Vẽnegre 3:4 - KÃAB-PAALGÃ KOE-NOOGO

⁴ Baoosgo, yãmb tara neb kẽer Sard sẽn ka rẽgem b fut ye. Bãmb na n kẽna ne maam ne fu-peelse, bãmb sẽn zems tɩ kẽn ne maamã yĩnga.

SEBR SÕNGO

⁴ Bala, Sard pʋgẽ, yãmb neb kẽere n be tɩ b fut ka rẽgem ye; bãmb bal n yãagd maam ne fu peelse la rẽ n tog ne-ba.

WẼNNAAM SEBRE 2014

⁴ Baoosgo, yãmb tara neb kẽer Sard sẽn ka rẽgem b fut ye. Bãmb na n kẽna ne maam ne fu-peelse, bãmb sẽn zems tɩ kẽn ne maamã yĩnga.

Vẽnegre 3:4 Iomraidhean Croise

A Matiye Sõng 10:11

Yãmb sã n kẽ tẽngẽ, tɩ yaa tẽn-bedre, tɩ yaa tẽn-bila, bɩ y bao n bãng ned sã n bee be n zems tɩ sik yãmb a yiri, la y zĩnd be hal tɩ ta y loogre.

A Mark Sõng 16:5

Bãmb sẽn kẽ yaoogẽ wã, b yãa bi-bɩɩg t'a zĩ rɩtgo n yer fu-pɛɛlga, la b yɛɛsame.

A Luk Sõng 20:35

la neb nins b sẽn na n mik tɩ b zemsame tɩ zĩnd dũni ning sẽn watã pʋgẽ wã la tɩ vʋʋg n bas kũumã ka na n le peeg pagba, wala kuil sɩdb ye.

A Luk Sõng 21:36

Dẽ yĩnga, bɩ y neend la y pʋʋs wakat fãa tɩ y tõe n paam pãng n põs bũmb nins fãa sẽn tog n wa wã, la y tõog n yals Ninsaal Bi-riblã taoore.

Tʋʋma 1:15

Badaare, a Pɩyɛɛr yika a ba-biis a taabã sʋka, la b sõorã da taa neb koabg la pisi, n yeel yaa:

2Tesalonik Rãmba 1:5

Yõwã wilgdame tɩ Wẽnnaam bʋʋdã yaa tɩrga, tɩ b na kɩt tɩ yãmb zems ne Wẽnnaam soolem kõom, soolem ning yãmb sẽn sakd namsgã yĩnga.

A Zʋʋde 1:23

Zɛɛg-y-b n fãag-b n yiis bugmẽ wã. Zoe-y neb a taabã nimbãanega, nimbãaneg sẽn naag ne rabeem, n kisg hal baa fuug ning b yĩnsã ratem sẽn dẽgmã.

Vẽnegre 1:11

A da yetame yaa: Gʋls bũmb nins fo sẽn ne wã sebr zug n tʋm wẽnd-dot yopoe wã sẽn be Efɛɛse, la Ismirn la Pɛrgam la Tɩyatɩɩr la Sard la Filadɛlfi ne Laodise.

Vẽnegre 11:13

Wakat kãnga bala, tẽn-digimdg sẽn ya kãseng zĩndame, la tẽngã pʋɩɩr a yembr piig sʋk sirgame. Tẽn-digimdg kãng kʋʋ neb tus a yopoe, la rabeem yõka neb a taabã, la b kõo arzãn Wẽnnaamã waoogre.

Vẽnegre 14:4

Yaa neb nins sẽn ka rẽgem b mens ne pagbã, bala b ka sãam ye. Bãmb na n pʋgda Pe-bilã n dabd zĩig ninga fãa b sẽn dabda. B raa bãmb n yiis neba sʋka, tɩ b yɩ wa dẽenem biis Wẽnnaam ne Pe-bilã yĩnga,

Vẽnegre 19:14

Sodaasã sẽn be arzãnã dag n zaoo wed-peels n pʋgd bãmba, n yer lẽ sõng fut sẽn ya peels la yoalgma.

Vẽnegre 19:8

B kõo pʋg-paalã lẽ sõng fuug sẽn pɩnd n ka tar rẽgd t'a yeelge. Lẽ sõng fuugã yaa nin-sõamy wã tʋʋm sõamyã.

Vẽnegre 3:18

mam sagenda yãmb tɩ y ra sãnem mam nengẽ, sẽn zug ne bugum, tɩ y tõe n lebg arzegs rãmba, la y ra fu-peels mam nengẽ, tɩ y tõe n paam n yeelge, n lud y yãnd n da yɩ a zaal ye, la y ra nin kaam mam nengẽ n sõog y ninã tɩ y tõe n yã.

Vẽnegre 3:5

Ned ning sẽn na n tõogã na n yeelga fu-peels a woto. Mam ka na n yẽes yẽ yʋʋrã vɩɩm sebrã pʋgẽ ye, la mam na n boola yẽ yʋʋrã m ba la malegsã taoore.”

Vẽnegre 4:4

La gɛy pisi la a naas n dag n gilg ge-kãsengã, la kãsem-dãmb pisi la a naas n zao b zutu, n yer fu-peelse, la b n fõg sãnem maanf-rãmba.

Vẽnegre 6:11

B kõo bãmb ned kam fãa fu-pɛɛlga, la b yeel-b tɩ b kel n vʋʋs wakat bilf yɛsa, hal tɩ bãmb tʋmd-n-taasã ne b ba-biisã b sẽn na n kʋ wa b sẽn kʋ bãmbã sõor pidi.

Vẽnegre 7:9

Dẽ poore, mam gesame, la mam yãa neb kʋʋng wʋsg ned sẽn ka tõe n sõd n sɛ ye, sẽn yi soolem dãmba fãa pʋse, buud fãa pʋse, tẽns toay-toay fãa pʋse, la sẽn gomd goam buud toor-toore. Bãmb dag yera fu-peelse la b zãad koms vãad b nusẽ n yas geerã taoore la Pe-bila taoore.