JEMS 4:4 - ITHAR CHONGHAK

⁴ Thacha fhuwmah mee ae! Laaruw paam thoh ynchaarhak inge Thangnang thoh yngharniiva ichii i nemanghuw mahva! Achuw mee yngkheh ing laaruw paam i aarang ynsuwh naka tanave, ataksahrap Thangnang ajeeehnii mee chuva.

JEMS 4:4 Iomraidhean Croise

METHIU 12:39

Jesu ing abasang ae, “Ichamah vokhehkho rupanuwna ichuwhmah siti ae ing laetho mandangnii khaena ajongnah ae; changvakonchu jaephar Jona laetho mahnaka yngkheh pangkho pimahning.”

METHIU 16:4

Ichamah vokhehkho ichuwhmah siti aenche laetho yndangchu ajongnah ae, changvakonchu Jona laetho yndang chumah naka reentaang laetho yndangnii pimah ningchuw.”

METHIU 6:24

“Achuw ingkho aafhuw ynniimeh meenae ynsuwh chehmah; akhaechuve yngkhehchu aning mansiih mahnave, yngkhehchu aning mansiih vaata, vokhehkho yngkheh ningna abarungriir manruwhdeh nave, yngkheh tingche barungriir manruwhmahnii. Thang-nang re lerchii aaniimeh ing anong ituhak rumahnii.”

LUK ING ABAZIIH ISA CHONG 19:27

Atii entaklina iruwng ivi enrumah ae enuwkha havane henruw ae nuwna kamaane theh aeruw.’ ”

JOHON 15:19

Nenuw i laaruw paam ta ynsuwh vatanuwve, laaruw paam mee aenche entasah vangeng ichii ing ening imansiih vaatae. Changvakonchu ki ing nenuw i laaruw paam tanii kaateer vachuw, amanche atii nenuw laaruw paam ta ynsuwhmah sachuw. Amatah nache laaruw paam mee aenche ymbatir-pae.

JOHON 17:14

Najaera vakhae eningna kapeehpae, amanche laaruw paam mee aenche enuwchu embatirpa, akhaechuve ki i laaruw paam taniimah vaange, enuwkho laaruw paam tanii mahsae.

JOHON 7:7

Nenuwve laaruw paam mee aeng ibatirmah ae, changvakonchu ki chuve ymbatirnah ae, yngkhaena ynchii imbe entu enri vakhae sakmah ta ingka kariirpa.

ROMIO 5:10

Inuw ing Thangnang ijeehniichu eensuwh raenche, asapa ithii ajaarnache Thangnang thoh aanrunii atupa, havi athiseh ing aanrunii om khaena asapa ringkum ing inuwchu ikarvaata.

ROMIO 8:7

Chukhaenache hakchaang ting barungriir apeeh mee vakhaechu Thangnang taklina ajeehniiva; akhaechuve ama Thangnang vajeer chonghak dernache ongmahsa, aman-che ongkho chehmahsa.

1 KORINTHIA 1:20

Ising iveer meechu utingva? Thiimthang aechu utingpae? Ataraen-nii laaruw paamne ichongnii amanghuwchu una ongva? Thangnang ing ipangchu laaruw paamne ising mee amanguurmah vakhang?

1 KORINTHIA 1:21

Chukhaenache Thangnang losing inche, laaruw paam mee aeng entak-sah losing ajaarna Thangnang chu ynghuwchehniimah ing atupa. Ama changdenna ipang chongva enchii kenuw ing kentong thamin athacha mee aechu ikarpeeh inche Thangnang apenniichu ynsuwhsa.

GALATIA 1:10

Ataraene mee ing aru changmahka Thangnang ing aruchu kajongva? Changmahka meengae chiiniichu kajongva? Ki ing meengae chiinii ing katu vanave, Khrista meenae yngkheh ynsuwhmahva kachiiva.

JEMS 1:27

Dharmo ichii ive inuw vakhae apa Thangnang tanii ynthiing vokhehkho iseengjaeh lam chuva; amachuve, muwkhuwnuw aere ampa amnuw omah siti aechu rukuum itupeeh vokhehkho laaruw paamne yntak sahkho iseengjaeh ing ichumna isichuva.