Zake 3:6 - KÃAB-PAALGÃ KOE-NOOGO

⁶ Zelemd me yaool n yaa bugum, a yaa wẽng zĩ-kãsenga. Zelemd bee tõnd yĩnga wila sʋka, a rẽgemda yĩngã tõre, la a wɩngda tõnd vɩɩmã tõr t'a lebg bas. A bugma yita bug-tẽnga.

SEBR SÕNGO

⁶ Zelemd yaa tõnd yĩnga wilga la a me yaa bugum n pid ne wẽnem. A rẽgemda tõnd yĩngã, a rɩta d vɩɩma zãnga la a moka a bugma bugum yiri.

WẼNNAAM SEBRE 2014

⁶ Zelemd me yaool n yaa bugum, a yaa wẽng zĩ-kãsenga. Zelemd bee tõnd yĩnga wila sʋka, a rẽgemda yĩngã tõre, la a wɩngda tõnd vɩɩmã tõr t'a lebg basɩ. A bugmã yita bug-tẽnga.

Zake 3:6 Iomraidhean Croise

A Matiye Sõng 12:24

La Fariisẽ-dãmbã sẽn wʋm woto, b yeelame: Dao-kãngã ka rigd zĩn-dãmbã tɩ sã n ka ne zĩn-dãmbã naab a Belzebul pãng ye.

A Matiye Sõng 5:22

La mam yeta yãmb tɩ ned sũur sã n yik ne a ba-biiga, a zemsame tɩ bʋ-kaoodbã kao yẽ bʋʋdo. Ned sã n yeel a ba-biig t'a ka bark ye, a zemsame tɩ kaorengã yɛl bʋ-bʋʋdbã kao a bʋʋdo. La ned sã n yeel a ba-biig tɩ yalma, yẽ soab zemsa bug-tẽnga.

A Mark Sõng 7:15

Bũmb ka be n kẽed ninsaal pʋgẽ n tõe n kɩt t'a lebg rẽgd ye. Yaa bũmb ning sẽn yit ninsaal pʋgẽ wã n kɩtd t'a lebg rẽgdo. [

A Luk Sõng 16:24

Yẽ zẽka a koɛɛg n yeel: “M ba a Abraham! Zoe-y mam nimbãanega, n tʋm a Lazaar t'a tẽk a nug-bil koomẽ n wa n wʋlg m zelemdã. Bala, mam namsda wʋsg bug-kãnga pʋgẽ.”

Tʋʋma 20:30

La neb n na n yik yãmb sʋkã n zãmsd nebã sẽn ka sɩda, n maan a woto n belg tẽedba tɩ b tũ-ba.

Tʋʋma 5:3

La a Pɩyɛɛr sok-a lame yaa: Ananiyas, yaa bõe tɩ Sʋtãana soog fo sũurã hal n kɩt tɩ f yag zĩrĩ ne Sɩɩg-sõng n yãk pʋʋgã ligd fo sẽn koosã?

Tʋʋma 6:13

Bãmb waa ne zĩri kaset dãmb tɩ b yet t'a Etɛn tʋʋda zĩ-sõngã la tõogã n ka basdẽ ye.

A Titi 1:11

F tog n kɩtame tɩ b sĩndi. Bãmb lubda zags zãnga n zãmsd neba bũmb sẽn ka zems ye, n baood paoong ne zãmbo.

Zake 2:7

Dẽ yĩnga, ka bãmb n paoogd yʋ-sõng ning Wẽnnaam sẽn kõ yãmbã?

Zake 3:7

Ninsaal wõra we-rũmsã buud fãa, liuuli buud fãa bõn-vuuds buud fãa, koomẽ rũms buud fãa, n kɩt tɩ b sakd yẽnda.

2 Pɩyɛɛr 3:3

Sẽn deng bũmb fãa, bãng-y tɩ yaoolem wakate, neb sẽn laad neb n na n zĩndi. B na n yaala yãmba, b na n yɩɩ neb sẽn sakd b mens yĩngã ratem.

3 Zã 1:10

Yaa woto yĩng tɩ mam sã n wa wa, mam na n tẽega tʋʋm nins yẽ sẽn maandã, a sẽn saad n gomd tõnd yell-wẽngã. Tɩ rẽ ka sek-a ye. Yẽ mengã ka reegd ba-biisã ye, la yẽ gɩdgda neb nins sẽn dat n deeg-bã, la a rigd-b n yiisd a Zezi tẽedbã sʋka.

Vẽnegre 12:9

B riga bõnin-kãsengã, wag-kʋdrã b sẽn boond tɩ rõatã la a Sʋtãana, soab ning sẽn belgd tẽngã zĩig ning fãa neb sẽn be wã nebã. B tusa yẽnda ne a malegsã n lob tẽng zugu.

Vẽnegre 13:14

Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga.

Vẽnegre 18:23

Fɩtl vẽenem kõn leb n yãg be ye, la ned kõn le wʋm pʋg-paal sɩd ne a pʋg-paalã koees beene yɛs ye. Bala, fo toandbã dag n yaa dũni nin-kãsemse, fo belga soolem dãmba fãa ne f bagrã.

Vẽnegre 19:20

La b yõga rũngã ne zãmb no-rɛɛs ning sẽn dag n maan bõn-yɛɛsds rũngã taoor n belg neb nins sẽn deeg rũngã bãndã la b wõgemded yẽ bõn-naandgã taoorã. B loba bãmb b yiiba fãa vɩɩs bugum mogr sẽn dɩt kidbr pʋgẽ.