Vẽnegre 6:12 - KÃAB-PAALGÃ KOE-NOOGO

¹² Pe-bilã sẽn sok soagdg a yoob soabã, mam gesame. Tẽn-digimdg kãseng n zĩndi. Wĩndga lebga sableg diga wa bot sẽn wʋg ne rũm-sableg kõbdo, la kiuugã zãng lebga wa zɩɩm,

SEBR SÕNGO

¹² Mam leb n gesame: Pe-bila sẽn waa n sok soagdg a yoob soaba, tẽnga miima ne pãnga la wĩntoog sobgame n lebg wa vũundu, tɩ kiuug moog zãng wa zɩɩm.

WẼNNAAM SEBRE 2014

¹² Pe-bilã sẽn sok soagdg a yoobẽ soabã, mam gesame. Tẽn-digimdg kãseng n zĩndi. Wĩndgã lebga sablg diga wa bot sẽn wʋg ne rũm-sablg kõbdo, la kiuugã zãng lebga wa zɩɩm,

Vẽnegre 6:12 Iomraidhean Croise

A Matiye Sõng 11:21

Korazin, fo na paam toogo! Betsayida, fo na paam toogo! Bala bõn-bãn nins sẽn maan yãmb pʋsẽ wã sã n dag n maanẽ Tɩɩr ne Sɩdõ sẽn ya tẽn-wẽnsã pʋse, bãmb dag n na tekẽ yam hal daar zãr n pil bot n zĩnd tompeglmẽ n kos sugri.

A Matiye Sõng 24:29

Tao-tao bala, ra-kãens toogã zugẽ, wĩndgã na n sobgame, kiuugã peelem kõn leb n zĩnd ye, ãdsã na n yii yĩngr n sʋʋge, la saasẽ pãens na rigimdi.

A Matiye Sõng 24:7

Soolem na n yika zabr ne soolem a to, tɩ rĩung yik ne rĩung a to, la kom ne tẽn-digimdg na n zĩnda zĩig-zĩiga.

A Matiye Sõng 27:45

Sẽn sɩng ne wĩnto-sʋk hal tɩ ta wẽn-kaoore, zĩigã fãa lebga lika.

A Matiye Sõng 27:54

Sodaas koabg naabã ne neb nins sẽn dag be ne yẽnda n gũud a Zezi wã sẽn yã tẽn-digimdgã ne bũmb ning sẽn maanã, rabeem kãseng yõka bãmb tɩ b yeele: Hakɩɩka, dao-kãngã yaa Wẽnnaam Bi-ribla.

A Matiye Sõng 28:2

La gese, tẽn-digimdg kãseng zĩndame. Tɩ bõe, Zu-soabã malɛk yii arzãn n sigi, n wa bilg kugrã n zĩnd a zugu.

A Mark Sõng 15:33

Sẽn ta wĩnto-sʋka, dũni gill fãa lebga lik bida hal tɩ ta wẽn-kaoore.

Vẽnegre 11:13

Wakat kãnga bala, tẽn-digimdg sẽn ya kãseng zĩndame, la tẽngã pʋɩɩr a yembr piig sʋk sirgame. Tẽn-digimdg kãng kʋʋ neb tus a yopoe, la rabeem yõka neb a taabã, la b kõo arzãn Wẽnnaamã waoogre.

Vẽnegre 16:18

La sa-yãgb ne koeese, la sa-kelems ne tẽn-digimdg sẽn ya kãseng zĩndame, la hal ninsaalb sẽn be dũni zug tɛka, tẽn-digimdg sẽn ya kãseng a woto nan ka tol n zĩnd ye.

Vẽnegre 16:8

Malɛk a naas-n-soabã kiiga sẽn be yẽ laagẽ wã wĩntoogã zugu. La b kõo wĩntoogã pãng t'a yõog ninsaalbã ne bugum,

Vẽnegre 8:12

Malɛk a naas-n-soabã peeba baorgo. La wĩntoogã pʋɩɩr a yembr tãab sʋka, la kiuugã pʋɩɩr a yembr tãab sʋka, la ãdsã pʋɩɩr a yembr tãab sʋk pãng saame, sẽn na yɩlg la pʋɩɩr a yembre tãab sʋk lebg lika, tɩ wĩndg vẽenem pãng boog sẽn tat pʋɩɩr a yembr tãab sʋka, tɩ yʋng vẽenem pãng boog a woto.

Vẽnegre 8:5

Malɛkã rɩka wisd laagã n pids-a ne tẽn-kugrã zug bugmã n lob-a tẽngã zugu. Sa-kelemse la kelemse la sa-yãgbo la tẽn-digimdg zĩndame.