Zake 5:19 - KÃAB-PAALGÃ KOE-NOOGO

¹⁹ M ba-biisi, yãmb ned a yembr sã n menem n zãag ne sɩdã, tɩ ned a to leb n tall-a t'a wa a pʋgẽ,

SEBR SÕNGO

¹⁹ Ned sã n bʋdge n bas sɩd sore tɩ neda to le tall-a n wa,

WẼNNAAM SEBRE 2014

¹⁹ M ba-biisi, yãmb ned a yembr sã n menem n zãag ne sɩdã, tɩ ned a to leb n tall-a t'a wa a pʋgẽ,

Zake 5:19 Iomraidhean Croise

A Matiye Sõng 18:15

Fo ba-biig sã n maan yel-wẽnde, kẽng n tɩ yã-a, foo ne yẽnda bala n wilg-a a kongrã. A sã n kelg foom, fo paama f ba-biiga.

A Luk Sõng 22:32

La mam pʋʋsa fo yĩnga, tɩ f tẽeba ra wa paoog ye. La fo sã n lebg n wa mam nengẽ, bɩ f paas f ba-biisã raoodo.

Galat Rãmba 6:1

M ba-biisi, yãmb sã n ling ned t'a beegdẽ, Wẽnnaam Sɩɩgã sẽn be ne yãmbã yĩnga, bɩ y sagl a soab ne sũ-bʋgsem, t'a tõe n le rɩk so-tɩrgã. Gũus f menga, tɩ fo me ra wa n paam makr ye.

1 Tɩmote 6:10

Bala, ligdã nonglem yaa bõn-wẽnsã fãa yẽgre. La neb kẽer sẽn nong ligd wʋsgã menemame n zãag ne tẽebã, la b sɩbga b mens ne tood buud toay-toaya.

1 Tɩmote 6:21

Neb kẽer sẽn dɩk bõn-kãens tɩ yɩ b tʋʋmdã ka tõog n ta zĩig ning b sẽn da tog n ta tẽebã wɛɛngẽ wã ye. Bɩ barkã zĩnd ne yãmb fãa.

2 Tɩmote 2:18

Bãmb bʋdg n basa sɩdã, n yetẽ tɩ kũum vʋʋgrã zoe n loogame, la b leebda neb kẽer tẽebo.

Ebre rãmba 5:2

Yẽ tõee n wʋma zɩtbã ne neb nins sẽn bʋdgã võore, bala yẽ mengã bee pãn-komsem pʋgẽ.

Zake 1:16

M ba-bi-nongdse, da tudg-y y mens ne yel-kãng ye:

Zake 1:19

M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goama, la a maag ne sũ-yikri.

Zake 3:14

La sũ-ki-toaag sã n be yãmb sũuri, tɩ geesem-geesem me beẽ, da waoog-y y mense, la y da yag zĩrĩ n kɩɩs sɩdã ye.

Zake 5:20

bɩ y bãng tɩ ned ning sẽn leb n tall-a yel-wẽn-maandã t'a bas meneng sorã n lebg n wa wã, a fãaga ned yõore, la a sõng-a t'a paam yel-wẽn wʋsg sugri.

2 Pɩyɛɛr 3:17

Woto yĩnga, m ba-bi-nongdse, yãmb sẽn pĩnd n paam tɩ b keoog yãmbã, maan-y gũusgu, tɩ neb nins toog sẽn ka be ne Wẽnnaam sakrã bʋdgrã da wa tus yãmb tɩ y ka leb n yas kãenkãe yɛs ye.

A Zʋʋde 1:11

Bãmb na paam toogo, tɩ bõe, b tũu a Kaẽ sorã, bãmb kẽesa b mens a Balaam tudgrã pʋgẽ, yaood yĩnga. La bãmb sẽn kɩɩs wala a Koore wã, b sãamame.