibuwh ynchikmah, yngkhaena ynchii imbe aven sungna areen i ynthiing laetha taniiva.

METHIU 10:23

Khuwruung yngkheh nache nenuwchu ijachaam ipiae nave reentaang yngkhehting ympeenruw. Ki ing neningna atatak ing kariirnah, Mee Sapa inche ajuwngmahri raentaang nenuw ing Isrel ae khuwruungna nong nentuchu manchichehmah tanuw.”

METHIU 2:12

Amana entakchu Herot ningting ynrimahruw ichii enrumangna emutah nache, lam asikting rep aeka empaamting yngkaesae.

METHIU 2:14

Amana Josep ing hangngiirka naeduung re amnuwchu jaen nache ruwka Ijeep lipah ting taensae,

METHIU 2:16

Herot ing ihaesing aeng ymman-chaepae ichiichu amanghuw tahnache inempak athir fhuwrsa. Chukhaenache ihaesing ae tanii isajaeh ing amanghuw inuwzii ing Bethlehem na ong vokhehkho akuurpaang paamna om naeduung pasar kumnii aderchaap ithehnii khaena mee jebathenka amanthehpa.

METHIU 2:22

changvakonchu Herot sapa Aarkelos ing Judia paamna ampa changdenna iruwng vika paarna ichii chong asiitah nache, Josep hungkaevachii ynchikka arumangna ariirpeeh inuwzii ing lam repka Galili paamting sisa.

NONGDANG 10:22

Enuw ing embasang, “Laarchang chaama aapuh ynsuwh Kornelius ichii ichum mee, Thangnang chu achiipak vokhehkho Jehudi mee vakhae kaarna athang isana aruming isi a-een tingche ihenruwnii khaena vokhehkho naningtanii chong isiinii khaena ynthiing vaarmee inche ariirpeehpa.”

NONGDANG 10:7

Aningna chong ariir vaarmee inche aangkaenuwna, Kornelius ing ameenae mee ynniimeh re atak rukuum atu Thangnang yndentahna icheep laarchang yngkhehchu eenka,

NONGDANG 12:11

Amana Pitar ing ataklina isuwh-chu manghuwka ariir, “Atii ki ing atatak ing kamanghuwpa, Aafhuw ing avaarmee jebathenka Herot iruwng kik tanii vokhehkho Jehudi ae ing emanden tanii kichu yngkarpa.”

NONGDANG 12:7

Amana manghuw mangharu ing Aafhuw vaarmee yngkheh inche abuumna ngiirsa, amanche ireng inche aongnii nache aenpa, amana vaarmee inche Pitar aangna parka abasuw thoh ariir, “Ithupak ing hangsuwra.” Aphachak nache siir runohchu akik tanii ynjohchirsa.

NONGDANG 16:36

Chutahnache kaeshum aarung inche Pol ningna ariir, “Vajeer itu aenche nenuwchu bathenruw enchiipa, chukhaenache nenuw suwhnuwna idaejaeh ing yngkaeruw.”

NONGDANG 5:19

Changvakonchu ama jaen nache Aafhuw vaarmee inche kaeshum eenkhaar vakhaechu imongka vokhehkho taang basuw aeka ariir,

NONGDANG 7:19

Iruwng havi inge inuw ynjaati taklina ijachaam pika vokhehkho inuw ynsiti aechu ren aeka afhuw fhuwven aechu ithipak ing entupae.

AMANDANG 12:14

Changvakonchu rupanuwchu ipirpak mamuw batha ynniimeh inche lamlahpak paamfhuw tingche baruwr ningtanii ynjaapnii khaenache apeehpa. Amana kumthum abarii cheerpeeh ae naka tangkhonglae ing utaenkho vatukchehmahnii.

AMANDANG 12:4

Arumi ing thangbaen tanii aesii kaarna aruwr ynthummeh ruwka laaruw paam ting ajeren. Naeduung abaringthong maensokna ngiirka jungomvachii naeduungchu isiihnii khaena ahah.

AMANDANG 12:6

Rupa-nuwchu akhaena Thangnang ing ongnii aseem paamfhuw tingche sisa amana rupanuwchu inii lising yngkheh chanii somruk cheerpeeh vachii vatah.