Zake 2:18 - KÃAB-PAALGÃ KOE-NOOGO

¹⁸ La nina na n yeelame: Fo tara tẽebo, la mam tʋmdame. Wilg maam f tẽeb tɩ tʋʋm ka tũ ye, la mam na n talla m tʋʋma n wilg foom m tẽebo.

SEBR SÕNGO

¹⁸ Yaa woto la d tog n gome: «Daoa, fo tara tẽebo tɩ mam ya tʋʋm-sõma neda, wilg maam f tẽeba sẽn ka naag ne tʋʋm-sõma wã, ti sã n ya maam yaa m tʋʋm-sõma wã n pukd m tẽebo.

WẼNNAAM SEBRE 2014

¹⁸ La nina na n yeelame: Fo tara tẽebo, la mam tʋmdame. Wilg maam f tẽeb tɩ tʋʋm ka tũ ye, la mam na n talla m tʋʋma n wilg foom m tẽebo.

Zake 2:18 Iomraidhean Croise

Rom Dãmba 14:23

La ned sã n wa sãmbd ne bũmb ning a sẽn dɩta, a bʋʋd zoe n kaoome, tɩ bõe, ka tẽeb n [kɩt t'a maan a sẽn maandã ye]. La bũmb ning fãa sẽn ka tẽeb n kɩt tɩ f maan yaa yel-wẽnde.

Rom Dãmba 3:28

Bala, tõnd geendame tɩ ninsaal paamda zemsg tẽeb yĩnga, tɩ tõog tʋʋmã toog kaẽ ye.

Rom Dãmba 4:6

Woto me, a Daviid yetame tɩ ned ning Wẽnnaam sẽn kõt tɩrlem t'a ka tʋm bũmbã tara sũ-noogo. A yeelame:

Rom Dãmba 8:1

Woto yĩnga, sɩbgr ka be neb nins sẽn be Zezi Kirist pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

Rom Dãmba 9:19

Dẽ, fo na n yeela maam yaa: Bõe la bãmb na n leb n yeel tɩ ka zemse? Bala, ãnna n tõe n kɩɩs bãmb sẽn datã?

1 Korẽnt rãmba 13:2

La mam sã n paam pĩnd-n-bãngr goam kũuni, la yel-soalma fãa bilgri, la bãngr fãa, la hal baa mam sã n tar tẽeb sẽn tõe n sers tãmse, mam sã n ka tar nonglem, mam ka fɩ.

2 Korẽnt rãmba 5:17

Ned sã n tũud Kirist, yẽ soab yaa nin-paalga. Bõn-kʋdã loogame, tɩ bũmba fãa lebg paalse.

2 Korẽnt rãmba 7:1

Woto yĩnga, m zo-nongdse, tõnd sẽn tar kãab kãensã wã, bɩ d yɩlg d mens ne rẽgd ninga sẽn dẽgemd yĩngã ne sɩɩgã, n bɩ sõmblem sẽn zems zãng pʋgẽ n paase, Wẽnnaam dabeem zoees pʋgẽ.

Galat Rãmba 5:6

Bala, bũmb ning sẽn be yõod Kirist pʋgẽ wã ka bãongã wall moonemã ye, yaa tẽeb sẽn tʋmd ne nonglem.

1 Tɩmote 1:5

Sagl-kãng võor yaa nonglem sẽn yit sũ-yolgemd pʋgẽ, la sũ-bãngr sẽn ya sõama pʋgẽ, la tẽeb sɩd-sɩd pʋgẽ.

A Titi 2:7

La fo mengã yɩ mamsg ne tʋʋm-sõama maanego, la f zãms nebã ne koɛɛg sẽn ya sɩda la sẽn zems reegre.

Ebre rãmba 11:31

Yɩɩ ne tẽeb la pʋg-yoodr a Rahaab ka naag ne ka-tẽebã rãmb n sãam ye, tɩ bõe, a reega tẽn-gũusidbã ne laafɩ.

Ebre rãmba 11:33

sẽn tall-b tẽeb n tõog soolem dãmba, la b tʋm tɩrlem tʋʋma, la b paam kãabdo, la b mum gɩgma noeyã,

Ebre rãmba 11:6

La tẽeb sã n kaẽ, ned ka tõe n ta Wẽnnaam yam ye. Ned ning sẽn wat Wẽnnaam nengẽ tog n tẽeme tɩ b beeme, la tɩ b ronda neb nins sẽn baood bãmbã.

Zake 2:14

M ba-biisi, ned sã n yet t'a tara tẽeb n yaool n ka tʋmdẽ, a yõod yaa bõe? Dẽ yĩnga, tẽ-kãng tõe n fãagame?

Zake 3:13

Ãnna yãmb sʋkã n ya yam soaba, t'a yam weke? Bɩ a yel-manesem-sõngã wilg a tʋʋm sẽn yɩt ne bʋgsem la yam.