Vẽnegre 8:3 - KÃAB-PAALGÃ KOE-NOOGO

³ La malɛk a to n waa n yalsa tẽn-kugrã zugẽ. Yẽ ra zãada wisd laag sẽn ya sãnem. B kõo yẽ tɩdar wʋsg t'a naag ne nin-sõamyã fãa pʋʋsg n yõog sãnem tẽn-kugrã sẽn be geerã taoorã zugu, tɩ yɩ maoongo.

SEBR SÕNGO

³ Malɛk a to yaool n yaasa zaoora taoore ne sãnem kaorgo la b kõ-a-la tɩdar wʋsgo t'a naag ne nin-sõma wã pʋʋsgo n dɩgl sãnem maan-kugra zug, zaoora taoore;

WẼNNAAM SEBRE 2014

³ La malɛɛk a to n wa n yals tẽn-kugrã zugẽ. Yẽnda ra zãada wisd laag sẽn yaa sãnem. B kõo yẽnda tɩdar wʋsg t'a naag ne nin-sõamyã fãa pʋʋsg n yõog sãnem tẽn-kugrã sẽn be geerã taoorã zugu, tɩ yɩ maoongo.

Vẽnegre 8:3 Iomraidhean Croise

A Luk Sõng 1:10

La neb kʋʋngã dag n bee yɩng wisdã yõogr wakat n pʋʋsdẽ.

Rom Dãmba 8:34

Ãnna n na n kao b bʋʋd n sɩbg-ba? Kirist Zezi la sẽn ki-a wã. La sẽn yɩɩda, bãmb vʋʋgame, b bee Wẽnnaam nug-rɩtgo, b yõkda sɛɛg tõnd yĩnga.

Ebre rãmba 7:25

Dẽ me n kɩt tɩ bãmb tõe n fãag neb nins sẽn tũnugd bãmb n kolgd Wẽnnaamã hal sõama, bala bãmb vɩɩ wakat fãa n yõkd sɛɛg b yĩnga.

Ebre rãmba 9:4

Tɩdar yõogr zĩig sẽn ya sãnem ne kaoolã koglg sẽn lud zãng ne sãnem, tɩ sãnem tʋkã mannã sẽn be a pʋgẽ wã, n paas a Aarõ rasaar ning sẽn da ning-a puudã, la kaoolã kug-wals be a pʋgẽ wã bee be.

Vẽnegre 10:1

Mam yãa malɛk a to sẽn tar pãnga, sẽn yer sawadgo n yi arzãn n sigda, la saag-gomtɩʋʋg n da be yẽ zugẽ wã. A nengã da yaa wa wĩntoogo, la a naowã da yaa wa bugum.

Vẽnegre 14:18

Malɛk a to sẽn dag n tar pãn-tõog ne bugum yii tẽn-kugrẽ wã, n zẽk a koɛɛg n yeel malɛk ning sẽn zãad goeoog sẽn dɩtã yaa: Yulumd f goeoogã sẽn dɩtã, n yãgs nasaar-sibã sẽn be tẽng zugã gĩna, bala, a sibã bɩɩme.

Vẽnegre 5:8

Pe-bilã sẽn deeg sebrã, bõn-vɩɩs a naasã ne kãsem-dãmbã pisi la a naasã wõgemda bãmb taoore, la bãmb ned kam fãa zãada pɛndg la sãnem laag sẽn pid ne tɩdar sẽn tar yũ-noogo, sẽn ya nin-sõamyã pʋʋsgo.

Vẽnegre 6:9

Pe-bilã sẽn sok soagdg a nu soabã, mam yãa b sẽn dag n kʋ neb nins Wẽnnaam koɛɛgã poorẽ la b sẽn kɩs kasetã yĩngã sɩɩs sẽn be tẽn-kugrã tẽngre.

Vẽnegre 7:2

La mam yãa malɛk a to sẽn yi yaang n zẽkdẽ, la yẽ ra zãada Wẽnnaam sẽn vɩ wã bãn-ningdga. Malɛkã zẽka a koɛɛg n kelem n yeel malegs a naasã b sẽn da kõ noor tɩ b maan tẽngã ne ko-kãsengã wẽngã yaa:

Vẽnegre 8:4

Tɩdarã bug-zõos naaga ne nin-sõamyã pʋʋsg n yi malɛkã nugẽ n zẽk yĩngri, Wẽnnaam taoore.

Vẽnegre 8:5

Malɛkã rɩka wisd laagã n pids-a ne tẽn-kugrã zug bugmã n lob-a tẽngã zugu. Sa-kelemse la kelemse la sa-yãgbo la tẽn-digimdg zĩndame.

Vẽnegre 9:13

Malɛk a yoobẽ soabã peeba baorgo. La mam wʋma koɛɛg sẽn yi sãnem tẽn-kugrã sẽn be Wẽnnaam taoorã yɩɩl a naasẽ wã.