Zake 1:26 - KÃAB-PAALGÃ KOE-NOOGO

²⁶ Ned sã n tẽed t'a yaa wẽn-tũuda, n yaool n ka tõe a zelemde, a belgda a menga, la nin-kãng wẽn-tũudma yaa zaalem bala.

SEBR SÕNGO

²⁶ Ned sã n tẽed t'a yaa Wẽnd tũud akɩka n yaool n ka loet a zelemde, a belgda a menga, la a tũudma pa tũudem ye.

WẼNNAAM SEBRE 2014

²⁶ Ned sã n tẽed t'a yaa wẽn-tũuda, n yaool n ka tõe a zelemde, a belgda a menga, la nin-kãng wẽn-tũudma yaa zaalem bala.

Zake 1:26 Iomraidhean Croise

A Matiye Sõng 15:9

Bãmb sẽn waoogd maamã yaa zaalem, bala, bãmb zãmsda nebã ninsaalb tõod bala.”

A Mark Sõng 7:7

La bãmb sẽn waoogd maamã yaa zaalem, bala, bãmb zãmsa nebã kaoreng sẽn ya ninsaalb tõod bala.”

A Luk Sõng 8:18

Dẽ, bɩ y gũus ne yãmb sẽn kelgd to-to wã. Bala, b na n kõo ned ning sẽn tara, la ned ning sẽn ka tara, b na n deega baa bũmb ning yẽ sẽn tagsd t'a tarame wã n bas-a.

1 Korẽnt rãmba 15:15

Sã n yaa tɩ kũum ka vʋʋgda, kɩtame meng tɩ tõnd yagd zĩrĩ ne Wẽnnaam yelle. Bala, tõnd yagda zĩrĩ n yetẽ tɩ Wẽnnaam vʋʋga Kirist tɩ b yaool n ka vʋʋg-b ye.

1 Korẽnt rãmba 15:2

Koe-no-kãng maasem yĩnga yãmb paama fãagre, yãmb sã n tall-a wa mam sẽn togs-a yãmbã. Sã n ka yɩ a woto, yãmb tẽe zaalem bala.

1 Korẽnt rãmba 3:18

Bɩ ned da belg a meng ye. Ned yãmb sʋkã sã n tagsd t'a tara dũni yam, bɩ a lebg yalma, t'a tõe n lebg yam soaba.

Galat Rãmba 2:6

La sã n yaa ne neb nins nebã sẽn dag n get wa taoor dãmbã, la b sẽn dag n ya bũmb ning pĩndã ka pak maam ye, Wẽnnaam ka welgd neb ye. Taoor dãmb kãens ka modg maam tɩ m maan baa fɩ ye.

Galat Rãmba 2:9

La b sẽn bãng bark ning Wẽnnaam sẽn kõ maamã, a Zak ne a Sefas la a Zã, nebã sẽn get wa ra-lugsã yõga maam ne a Barnabas nus-rɩtgo, n wilg tɩ lagem-n-taar bee tõnd ne bãmb sʋka. Woto, tõnd na n teesa bu-zẽmsã sẽne, tɩ bãmb tees Zuif rãmbã sẽne.

Galat Rãmba 3:4

Bũmb nins fãa yãmb sẽn yã wã yɩɩ zaalem laa? Sã n yaẽ la zaalem!

Galat Rãmba 6:3

Ned sã n tẽed t'a yaa bũmbu, n yaool n ka fɩ, a belgda a menga.

Efɛɛz Rãmba 4:29

Da sak-y tɩ gom yook ba a yembr yi yãmb noorẽ ye. Gomd sã n na n wa yi, bɩ yɩ gom-sõng sẽn na sõng ned t'a bɩ la a wa ne bark neb nins sẽn wʋmdã zutu.

Efɛɛz Rãmba 5:4

Da gom-y gom dẽgdo, wall yalem goama, wall kʋʋsem goam tɩ bõn-kãens ka zems ye. Pʋʋs-y Wẽnnaam barka.

Kolos Rãmba 4:6

Kɩt-y tɩ yãmb goam tall bark wakat fãa n tar yamsem noom, tɩ yãmb na bãng y sẽn tog n leok ned kam fãa to-to tɩ zemse.

Zake 1:19

M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goama, la a maag ne sũ-yikri.

Zake 1:22

Yɩ-y koe-sakdba, la y ra yɩ koe-kɛlgdb bala, n belgd y mens ne tagsd sẽn ka sɩd ye.

Zake 2:20

Yam ka sek soaba, fo rat n bãngame tɩ tẽeb sẽn ka naag ne tʋʋm ka yõod laa?

1 Pɩyɛɛr 3:10

Wẽnnaam gʋls sõama yetame yaa: Sɩd me, ned sã n dat t'a vɩɩm yɩ-a noogo, la a paam sũ-noog a vɩɩm wakate, bɩ a gũus t'a zelemd da gom wẽng ye la a ra sak t'a noor gom zĩrĩ goam ye.