JEMS 1:12 - ITHAR CHONGHAK

¹² Batheem akhaangsah meechu bor aphava; akhaechuve isajaeh ing ingiircheh vakhaka, Thangnang ing aning amansiih ae khaena chongreep atu inuwzii ing iringnii phurchiichu ama ing phavaata.

JEMS 1:12 Iomraidhean Croise

METHIU 10:22

Mee vakhae ing nenuwchu ki kakhaena ibatir vaatae. Changvakonchu achuw yngkheh inche achinii ipha ing khaangcheh nave ikarpeeh pharem vaata.

METHIU 25:34

Changlaenche iruwng inche tachangna ong vakhae tingche tavaata, ‘Huungruw, kapa bor apha vakhae, laaruw paam abasenlimna nengkhaena ynruthongpeeh iruwng lipahchu phasaruw.

LUK ING ABAZIIH ISA CHONG 6:22

“Mee Sapa khaena mee ae ing ibatir ae naka, ynrumah ae, ningjak ympiae, vokhehkho nenrumingchu thang mansii ae nave, nenuw bor nenphava!”

ROMIO 5:4

ikhaang-cheh inche isa suwhnii ahenreensa, amanche isa suwhnii inche ning-manden ahenbasuwsa.

ROMIO 8:28

Thangnang aning amansiih mee ae khaena, vokhehkho ama ing amanden inuwzii ing a-een ae ningnache isachu tupeeh ae ningka achiiva ichii inuw ing ymmanghuwsa.

1 KORINTHIA 2:9

Changvakonchu ynziihka omna, “Mik ing amumah, na ing asiimah, vokhehkho laaruw mee barungriirna isuwhmah aangkhengchu, Thangnang aning amansiih ae khaena Thangnang ing asirpa.”

1 KORINTHIA 8:3

Changvakonchu achuw yngkheh ing Thangnang chu aning mansiih nave, ama meechu Aafhuw inche amanghuwsa.

1 KORINTHIA 9:25

Itaen yntaarniina achehnii ing atuther mee chaap ing ataksahchu aangkhenglaangna achehnii ing atunah. Changvakonchu enuw inchembe maangvachii phurchiichu iphanii khaena taennae, inuw chuve maangmahdeh vachii phurchiichu iphanii khaena taenmanuw.

2 TIMOTHI 2:15

Nang ing nacheh vakhae Thangnang ing ynrunii khaena nataksahrap ympidehra, nongtu meechu utaraenkho ningjak phanii omah, ichum chongchu isajaeh ing bachuwtherla.

2 TIMOTHI 4:8

Atii ichum ynthiing khaena iphafhuw phurchiichu kakhaena ynsiihpeehpa, amachu ichum vajeer itupa Aafhuw inche kaningna ama inii nache ipivaata; havi kakhae napang mahva, Aafhuw ing jungindang vachii aning amansiih mee vakhae khaena khomva.

HIBREEU 10:32

Nenuwchu ymmanreng aanuwna nenuw ing ijachaam yndaar thoh ipirpak ing yntuwhfhuw chuwka nengkhang mamaennii inii chaapkha ynsiiruw.

HIBREEU 11:17

Abraham barungriir a-entah nache athacha inche Isak chu chaatha ing apeehpa. amanche chongreep vakhaechu rotharoh ing aphasah ama ing yngkhehpang adeen asapachu chaatha ing apeeh.

HIBREEU 12:5

Thangnang ing asiti ae vaang ynthohsahnii chongsae neningna ichongkha nenbahirva? “Kasiti, Aafhuw ing eechahchu riithiih mahra, vokhehkho ynrakuh raenche changtak mahra.

HIBREEU 6:15

Jinge ichii ing Abraham inche hengkhaangka Thangnang chongreep aphapa.

JEMS 2:5

Kaningsiih kauw kanae ae, rungaeruw, thacha nache savang suwhnii ing vokhehkho Thangnang chu ning amansiih ae ningna iruwng lipah phanii khaenache sara aechu Thangnang ing aateermah paekhang?

JEMS 5:11

Enruw, ikhaang acheh mee aechu bor aphapae. Jop ing ikhaang achehchu nenuw ing nensiipa vokhehkho Aafhuw ing akuurchiimna asirpeeh chukho nensiipa. Aafhuw chuve ningchuwh vokhehkho ningsiih barungriir ing isipva.

1 PITAR 3:14

Changvakonchu nenuw ing ichum khaena ijachaam khaang tanuwve bor nenphava. Enuwchu chiimah aeruw vokhehkho jamahruw.

1 PITAR 4:13

Changvakonchu Khrista alaar isachu aandanglaenche athiseh ing nungaepak inche nenrotha rohnii khaenache, Khrista ijachaamchu sarup phahaknii khaena nenrotha manrohruw.

1 PITAR 4:14

Nenuwchu Khrista khaena ningjak ipiae nave bor nenphava; akhaechuve alaar isa laetha vokhehkho Thangnang laetha inche nentaklina ongva.

1 PITAR 5:10

Nenuw ing apha topoh khaena ijachaam nenpha aanuwnache, ichen naemah Khrista alaar isa khaena nenuwchu yngeen, tungsiih aangkheng Aafhuw Thangnang atakrap inche imanthiing vaata, imanehther vaata vokhehkho imanpir vaata.

1 PITAR 5:4

Amana aanchung jaocheer ing ajungindanglaenche nenuw ing chuwrmah vachii alaar isa phurchiichu phavanenta.

1 JOHON 4:19

Inuw ing Thangnang ynning ymmansiih i ama ing amaensana aning ymmansiih tahnava.

AMANDANG 2:10

Ijachaam aajaeh henphava nachii khaenache nabarungriir manjamahra. Rungaera! Ichamah umlae ingkhe nabarungriirchu ennii khaena nisuummeh sungna achuw yngkheh chuve kaeshum ting ithin naka jaavanenta. Amachu ithiinii vakhangnare khaangther nana imandenteehra, amana chembe ki ing iringnii phurchii pivakachii.”

AMANDANG 3:19

Kaning kamansiih chuve kaasaenah. Kariirpeehchii i manernana isii tanii hunganrisara.

AMANDANG 3:21

Isii laar acheh meechu kaaruwngpham ongnii nache kabuumna mangongva kata. Yngkhaena ynchii imbe katak kho isii laarchu cheh ingka kapa ongnii iruwngpham ongniina ongning.”