JEMS 1:5 - ITHAR CHONGHAK

⁵ Chukhaenache nenuw achuw yngkheh losing vaehnave, aangkhengna ipeehnii ihae vokhehkho ynrakuhfhuw omah Thangnang ningtingche heniihsa rasiing; Aafhuw inche aningna jepivaata.

JEMS 1:5 Iomraidhean Croise

METHIU 11:20

Aanuwchak nache ama ing isuwh-mahri nong aajaeh atunii khuw aechu ynchah ahenbasenpa, akhaechuve enuw embarungriir huungmahdehsae.

MAAK 16:14

Aanuwnache suum ariingkheh aeng imaarnii khaena engongrae Jesu ing eningna yndangsa; amana enuw ing enthachamah vokhehkho embarungriir ipir khaena aasae ae, akhaechuve Jesu ing ahangring inuwting enuw ing muaeka enthachamah khaenava.

JOHON 14:13

Karuming nache nenghenii vakhaechu ki ing tuvakata, amana chembe ampa alaar isachu asapa ajaarnache yndangvaata.

JOHON 15:7

Nenuw ing kaningna ongjaeh tanuwka vokhehkho kachongchu neningna ongjaeh nave, nenuw ing nemandenchu heniihruw amanche phava nenta.

JOHON 4:10

Jesu ing abasang, “Thangnang ing ympeehchu ynchiiva vokhehkho infhuw chii ynniih ama meechu achuwva ichii nang ing manghuw taniive, nang ing niihromva nachiiva, amanche naningna iringnii chiichu ama ing ipirom vachiiva.”

2 KORINTHIA 2:16

amanche ithii tanii ithii barim omna, iring tanii iring barimchu omna. Amana nongruw havi khaena chembe atucheh aricheh meechu achuwva?

JEMS 1:17

Isa kikthuur vakhae i Thangnang taniiva, vokhehkho ampa ningtanii ireng chuva. Aafhuw aningna chembe ynteh, ympeen ichii i aruvaam rapkho omah.

JEMS 3:17

Changva-konchu chungtanii losing chuve aren ynthiing chuva, idae aadik, idim, chongriirnii nungae, ningchuwh ing isip vokhehkho isa nongna aanla amangom, barungriir fhuwm ynvaemah, vokhehkho isachaang tuning tamah.

JEMS 5:16

Chukhaenache ina chuwchu adamnii khaena, isii icher nentaklina omchu yngkheh yngkheh ynriirnuwna amanche yngkheh ing yngkheh khaena Thangnang tingche thamruw. Ichum mee ing athamsah chuve nong ituna inempak ruwreng pirna.

1 JOHON 3:22

Aningna ynniihsah vakhae ymphasa, akhaechuve achonghak ymmanjii vokhehkho apensannii yntutah nachenva.