JEMS 2:5 - ITHAR CHONGHAK

⁵ Kaningsiih kauw kanae ae, rungaeruw, thacha nache savang suwhnii ing vokhehkho Thangnang chu ning amansiih ae ningna iruwng lipah phanii khaenache sara aechu Thangnang ing aateermah paekhang?

JEMS 2:5 Iomraidhean Croise

METHIU 11:5

Mikchu ing amupa amanche khibong ing isi achehpa, ynchor aenche manthiingsae vokhehkho naaseeh inche asiichehpa, ithii aechu hangringsae amanche isa chongchu sara ae ningnache yntongsa.

METHIU 25:34

Changlaenche iruwng inche tachangna ong vakhae tingche tavaata, ‘Huungruw, kapa bor apha vakhae, laaruw paam abasenlimna nengkhaena ynruthongpeeh iruwng lipahchu phasaruw.

METHIU 5:3

“Laethana yntuur mee aechu bor aphapae, thangbaen paamchu enrutum vaata!

MAAK 7:14

Amana Jesu ing vaanlehka mee vakhae ningna ariir, “Nenuw vakhaeng rungaeruw, vokhehkho manghuwruw;

LUK ING ABAZIIH ISA CHONG 12:21

Chukhaenache achuw yngkheh ing ataksah khaenapang lerchii amanghuwng meechu Thangnang maana savangmah.

LUK ING ABAZIIH ISA CHONG 12:32

“Ynchik mahruw, isiing jao ruwr ae, neningna Thangnang ing iruwng-paam ipeehchu abarungriir ipenva.

LUK ING ABAZIIH ISA CHONG 16:22

Amana sarapak meechu thiksa amanche vaarmee aenche Abrahaam changbaen nache ongnii khaena enruwpa. Savangpa chukho thikka endimpa;

LUK ING ABAZIIH ISA CHONG 16:25

Changvakonchu Abraham ing ariir, ‘Yndenla sapa, nang ing naringlae isa inungae aangkheng napha, amanche Lazarus ing isamah chaap apha; changvakonchu atii hane ama ing nungaechu aphapa, amanche nang chuve ijachaam naphanah.

LUK ING ABAZIIH ISA CHONG 22:29

Kapa ing kaningna iruwngpaam yngkheh ympeehvaang, nenuw chukho ki ing pivakachuw.

LUK ING ABAZIIH ISA CHONG 6:20

Amana Jesu ing asebok aechu enka ariir: “Sara ae nenuw bor nenphava; Thangnang iruwngpaamchu nentavaata!

JOHON 7:48

“Aatuaricheh ae changmahka Pharisi aenche aningna enthachapa ichii yngkheh tanga ne-manghuwse?

NONGDANG 7:2

Ama ing abasang, “Kauw kanae ae vokhehkho kapa kafhuw ae, irungaepeeh saruw! Apa Abraham ing Haran ting ipaarnii khaena asimahrirae, Mesopotamia nache Thangnang alaar isa ing yndangka

ROMIO 8:17

Inuwchu asiti manuwve ruw ikuum-chu ynsuwh samuw vokhehkho Khrista thohche ruw ikuumchu ynsuwhhak samuw. Amanche ijachaamchu khaanghak manuwve alaar isachu phahak vataruw.

1 KORINTHIA 2:9

Changvakonchu ynziihka omna, “Mik ing amumah, na ing asiimah, vokhehkho laaruw mee barungriirna isuwhmah aangkhengchu, Thangnang aning amansiih ae khaena Thangnang ing asirpa.”

2 KORINTHIA 4:15

Aangkhenglaang havi nenuw nengkhaenava, amanche Thangnang tungsiih inche mee vakhaechu hengkuwmchir naka alaar isa Thangnang ningnache ympah thoh ynruw ing thamsa vaatae.

2 KORINTHIA 6:10

ijachaam phakhang nungle anasiir nache kenrotha rohna; sara mee ae vaang takhang nungle, mee aanem savang kembasuwsa; aadeenmahdeh mee ae vaang takhang nungle, ataraen phanii ing keningnache aangkhenglaang omchirna.

2 KORINTHIA 8:9

Nenuw ing Aafhuw Jesu Khrista tungsiihchu nemanghuwsa; amachuve Aafhuw ing savang khangnare, Aafhuw asara inche nenuwchu savang basuwnii khaena ama ing nengkhaenache sara ynsuwhsa.

EPHESIA 1:18

nenbarungriir mik veersana nenuw-chu yngkhaena yngeenva ichii chukho manghuw tanuwka ynthiing mee ae khaena iphafhuw ompak rotharohnii lerchiichu nenphanii khaena,

EPHESIA 3:8

Isiing vakhae kaarna isiingseh kaningna havana tungsiih i ympeehpa, amana chembe ijong ynchehmah Khrista lerchiichu reentaang mee ae ningna tongningka,

1 THESALONIA 2:12

Thangnang ing nenuwchu alipahna vokhehkho alaar isa ivaarna yngeen nache matik icha ing nensinii khaenava.

2 THESALONIA 1:5

Hava vakhae inge amandang chuve Thangnang vajeer i manthiingna vokhehkho nenuw ing ijachaam nenpha khaena hungindang chuve, nenuw ing Thangnang iruwng lipahchu ipha matik nenchanii khaenava.

1 TIMOTHI 6:18

Isa nong tuae rasiing, isa nong tunache savang aerasii, ipeehnii ihae ynsuwh ae rasii,

2 TIMOTHI 4:18

Aafhuw inche isamah nongtu tanii chaap ikarpeeh naka thangbaen iruwng lipah ipha ing eenruwfhuw vaata. Aafhuw ningna ichen naemah ing ympah ynsuwhrasii, Amen.

2 TIMOTHI 4:8

Atii ichum ynthiing khaena iphafhuw phurchiichu kakhaena ynsiihpeehpa, amachu ichum vajeer itupa Aafhuw inche kaningna ama inii nache ipivaata; havi kakhae napang mahva, Aafhuw ing jungindang vachii aning amansiih mee vakhae khaena khomva.

HIBREEU 11:26

Ijeep lerchii ipha changchenve Khrista khaena ynrakuh kapha inche iruungpak lerchiiva ichii ing aripa; yngkhaena ynchii imbe ama ing nuwtanii nongmen iphafhuwchu aabuwrpa.

JEMS 1:12

Batheem akhaangsah meechu bor aphava; akhaechuve isajaeh ing ingiircheh vakhaka, Thangnang ing aning amansiih ae khaena chongreep atu inuwzii ing iringnii phurchiichu ama ing phavaata.

JEMS 1:16

Kaningsiih kauw kanae ae, nenuw yngkheh yngkheh ynchaemahruw.

JEMS 1:19

Kaningsiih kauw kanae ae, nenuw ing havi manghuwruw, amachuve mee vakhae ing singsii ing omva nenchiiva, changvakonchu asiitahna amanghuwsii, ichong tahna idim vokhehkho barung isiisiimah ynsuwhva nenchiiva;

JEMS 1:9

Achuw yngkheh sara meechu Thangnang ing aathohsah raenche rotharoh phavaata,

1 PITAR 1:4

Chukhaenache Thangnang ing amee ae khaena asiih lerchiichu iphanii inche maating yngensahva. Ama ing thangbaen nache maangmahvachii, jungthukmah-vachii vokhehkho chuwrmahvachii nengkhaena ynsiihpeehpa.

2 PITAR 1:11

vokhehkho Aafhuw Jesu Khrista alipah nache ivaruwhnii nengkhaenache ynriimjor ing ipivaata.

AMANDANG 2:9

Ijachaam inempak napha ing vokhehkho sara naeriing ing omnachii-atatak chuve nang savang nachii ichii kamanghuwsa! Nataklina Jehudi mah aenche Jehudi pung ta aeka engabu aenche isamah ing ichong aechu kamanghuwsa; enuw aekha umlae mee ynsuwh ruwrpae.

AMANDANG 21:7

Achehcheh mee inche havana lerchii i phasa vaata, amanche ki ing akhaena Thangnang vakata vokhehkho kasiti vaata.

AMANDANG 3:18

Amatah nache naningna kariirpeeh nahchii amachuve, kaningna ynthiingjaeh sana iriira amanache savang fhuwraang suwhvaanta, peenkho iriinana ningjaknii asae ing omchiikha mangkhumla vokhehkho richii barim isa iriinana namik aekha inuwrla amanache ynthiingkiir ing muvaanta.