Zake 3:17 - KÃAB-PAALGÃ KOE-NOOGO

¹⁷ Yam sẽn yit yĩngrã yaa sõama zãnga, la sẽn paase, a baooda laafɩ, a wata ne sũ-bʋgsem, la sugri, la a pida ne nimbãan-zoeere la bi-sõamyã fãa, la a ka be bakre la zãmb ye.

SEBR SÕNGO

¹⁷ Fo sã n tar Yĩngr Soaba sẽn dat-f ne zʋg ningã, bɩf bao sɩd la laafi, sak n bas beegr taale, sak n yiis n kõ, sak n nong nimbãan-zoeere ne a tʋʋm sõma, sak n pʋɩ tɩ ned kam fãa reeg a rẽnna, sak vẽenem la f kisg lika.

WẼNNAAM SEBRE 2014

¹⁷ Yam sẽn yit yĩngrã yaa sõama zãnga, la sẽn paase, a baooda laafɩ, a wata ne sũ-bʋgsem, la sugri, la a pida ne nimbãan-zoeere la bi-sõamyã fãa, la a ka be bakre, la zãmb ye.

Zake 3:17 Iomraidhean Croise

A Matiye Sõng 23:28

Yãmb me, nebã sã n get yãmb yɩngã, yãmb yaa wa nin-tɩrse. La pʋgẽ wã, yãmb pida ne zãmbo la tʋʋm-wẽnse.

A Matiye Sõng 5:8

Bark bee pʋ-peelem dãmbã zutu, bala bãmb na n yãa Wẽnnaam.

A Matiye Sõng 5:9

Bark bee zab-paasdbã zutu, bala b na n boola bãmb tɩ Wẽnnaam kamba.

A Luk Sõng 21:15

Bala, mam na n ninga goam y noorẽ, la m kõ-y yam, la yãmb bɛɛbã fãa baa a yen kõn tõog n kɩɩs wall b wẽ no-koeemd ye.

A Luk Sõng 6:36

Bɩ y yɩ nimbãan-zoɛtba, wa yãmb ba wã sẽn ya nimbãan-zoɛtã.

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba wã nengẽ, la b pida ne bark la sɩda.

A Zã Sõng 1:47

A Filip yeel-a lame t'a wa n gese. A Zezi yãa a Natanayɛl sẽn wat bãmb nengẽ, n gom a yell n yeele: Ad Israyɛll ned sɩda, zãmb sẽn ka be a pʋgẽ ye.

Tʋʋma 11:24

Tɩ bõe, a Barnabas yaa nin-sõngo, n pid ne Sɩɩg-sõngo n tar tẽebo. La neb wʋsg tẽe Zu-soabã.

Tʋʋma 9:36

Tẽed-poak a ye n da be Zope t'a yʋʋr boond t'a Tabita sẽn dat n togs tɩ Dorkas ne Gɛrk goama. A yʋʋra võor yaa yãka: Pʋg-kãng ra maanda tʋʋm-sõamyã wʋsgo, la a sõngd naong rãmba.

Rom Dãmba 12:18

Sã n tõe, t'a yellã sã n bee ne yãmba, bɩ y kɩt tɩ laafɩ zĩnd yãmb ne neba fãa sʋka.

Rom Dãmba 12:9

Kɩt-y tɩ zãmb da zĩnd nonglem pʋgẽ ye. Kisg-y wẽnga, la y nong sẽn ya sõama wã sõama.

Rom Dãmba 15:14

Sã n yaa ne yãmb yelle, m ba-biisi, mam sũur kɛɛm tɩ yãmb pida ne sõmblem, la y pid ne bãngr fãa, la y yaa neb sẽn tõe n keoog taaba.

1 Korẽnt rãmba 12:8

Sɩd me, Wẽnnaam Sɩɩgã kõta ned a yembr yam gomde, n kõ ned a to bãngr gomde, la yaa Sɩɩg a yembr n maand rẽ.

2 Korẽnt rãmba 10:1

Maam a Poll kota yãmb ne sũ-bʋgsem, Kirist sõmblemã pʋgẽ, mam sẽn ya nin-bʋgsga, m sẽn wat n be ne yãmba la m ya nin-toaag m sẽn wat n zãr ne yãmbã.

2 Korẽnt rãmba 6:6

Tõnd wilgdame tɩ d yaa Wẽnnaam tʋmtʋmdba, ne pʋ-peelem, ne bãngre, ne sũ-maasem ne sõmblem, ne Sɩɩg-sõngo, la ne nonglem sẽn ka naag ne zãmbo,

2 Korẽnt rãmba 7:11

La ad sũ-sãoong ninga sẽn yit Wẽnnaam nengẽ wã sẽn modg yãmb tɩ y maan bũmb ninsi: A kɩtame tɩ y yiis yell y mens zutu, a waa ne sũ-pa-noaanga, a waa ne rabeem, a waa ne ratem kãsenga, a waa ne yamleoogo, a waa ne sɩbgre. Bũmba fãa pʋgẽ, yãmb wilgame tɩ y ka tar yell yel-kãnga pʋg ye.

2 Korẽnt rãmba 9:10

Soab ning sẽn kõt-a ka-koaad bõn-buudu, la b kõt-a bur t'a rɩtẽ wã na n kõo yãmb bõn-buudu, la b kɩt t'a wom wʋsgo, la b kɩt tɩ yãmb tɩrlma biis yɩ wʋsgo.

Efɛɛz Rãmba 5:9

Bala, vẽenem biis yaa sõmblem buud fãa, la tɩrlem la sɩda.

Filip rãmba 1:11

n pid ne tɩrlem biis sẽn yit a Zezi Kirist nengẽ, Wẽnnaam waoogre la b pẽgr yĩnga.

Filip rãmba 4:8

Koɛɛg sẽn keta, m ba-biisi, bɩ y tags bũmb nins fãa sẽn ya sɩda, la bũmb nins fãa sẽn tar waoogre, la bũmb nins fãa sẽn ya tɩrse, la bũmb nins fãa sẽn be pʋ-peelem, la bũmb nins fãa sẽn zems nonglem, la bũmb nins fãa sẽn tar kaset sõngo, ne bũmb nins sẽn ya neer zãng n zems pẽgrã yelle.

Kolos Rãmba 1:10

Kɩt-y tɩ y kẽnã waoogd Zu-soabã, tɩ y tõe n ta bãmb yam bũmb fãa pʋgẽ, la y wom biis ne tʋʋm sõama buud fãa, la y bɩ Wẽnnaam bãngr pʋgẽ.

1Tesalonik Rãmba 2:7

La tõnd sẽn zĩnd yãmb sʋkã, tõnd pida ne sũ-bʋgsem. A wa pag sẽn get a kamb yellã,

1 Tɩmote 5:21

Mam kota foom Wẽnnaam taoore, la Kirist Zezi taoore, la maleg-tũusdsã taoore, tɩ f tũ noy-kãens n da tũus neba, wall f bak neb kẽer n na n sõng ye.

2 Tɩmote 2:24

Wẽnnaam tʋmtʋmd yaool n ka tog ne zab ye, a tog n tara nonglem neba fãa yĩnga, la a tar zãmsg ne zɩɩb tʋkr kũuni.

A Titi 1:15

Bũmba fãa yaa yɩlemd ne neb nins sẽn ya yɩlma. La neb nins sẽn maand yel-wẽna la sẽn ka tẽedbã, baa fʋɩ ka yɩlemd ne bãmb ye. Bãmb yama ne b sũ-bãngra rẽgmame.

A Titi 3:2

Tɩ b ra gom ned wẽng ye, tɩ b ra yɩ zab zabdb ye, la b yɩ neb sẽn baood laafɩ, sẽn nong neba, n maand sũ-bʋgsem ne neba fãa.

Ebre rãmba 12:11

Yaa sɩd t'a wakatã, sɩbgr buud fãa ka sũ-noog ye, yaa sũ-sãoongo. La kaoosg pʋgẽ, a womda tɩrlem biis sẽn wat ne laafɩ neb nins sẽn paam remsgã yĩnga.

Ebre rãmba 12:14

Bɩ y bao tɩ laafɩ zĩnd yãmb ne neba fãa sʋka, la y bao pʋ-peelem tɩ pʋ-peelem sã n kaẽ, ned ka tõe n yã Zu-soabã ye.

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.

Zake 2:13

Bala, ned sã n ka tar nimbãan-zoeere, bʋʋdã me ka na n zoe a nimbãaneg ye. Nimbãan-zoeer tõogda bʋʋdo.

Zake 2:4

Dẽ yĩnga, yãmb ka tũusd neba, la y ya bʋ-kaoodb sẽn tar tags-wẽnse?

Zake 3:15

Yam kãng ka yam sẽn yit yĩngr ye. A yita tẽng zug n ya yĩng rẽnda, la zĩn-dãmb dẽnda.

Zake 4:8

Kolg-y Wẽnnaam, la bãmb na pẽneg yãmba. Yel-wẽn-maandba, nudg-y y nusã. Yam a yiib rãmbã, nedg-y y sũyã.

1 Pɩyɛɛr 1:22

Yãmb sẽn sak sɩdã n yɩlg y mensã, sẽn na n yɩlẽ n paam nonglem meng-meng ba-biisã yĩngã, bɩ y nong taab wʋsg ne y sũyã fãa,

1 Pɩyɛɛr 2:1

Dẽ yĩngã, bas-y pʋ-toog fãa, la sɩlem fãa, la zãmbo, la sũ-kiiri, la paoogr goam buud fãa.

1 Pɩyɛɛr 2:18

Tʋmtʋmdba, sak-y y zu-soben-dãmba la y zoe-ba. La ka zu-soben-dãmb nins sẽn ya nin-sõama la sũ-bʋgsem dãmbã bal ye. Sak-y neb nins sẽn ya

1 Zã 3:18

Kom-bõonego, bɩ tõnd nonglem ra yɩ noor goama wall no-noom ye. Bɩ a yɩ ne tʋʋma la ne sɩda.

1 Zã 3:3

Ned ninga fãa sẽn tẽed Kiristã yel-kãngã pidsg yĩnga, a yɩlgda a meng n lebg yɩlemd wa a Zezi Kirist sẽn ya yɩlemdã.