Zake 5:20 - KÃAB-PAALGÃ KOE-NOOGO

²⁰ bɩ y bãng tɩ ned ning sẽn leb n tall-a yel-wẽn-maandã t'a bas meneng sorã n lebg n wa wã, a fãaga ned yõore, la a sõng-a t'a paam yel-wẽn wʋsg sugri.

SEBR SÕNGO

²⁰ yẽ soab bãnge t'a fãaga a sɩɩga kũum nugẽ la a na paam a yel-wẽn ka tɛk sugri.

WẼNNAAM SEBRE 2014

²⁰ bɩ y bãng tɩ ned ning sẽn leb n tall-a yel-wẽn-maandã t'a bas meneng sorã n lebg n wa wã, a fãaga ned yõore, la a sõng-a t'a paam yel-wẽn wʋsg sugri.

Zake 5:20 Iomraidhean Croise

A Zã Sõng 5:24

Mam yeta yãmb sɩd-sɩd tɩ ned ning fãa sẽn kelgd mam goama, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ.

Rom Dãmba 11:14

tɩ sã n tõe, bɩ m kɩt tɩ sũ-kiir yõk mam buudã, tɩ m tõe n fãag neb kẽere.

1 Korẽnt rãmba 1:21

Bala, dũni wã sẽn ka tũnug Wẽnnaam yamã n bãng bãmbã, a meng yama pʋgẽ wã yĩnga, a taa Wẽnnaam yam tɩ tall koe-moonegã yalemda n fãag neb nins sẽn tẽedã.

1 Korẽnt rãmba 9:22

Ne neb nins sẽn be pãn-komsem pʋgẽ wã, mam yɩɩ pãn-komsem soaba, tɩ m tõe n paam pãn-komsem dãmbã. Mam maana m meng tɩ yɩ bũmba fãa naaba fãa yĩnga, tɩ sẽn wa n ya neng ning fãa, bɩ m fãag neb kẽere.

1 Tɩmote 4:16

Mao n gũus f menga, la f gũus ne zãmsgã. Wɩng ne bõn-kãense, bala, fo sã n maan a woto, fo na n fãaga f menga, la f fãag neb nins sẽn kelgd foomã.

A Fɩlmo 1:19

Mam a Poll n gʋlsd gom-kãnga ne mam menga nug tɩ m na n yao-f lame. La mam ka na n yeel foo tɩ fo tara samde, la fo menga yaa maam n so ye.

Zake 1:15

La yĩngã ratem sã n dɩk pʋga, a rogda yel-wẽnde. La yel-wẽndã sã n wa n bɩ, a wata ne kũum.

Zake 1:21

Yaa woto yĩnga, bas-y rẽgd buud fãa, la pʋ-toog fãa, la y reeg gomd ning b sẽn bʋd yãmb pʋgẽ la sẽn tõe n fãag yãmb sɩɩsã ne sũ-bʋgsem.

Zake 5:15

Tẽeb pʋʋsg na n fãaga bãadã, la Zu-soabã na n yik-a lame, la a sã n da maana yel-wẽna, a na paam sugri.

Zake 5:19

M ba-biisi, yãmb ned a yembr sã n menem n zãag ne sɩdã, tɩ ned a to leb n tall-a t'a wa a pʋgẽ,

1 Pɩyɛɛr 4:8

La sẽn deng bũmb fãa, nong-y taab daar fãa. Bala, nonglem luta yel-wẽn wʋsgo.

Vẽnegre 20:6

Neb nins sẽn naag n paam dẽenem vʋʋgrã tara bark la sõmblem. Kũum a yiib soabã ka tar b tʋʋmd ye. Bãmb na n yɩɩ Wẽnnaam ne Kiristã maan-kʋʋdba, la b na n dɩɩ naam ne Kiristã yʋʋm tusri.