JEMS 4:1 - ITHAR CHONGHAK

¹ Laar isuwh vokhehkho ynnahnii isuwh vakhae i utanii thengka nenuw nengkaarna isuwhva? Nening-tanii isuwh churmah vakhang? Amachuve, nenuw nentaksahna nemanden om ingkhe ynnahnii nensung-sahna isuwhmah vakhang?

JEMS 4:1 Iomraidhean Croise

METHIU 15:19

Ama vakhae chuve isamah barungriir, miktheh, reentaang rumee fhuwsar taklina ichuwhmah itu, vokhehkho naamak itu, lamruw, ichummah saarkhii itu, mee irensah, hava vakhae i barungriir tanii ihungsuwhva.

JOHON 8:44

Nenuw i nenpa umlae siti vachuw, amatah nache nenpa ing amandenchu aanuw jiinungka nenchiiva. Aburna basenka ama i mikthehva amanche ichum nache ongchehmah, akhaechuve ataklina ichum omah. Ama ing ynraar ariir raenche aningna om anunuchu atuva, akhaechuve atak i ynraar ariir meeva amanche ynraar chaap vakhae ampa chuva.

ROMIO 7:23

Changvakonchu kabarungriirna vajeer chonghakchu jeehniika laar yntuk vokhehkho kahakchaang sungna mari om isii vajeer chonghak inche kichu isuwrka ynghenruw reentaang vajeer chonghak yngkheh kahakchang mari sungna kamusa.

ROMIO 7:5

Inuw ing hakchaang inuwzii ing yngonglaenche, vajeer chonghak ajaar inche ithii henreen niivachii aanlachu yntaklina nong amantu.

ROMIO 8:7

Chukhaenache hakchaang ting barungriir apeeh mee vakhaechu Thangnang taklina ajeehniiva; akhaechuve ama Thangnang vajeer chonghak dernache ongmahsa, aman-che ongkho chehmahsa.

GALATIA 5:17

Hakchaang ing aadik inche ynthiing laethachu ajeehniinah, amanche ynthiing laetha inche hakchaang ing aadikchu ajeehniinah; amachuve nenuw ing nengadik chaapchu nentuniimah ing ynniimeh havi inge yngkheh re yngkheh ynjeehnii aeka mae yntuwhnae.

KOLOSIA 3:5

Chukhaenache nentaklina om laaruw paam barungriir chaapkha bathen chirruw; amachuve ichuwhmah nong, ynthiingmah, hakchaang ing aadik isamah amanche lae ruthaksii irum barungriir hava vakhae iva.

2 TIMOTHI 2:23

Ising iveermah, ipang ing ichong mee thohche nongtuhak rumah; hava ae inge ynnahnii ahenreennah ichii nang ing namanghuwsa.

TAITAS 3:3

Ajaen chembe inuwkho pangmuwka, chongriir ynjiimah, mee ynchae, barungriirna ihungsuwh vokhehkho reentaang aajaeh nungaenii suwh ing ongmuwka, yngkheh re yngkheh yngharmuw.

TAITAS 3:9

Changvakonchu ipang chong ing ynsang, ajaennii thamin ajong ae, ynnahnii, vajeer chonghak khaena ynnahnii isuwh, hava vakhae i bathenla; akhaechuve hava vakhae ive ikanii omah vokhehkho abariiva.

JEMS 1:14

Changvakonchu mee vakhae i ataksah ing aadikpak nache runam nongtu inche abatheem sahva.

JEMS 4:3

Nenuw ing neniihnah changvakonchu phacheh mahchuw, akhaechuve ikenii kuurva khaena ynraar ing neniihpa.

1 PITAR 1:14

Chongriir ynjii naepang ae vaang, nenuw ajae mamaenna nemanghuw mahrae isamah nemanden thohkhe aanghak ing omahruw,

1 PITAR 2:11

Kaningsiih kaarang ae, laetha taklina laar atuk hakchaang ing aadik tanii ingahnii khaena lamkhii mee vokhehkho marpah mee aevaang kathamsahnahchuw.

2 PITAR 2:18

Ikanii omahvachii ynding ing chong aeka, enuw ing ichummahna ipaar mee ae tanii ihungpaarpeh aechu, hakchaang ing aadik peeh inche abatheemnah ae.

2 PITAR 3:3

Havi amaensana manghuwruw amachuve, achiniipha inii nache ymmaniisah aengkhe entaksahrap ing engadik inuwchu jiiae naka, ymmaniisah aethoh ynruw ing theng ae naka tavaatae,