Zake 1:27 - KÃAB-PAALGÃ KOE-NOOGO

²⁷ Ba a Wẽnnaam taoore, wẽn-tũudum sẽn ya yolemde, n ka tar wada, yaa tɩ kẽng n ges kɩɩbse la pʋgkõap b sũ-sãamsã pʋse, la tɩ gũus f meng ne dũni rẽgdo.

SEBR SÕNGO

²⁷ Wẽnnaam d Ba wã tũudem akɩka la woto: kɩɩb bɩ la pʋg-kõap yell gesgo, la b zu-loees yolsgo n paas zãag-m-meng ne zamaana rẽgd buud fãa.

WẼNNAAM SEBRE 2014

²⁷ Ba a Wẽnnaam taoore, wẽn-tũudum sẽn yaa yɩlemde, n ka tar wada, yaa tɩ kẽng n ges kɩɩbse la pʋg‑kõap b yel-pakr pʋse, la tɩ gũus f meng ne dũni rẽgdo.

Zake 1:27 Iomraidhean Croise

A Matiye Sõng 12:32

Ned ning sẽn gom-a Ninsaal Bi-riblã wẽng na n paama sugri. La ned ning sẽn na n gom Sɩɩg-sõng wẽng kõn paam sugr dũni-kãnga pʋga, la dũni ning sẽn watã pʋg me ye.

A Matiye Sõng 5:8

Bark bee pʋ-peelem dãmbã zutu, bala bãmb na n yãa Wẽnnaam.

A Luk Sõng 1:6

Bãmb b yiibã fãa dag n yaa nin-tɩrs Wẽnnaam nifẽ, la b da sakda Zu-soabã tõodã la b noyã fãa sõama.

Rom Dãmba 12:2

Da yɩ-y wa dũni kãngã nebã ye. Paam-y yam-wek-paalle, tɩ rẽ tek yãmba, tɩ y tõe n bãng Wẽnnaam daabo: Rẽ yaa sõama, n noomẽ la a zemsa zãnga.

Rom Dãmba 2:13

Sɩd me, ka neb nins sẽn kelgd tõogã n zems Wẽnnaam nifẽ ye. La yaa neb nins sẽn sakd tõogã n na n paam zemsgo.

Galat Rãmba 1:4

Kirist yaa soab ning sẽn kõ b vɩɩm tõnd yel-wẽnã yiisg yĩnga, tɩ b tõe n fãag tõnd n yiis-d dũni kõngã wẽngã pʋgẽ, wa sẽn zems tõnd ba a Wẽnnaam daabã.

Galat Rãmba 3:11

La yaa vẽeneg tɩ ned baa a yen kõn paam tɩrlem Wẽnnaam taoor tõog yĩng ye, tɩ bõe, nin-tɩrg na n vɩɩ ne tẽebo.

Galat Rãmba 5:6

Bala, bũmb ning sẽn be yõod Kirist pʋgẽ wã ka bãongã wall moonemã ye, yaa tẽeb sẽn tʋmd ne nonglem.

Galat Rãmba 6:14

La ne maam, yaa vẽeneg tɩ ka a woto ye. Mam ka na n waoog m meng ne bũmb a to tɩ ka ne tõnd Zu-soab a Zezi Kirist da-pɩkã ye. Ne maam, da-pɩkã yĩnga dũni wã yaa wa kũum, la ne dũni wã, mam me yaa wa kũum.

Efɛɛz Rãmba 2:2

Pĩnda, yãmb dag n kẽnda yel-wẽn kãens pʋgẽ wa sẽn zems dũni-kãngã sẽn kẽnd to-to wã, n sakd yĩngr pãng naabã, sɩɩg ning sẽn tʋmd wẽn-kɩɩsdbã pʋgẽ mosã wã.

1 Tɩmote 1:5

Sagl-kãng võor yaa nonglem sẽn yit sũ-yolgemd pʋgẽ, la sũ-bãngr sẽn ya sõama pʋgẽ, la tẽeb sɩd-sɩd pʋgẽ.

1 Tɩmote 5:4

Pʋgkõor sã n tar kamb bɩ yagense, bɩ kom-kãens zãms tɩ reng n zoe b meng yirã rãmb nimbãanega, n lebs bãmb bũmb nins b sẽn dag n ges bãmb yell ne wã, bala, maan-kãng nooma Wẽnnaam.

A Titi 2:12

A zãmsda tõnd tɩ d bas wẽn-kɩɩsgo la duniyã ratem wẽnsã la d vɩɩmd zamaan kãnga pʋgẽ ne gũus-m-menga la tɩrlem la d sak Wẽnnaam,

Zake 3:17

Yam sẽn yit yĩngrã yaa sõama zãnga, la sẽn paase, a baooda laafɩ, a wata ne sũ-bʋgsem, la sugri, la a pida ne nimbãan-zoeere la bi-sõamyã fãa, la a ka be bakre la zãmb ye.

Zake 3:9

Tõnd pʋʋsda Zu-soabã sẽn ya tõnd ba wã bark ne d zelemdã, la yaa ne yẽ me la tõnd kãabd neb nins Wẽnnaam sẽn naan n wẽneg b mengã.

Zake 4:4

Yãmb sẽn ya nin-yoaadbã, yãmb ka mi tɩ dũni nonglem yaa beem ne Wẽnnaam laa? Dẽ, ned sã n dat n yɩ dũni zoa, a yɩta Wẽnnaam bɛyã.

2 Pɩyɛɛr 1:4

Yaa bõn-kãens maasem yĩng la b kõ tõnd kãabs nins sẽn ya sõama la kãsemsã, tɩ yãmb sã n zoe n bas ratem-wẽnsã sẽn be dũniyã n wat ne sãoongã, kãab kãens yĩnga, yãmb na paam Wẽnnaam yalẽ wã.

2 Pɩyɛɛr 2:20

Sɩd me, nebã sã n bãng tõnd Zu-soab la d fãagd a Zezi Kiristã, n yi n bas dũni wã dẽgdã, n leb n kẽ a pʋgẽ t'a tõog bãmba, bãmb yaoolem toogã wẽng na n yɩɩga pipi rẽndã.

2 Pɩyɛɛr 3:14

Mam zo-nongdse, gũudum kãngã pʋgẽ, modg-y tɩ bãmb na mik tɩ yãmb ka tar rẽgdo, la tɩ y ka tar bũmb sẽn ka zemse, la tɩ y bee laafɩ pʋga.

1 Zã 5:18

Tõnd miime tɩ Wẽnnaam sẽn dog ned ning fãa ka maand yel-wẽn ye, la Wẽnnaam Bi-riblã gũuda yẽnda, la wẽng soabã ka sɩɩsd yẽ ye.