JEMS 4:6 - ITHAR CHONGHAK

⁶ Changvakonchu Aafhuw inchembe tungsiihchu inempak ympeehsa; chutahnache jinge ariirsa, “Thangnang ing ynding mee aechu rupeehmah, changvakonchu ynjuursah ae ningnache tungsiihchu apeehnah.”

JEMS 4:6 Iomraidhean Croise

METHIU 13:12

Adeen mee ningna inempak adeennii ing pivakata; amanche adeenmah mee ningtanii chuve adeensah topohti chukho rivakata.

METHIU 23:12

Achuw yngkheh ataksah ing ruungsa nave ama ynjuursa vaata, amanche achuw yngkheh ing ynjuursa nave, ama ruungseh vaata.

LUK ING ABAZIIH ISA CHONG 1:52

Aafhuw inche aacheh chirpung achii aechu engaruwngpham tanii amanjuurpae, amanche yntuur mee ae chuve aathohpa;

LUK ING ABAZIIH ISA CHONG 14:11

Akhaechuve ataksah ing iruungping achii meechu ynjuursa vaata amanche ynjuursah mee inche ruungseh vaata.”

LUK ING ABAZIIH ISA CHONG 18:14

Ki ing neningna kariirnah, Pharisi mee khamahva, ree ikhuum mee inge Thangnang maana ichum inche yngkaesa. Yngkhaena ynchii imbe ataksahchu ynruungsah mee inche ynjuursa vaata amanche ataksahchu ynjuursah mee chuve manruung vaata.”

JEMS 4:10

Nenuw nentaksah ingkhe Aafhuw maana ynjuursa ing ongruw, amanache ama ing nenuwchu imanruung vaata.

1 PITAR 5:5

Amavaangche naepang ae nenuw upa ae dernache siruw. Amanche nenuw nengkheng yngkheh ing yng-kheh taklina ynjuursah thoh ynruw ing rukuum ynturuw, akhaechuve, “Thangnang ing ynding aechu rumah, changvakonchu ynjuursah ae ningnache tungsiihchu apeehnah.”