San Lucas 9:23 - Maya Mopán

²³ Pues te'i. Uchi u t'an a Jesus etel tulacaloo' a cristianojo. —Wa yan mac u c'ati u c'ümeen ti'i u noochili, yan u p'ütic u betic c'u' a qui' tu wich u betic wa'ye' yoc'olcab. Sansamal yan u muc'yajtic boon a yaj a tan u tz'abül ti'i u men tan u tz'ocsiquen. Ti baalo'o, tan u betic jabix a mac a tan u bensic u cruz ti'i ca' quimsabüc tuwich. Le'ec a jabix abe' a qui' ca' talac tin pacha,— cu t'an a Jesusu.

San Lucas 9:23 Iomraidhean Croise

Romanos 8:13

Wa cuchi jumpul tane'ex a betic u c'asile'ex a na'ata, p'aatüle'ex a ca'a cuchi ti quimene'ex ti'i a Dioso. C'u' betiqui, wa ca' a p'üte'ex a cüxtique'ex a sip'il abe'e, jabix cuchi a quimsaje'ex a sip'il abe' etel u muc' u Püsüc'al a Dioso, yan te'ex a cuxtal etel a Dioso.

Colosenses 3:5

Pues te'i. Jumpul p'üte'ex a betic u c'asil a na'ate'ex a ti'i a yoc'olcab jabix cuchi tane'ex a quimsic a tucul abe'e. Le'ec abe'e, le'ec a cüjtal etel a ca'ax macaca, u tuclabül a c'ac'as tucul yoc'ol ix ch'up y yoc'ol a winiqui. Le'ec abe'e, u tz'i'lajbül u bete' a c'as ti'i ix ch'up y ti'i a winiqui. Le'ec abe'e, u tz'i'lajbül u bete' ulaac' a c'asili. Le'ec abe'e, le'ec u tz'i'lajbül a c'u' a ti'i ulaac'a. Le'ec ti tan u tz'i'lic a c'u' a ti'i a ulaac'a, tan u tz'eec abe' ti'i u diosil.

2 Timoteo 3:12

Le'ec boon a tanoo' u tz'ocsic a Jesucristo etel tulacaloo' u yool tu jajili, beloo' u ca'a betabül a yaj ti'ijoo' u men a ma' ta'achoo' u tz'ocsic a Dioso.

Tito 2:12

Le'ec a Dioso, tan u tze'ectico'on yoc'ol ca' ti p'ütü' ti c'ajsic tulacal a ba'al a ma' qui' tu wichi. Tan ilic u tze'ectico'on yoc'ol ca' ti p'ütü' ti c'atiintic a c'as yoc'olcaba. Tan ilic u tze'ectico'on yoc'ol ca' ti se' tucle ti bajil etel c'u' a bel ti ca'a ti bete'e. Toj cuchi ti na'at. Que'en cuchi ti wool etel Dios ti que'eno'on wa'ye' yoc'olcab.

Hebreos 13:13

Baalo' ti yan, mentücü, co'ne'ex ti culpachte c'u' a qui' tu wich u betic a cristiano yoc'olcab bete cuenta tan ti beel pach caj etel a Jesus ti c'ümü' a yaj jabix ala'aji.