Vẽnegre 7:12 - KÃAB-PAALGÃ KOE-NOOGO

¹² n yetẽ yaa: Ãmina! Pẽgre, la ziiri, la yam la bark pʋʋsgo, la waoogre, la pãn-tõogo, la pãng yaa tõnd Wẽnnaamã n so zamaan o zamaana! Ãmina!

SEBR SÕNGO

¹² b ra maandame: «Sɩda tõnd Wẽnda toga ne pẽgre ne ziiri, b pida ne yam, b toga ne bark pʋʋsgo, ne waoogre, ne naam, ne tõogo tɩ yʋʋma tong taab koabg koabga n tõt sɛɛbo. Ami!»

WẼNNAAM SEBRE 2014

¹² n yetẽ yaa: Ãmina! Pẽgre, la ziiri, la yam la bark pʋʋsgo, la waoogre, la pãn-tõogo, la pãng yaa tõnd Wẽnnaamã n so zamaan woo zamaana! Ãmina!

Vẽnegre 7:12 Iomraidhean Croise

A Matiye Sõng 6:13

Da bas-y tõnd tɩ d kẽ makr pʋgẽ ye. Fãag-y tõnd wẽng soabã nugẽ, [tɩ yãmb n so soolem la pãnga la waoogr wakat sẽn kõn sa. Ãmina!]

Rom Dãmba 11:36

Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

1 Korẽnt rãmba 14:16

Fo sã n pʋʋsd Wẽnnaam bark ne f sɩɩgã, ned ning sẽn zĩ ne nebã n kelgdẽ wã na n maana a wãn n leok tɩ ãmin fo bark pʋʋsgã yĩnga, a sẽn ka wʋmd bũmb ning fo sẽn yetã?

2 Korẽnt rãmba 4:15

Bala, bõn-kãens sẽn maandã yaa yãmb yĩnga, tɩ barkã sẽn tat neb wʋsgã kɩt tɩ b pʋʋs Wẽnnaam barka, Wẽnnaam waoogr yĩnga.

Kolos Rãmba 2:7

Kɩ-y yẽga, n yals kãenkãe Kirist pʋga, n tall tẽeb kãenkãe wa sẽn zems zãmsg nins b sẽn dag n zãms yãmbã, la y pʋʋs bark wʋsgo.

Kolos Rãmba 3:17

Bũmb ning fãa yãmb sẽn maanda, sã n yaa goam pʋga wall tʋʋm pʋga, maan-y fãa ne Zu-soab a Zezi yʋʋre, n pʋʋs ba a Wẽnnaam bark a Zezi maasem yĩnga.

A Zʋʋde 1:25

Wẽnnaam b yen tãa sẽn ya soab ning sẽn fãag-a tõndo, d Zu-soab a Zezi Kirist maasem yĩngã, soog ziiri, la naam, la pãnga la noore, sẽn sɩng ne wakat sẽn dag n ka be, la moasã, la zamaan fãa sẽn wata. Ãmina.

Vẽnegre 1:18

Mam yaa dẽenem la yaoolem soaba, soab ning sẽn vɩ. Mam dag n kiime, la ad-ma, mam vɩɩme, zamaan o zamaane. Mam tara kũum ne kɩɩm-kulg kʋɩlen-biisi.

Vẽnegre 19:4

Kãsem-dãmbã pisi la a naasã ne bõn-vɩɩs a naasã wõgemdame n waoog Wẽnnaam sẽn zao geerã zugã n yeel tɩ: Ãmina! Halleluya!