Zake 5:16 - KÃAB-PAALGÃ KOE-NOOGO

¹⁶ Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.

SEBR SÕNGO

¹⁶ Wilg-y taab y beegre fãa. Pʋʋs-y n kõ taaba tɩ y fãa paam sãoogre. Nin-sõng sã n yõk sɛɛga, wa a sẽn tõe tɛka, a tara pãnga.

WẼNNAAM SEBRE 2014

¹⁶ Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.

Zake 5:16 Iomraidhean Croise

A Matiye Sõng 21:22

Yãmb na n paama bũmb ning fãa y sẽn na n pʋʋs n kos ne tẽebo.

A Matiye Sõng 3:6

La bãmb vẽnegame n togs b yel-wẽna, tɩ yẽ lis bãmb Zʋrdẽ koomã pʋgẽ.

A Mark Sõng 1:5

Zude rãmba ne Zeruzalɛm dãmba yitame n kẽngd yẽ nengẽ, n vẽnegd n togsd b yel-wẽna t'a lisd bãmb Zʋrdẽ kʋɩlga pʋgẽ.

A Luk Sõng 9:6

A Zezi karen-biisã loogame n kẽng tẽng tẽnga, n moond koe-noogã, la b maagd neb zĩiga fãa.

A Zã Sõng 9:31

Tõnd miime tɩ Wẽnnaam ka leokd yel-wẽn maandb pʋʋsg ye. La ned sã n waoogd Wẽnnaam la a tũud bãmb daabã, Wẽnnaam leokda yẽnda soaba.

Tʋʋma 10:38

Yãmb bãnga sẽn yɩ to-to tɩ Wẽnnaam sik b Sɩɩg-sõng pãngã Nazarɛt dao a Zezi zugã. La sẽn yɩ to-to me t'a Zezi saag tẽngã n maan neer n maag neb nins fãa sẽn dag n be Sʋtãana yembd pʋgẽ wã, tɩ bõe, Wẽnnaam bee ne bãmba.

Tʋʋma 19:18

Neb nins sẽn tẽ wã wʋsg dag wat n togsda b sẽn da maan bũmb ninsã neba taoore.

Tʋʋma 8:24

A Sɩmo yeel-b lame yaa: Yãmb mens pʋʋs Zu-soabã mam yĩnga, tɩ bũmb nins yãmb sẽn yeelã ba a yen da paam maam ye.

Rom Dãmba 3:10

wa sẽn gʋlsã: Ned sẽn zems ka be ye! Baa a yen ka ye.

Rom Dãmba 5:19

Sɩd me, a wa ned a yen tãa kɩɩsg yĩng sẽn kɩt tɩ neb wʋsg lebg yel-wẽn maandba, woto me, ned a yen tãa sakr yĩnga, b na n kɩtame tɩ neb wʋsg lebg tɩrse.

Kolos Rãmba 1:9

Yaa woto yĩng n kɩt tɩ sẽn sɩng ne daar ning tõnd me sẽn wʋm kiba-kãngã wã, tõnd pʋʋsda Wẽnnaam yãmb yĩng n ka basdẽ ye, la d kot Wẽnnaam tɩ b pids yãmb sũyã ne bãmb daabã bãngre, la b kõ yãmb yam fãa, ne bãngr ning Sɩɩg-sõng sẽn kõtã.

1Tesalonik Rãmba 5:17

Pʋʋs-y n da bas ye.

1Tesalonik Rãmba 5:23

Bɩ Wẽnnaam sẽn so laafɩ wã maneg yãmb yĩn-tõrã b toor tɩ yɩ sõama zãnga, tɩ tõnd Zu-soab a Zezi Kirist waoongã daare, bɩ b mik tɩ rõdb ka be yãmb belma pʋgẽ ye, sã n yaa y Sɩɩgã, wall y yĩngã pʋgẽ.

1Tesalonik Rãmba 5:25

D ba-biisi, pʋʋs-y Wẽnnaam tõnd yĩnga.

Ebre rãmba 11:4

Yaa ne tẽeb la a Abɛl maan maoong sẽn be yõod n yɩɩd a Kaẽ rẽndã n kõ Wẽnnaam. Tẽebã yĩnga, Wẽnnaam yeelame t'a Abɛl yaa nin-tɩrga. Bãmb mengã kɩsa yẽ kũum kaseto, la tẽeba yĩnga, baa ne a Abɛl sẽn ki wã, a ket n gomdame.

Ebre rãmba 11:7

Yaa ne tẽeb la a Nowe, wakat ning Wẽnnaam sẽn wilg-a bũmb nins neb sẽn dag n nan ka yãtã, a zoee Wẽnnaam dabeem, n ka koom-kogl-bedre, n na n fãag a yirã rãmba. Yaa tẽebã yĩng la a wilg tɩ dũni ka bʋʋm ye, la a paam tɩrlem sẽn paamd ne tẽebã.

Ebre rãmba 12:13

Bɩ y naowã tũ so-tɩrse, tɩ sẽn keoosd-a wã da wa bʋdg ye, la b pʋs n paam maagre.

Ebre rãmba 13:18

Pʋʋs-y tõnd yĩnga. Bala, tõnd miime tɩ d sũur kaset yaa sõama, la d tara ratem tɩ d yel-manesmã na yɩ sõama ne neba fãa.

1 Pɩyɛɛr 2:24

Kirist meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn ya wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.

1 Zã 3:22

tõnd sẽn kot bũmb ninga fãa, bãmb kõta tõndo, tõnd sẽn sakd bãmb tõodã la d maand sẽn tat bãmb yamã yĩnga.