San Juan 13:8 - Maya Mopán

⁸ —Ma' yan q'uin a p'o'ic in woc,— cu t'an aj Pedro ti'iji. —Wa ma' tin p'o'iqui, ma' ta p'aatül tin wet'oquech,— cu t'an a Jesus ti'iji.

San Juan 13:8 Iomraidhean Croise

San Mateo 16:22

Pues te'i. Le'ec aj Pedrojo, u joc'saj a Jesus tu junal. —Noochil, Dios ca' u cününteech. Ma' tu yuchul tech jabix a wadaja,— cu t'an aj Pedro ti'ijil.

San Mateo 21:29

—“Ma' in c'ati beel,” cu t'an ti uchi u nuuc. Mas pachili, u jelaj u tucul. Bini ilic ich col,— cu t'an a Jesusu.

San Mateo 26:33

—Ca'ax u p'üteechoo' tulacaloo' u men c'u' a bel a ca'a a c'ümü'ü, inene, ma' yan q'uin in p'ütiquech,— cu t'an aj Pedro ti'i a Jesusu.

San Mateo 26:35

—Ca'ax in wetquimilech, ma' tin wadic wa ma' in weel a wich,— cu t'an aj Pedro ti'i a Jesusu. Baalo' ilic u yadajoo' u chucaan u yaj cambal.

San Juan 13:6

Naatz'i tu tzeel aj Simon Pedrojo. —Noochil, ¿bel wa a ca'a a p'oo' in woc?— cu t'an aj Pedro ti'iji.

San Juan 13:9

—Noochil, ma' jadi' in woc a ca' a p'oo'i. P'o' in c'ü' y p'o' in pol,— cu t'an aj Simon Pedro yoc'lal ca' culac ti'i u yet'oc.

San Juan 3:5

—Bel in quin wadü' tech u jajil,— cu t'an a Jesus ti uchi u nuuc tucaye'. —Wa ma' tu yantal a mac etel ja' y etel u Püsüc'al a Dioso, ma' tu yoc'ol ichil u cuenta a Dioso,— cu t'an ti'i.

Hechos 22:16

“Aleebe liq'uen. ¿C'u' a tan a paac'tiqui? C'aate ti'i a Noochtzil ca' u sa'tes a sip'il. C'ümü' a ocja'a,” cu t'an ten aj Ananiasa,— cu t'an aj Pablo ti'ijoo' u yaabil a cristianojo.

1 Corintios 6:11

Yan ta yaame'ex u betajoo' ti baalo' ti ma'ax to u c'üm-ooltoo' a Cristojo. C'u' betiqui, le'ec ca' a c'üm-ooltaje'ex a Noochtzil a Jesucristo etel u Püsüc'al a Dioso, sa'tesabi a sip'ile'ex. P'aate'ex ti'ije'ex Dios. Ilbe'ex ti toje'ex a na'at u men Dios.

Efesios 5:26

U c'ubaj u bajil ti baalo' ti'i ca' p'aatücoo' a hermano ti'i a Dioso. U sa'tesaj ti sip'il ichil u quimil, bete cuenta u yichnesajo'on etel a ja'a, y etel u t'an ca' joc'oc a c'as tiqui woc'ol.

Colosenses 2:18

Yan c'u' u c'ati u tz'aa' to'on a Dioso. Ti'i ti c'ümical abe'e, ma' qui' ca' ti ch'a'e'ex ti cho'bol u men ma'ax mac. Le'ecoo' aj cho' abe'e, walacoo' u yadic ti yane'ex a choq'uic a bajil a bete'ex jabix ma' nooche'ex u wichil a meyaj. Le'ecoo' aj cho' abe'e, walacoo' ilic u yadic ti yane'ex a c'ajsic u yaj xa'num a Dios ti ca'ana. Top que'enoo' u yool tu pach c'u' a walacoo' u nümültiqui. Aj cho'oo' abe'e, top walacoo' u tuclic ti noochoo' u wichil u meyaj. Top tanoo' u yool tu pach a c'u' a ti'i a yoc'olcaba.

Colosenses 2:23

Le'ec u t'anoo' aj cho' abe'e, jabix top c'abeet ti'i u c'ajsabeeb a Dios ti ca' u yuboo'. Walac u tz'eec ti'i a mac jabix top que'en u yool u c'ajes a Dioso. Walac ilic u tz'eec ti'i a mac ca' u bete' jabix ma' nooch u wichil u meyaj. Walac ilic u tz'eec ti'i a mac ca' u ma'ma'alcunte u bajil. C'u' betiqui, ma'ax c'u' aj beel u men ma' tu paatal u jelic u tucul jumpul a ma'ax mac ti baalo'.

Tito 3:5

Le'ec a Dioso, u sa'altajo'on ma' u men a qui' ti betaji, pero u men u ch'a'aj ti wotzilil. U sa'tesaj ti sip'il, y yanajo'on u ca' sut. U tücaa'taj u Püsüc'al ichil ti püsüc'al ca' u qui'cunte ti na'at.

Hebreos 10:22

co'ne'ex ti naatz'ül jiil tu tzeel a Dioso. Le'ec ti tan ti naatz'ülü, ti weel ti ma' yan ti ca' p'eel ti tucul. Ti weel ilic ti bel ti ca'a c'ümbül. Tojaji ti na'at jabix ac p'o'a'an ti qui'. Ma' ca' yaj ti wool etel ti sip'il u men sa'tesabi ta wichi. Joc'sabo'on ichil a c'as jabix ichno'on etel a quich'pan ja'a.

Revelacion 1:5

In c'ati ilic xan cuchi ca' tz'abüc te'ex abe' u men a Jesucristojo. Le'ec ala'aji, le'ec a testigo a jaj u t'ana. Le'ec ilic ala'i a ca' cuxlaji payanbej tu yaamoo' a quimene. Le'ec ilic ala'i xan, u Noochiloo' boon a rey yoc'olcaba. Yaj u yubo'on ala'aji. Le'ec ti quimiji, u joc'sajo'on ichil ti sip'il.

Revelacion 7:14

—Noochwinic, ma' in weel, pero ¿ma' wa a weel inchech macoo' y tuba taloo'?— queen ti'i. —Le'ecoo' ado'o, le'ec a joc'saboo' tuba tan to a top yaja. Tojquinboo' u na'at u men u betajoo' jabix u p'o'ajoo' u noc' etel u q'uiq'uel a Carnerojo ca' p'aatüc ti süc, le'ec ca' u c'üm-ooltajoo' a Cristojo,— cu t'an ten.